Euskal presoak

Presoen egoerari buruzko txosten bat aurkeztuko diote NBEren Giza Eskubideen Batzordeari

Urruntzeak dakarren giza eskubideen urratzea, preso erien egoera, zigorrak metatzeko ezintasuna eta beste urraketa batzuk aipatzen ditu Sarek eta Ikasmirak zentroak prestaturiko txostenak

Gotzon Hermosilla -

2019ko irailak 11

Bost urtean behin, NEBk giza eskubideen egoera aztertzen du kide diren estatuetan, eta aurten Espainiako Estatuari dagokio azterketa hori pasatzea. Horregatik, Sarek eta EHU Euskal Herriko Unibertsitateko Ikusmirak ikerguneak txosten bat prestatu dute NBEren Giza Eskubideen batzordeari emateko.

Euskal presoei eragindako giza eskubideen urraketen berri ematen du txostenak, eta, batez ere, hiru arlo nabarmentzen ditu: urruntzea –Iñaki Lasagabaster abokatuak esan du "familia bizitza izateko eskubidea" urratzen duela–, zigorrak metatzeko ezintasuna eta gaixo handi diren presoen afera. Azken horretaz, Lasagabasterrek esan du legearen arabera baldintzapean aske utzi behar direla arrisku larrian dauden presoak: "Baina, horretarako, ez da itxaron behar presoak hiltzeko zorian egon arte, kartzelaren funtzioa ez baita presoak hiltzea".

Zigorrak metatzeko aukerari dagokionez, txostenean gogora ekarri dute Europako Batasunak arautu duela hori, baina Espainiak arau horren "interpretazio murriztailea" egin duela eta, gainera, uko egin diola Europako Batasuneko Justizia Auzitegiari horren inguruan galdetu eta argibideak eskatzeari.

Sareko bozeramaile Joseba Azkarragak esan du presoen eskubideak defendatzea ez dela hautu ideologikoa, "giza eskubideak babestea" baizik, eta "Europara eta mundura" jotzeko beharra nabarmendu du: "Horregatik aurkezten dugu txosten hau, munduari begira".

Ez dago zehazturik NBEren Giza Eskubideen Batzordeak txostena jaso ostean zer protokolori jarraitu behar dion, batzordea osatzen duten kontalarien baitan dagoelako hori, baina litekeena da kontalariek informazio gehiago eskatzea edo txostena egin duten elkarteekin harremanetan jartzea. Datu guztiak eskuan, espero izatekoa da NBEk bere ondorioak plazaratuko dituela urtea amaitu aurretik, urrian edo azaroan seguru asko.

Jende ezagun ugari elkartu da Bilboko Kafe Antzokian txostenari babesa emateko: Pili Zabala eta Rosa Rodero biktimak, Daniel Arranz Espainiako gobernadore zibil ohia, Iñaki Zarraoa Getxoko alkate ohia (EAJ), Felix Cañada, Jone Goirizelaia, Iñigo Santxo eta Arantza Zulueta abokatuak, Ramon Zallo, Paco Letamendia eta Pedro Ibarra EHUko irakasleak, Javier Madrazo Eusko Jaurlaritzako Etxebizitza eta Gizarte Gaietako sailburu ohia eta abar. Carlos Garaikoetxea eta Juan Jose Ibarretxe lehendakariek, Garbile Biurrun epaileak, Javier Sadaba filosofoak eta beste zenbaitek atxikimendua adierazi dute, han egoterik izan ez badute ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna