Noiz sortua: 2019-09-16 09:29:58

Musika

Ric Ocasek hil da, The Cars taldeko burua

Musikari eta ekoizle estatubatuarra 75 urterekin hil da. 80ko hamarkadako talderi arrakastatsuenetakoa izan zen 'Just What I Needed', 'Drive' eta 'Magic' kantuei esker

Ric Ocasek, iazko apirilean. /
Ric Ocasek, iazko apirilean. / DAVID MAXWELL/EFE

Mikel Lizarralde -

2019ko irailak 16

Ric Ocasek (Baltimore, AEB, 1944-New York, AEB, 2019) musikari eta ekoizle ezaguna atzo hil zen, 75 urte zituela. Ocasek 1980ko hamarkadan egin zen ezagun The Cars taldeko buru zela, eta arrakasta handia lortu zuten hainbat disko egin zituen 1984ra bitartean. Taldea 1988an desegin zen, baina Ocasekek musikari lotuta segitu zuen: bakarkako hainbat lan plazaratzeaz gain, ekoizpenera bideratu zuen bere lana, eta, besteak beste, Suicide, Weezer, Bad Brains eta Nada Surfen lanak ekoitzi zituen.

1970eko hamarkadan, punkaren oldeari segituta, sortu zen New Wave mugimenduaren ikurretako bat izan zen The Cars. Erresuma Batuan hasitako artistek (Elvis Costello, Nick Lowe, Joe Jackson), markatu zuten, hasiera batean, bidea, baina AEBetan loratu zen eszenaren alderdirik koloretsuena B-52's, Blondie eta, batik bat, The Carsi esker. The Carsek punkaren eragina jaso zuen, baina, taldearen soinuaren bereizgarri ziren teklatuei eta melodia gogoangarriak egiteko gaitasunari esker, egitura klasikoko pop kantuak izan ziren beti taldearen ardatza.

The Carsek 1978an kaleratu zuen bere lehenengo diskoa, hit mordoxkaz osatutako albuma. Han ziren, besteak beste, Good Times Roll, My Best Friend's Girl eta Just What I Needed, 1980ko hamarkadan irrati, taberna eta dantzalekuetan ohiko bilakatuko ziren kantuak.

Candy-O (1979), Panorama (1980) eta Shake it (1981) diskoek zabaldu egin zuten taldearen proposamena, eta lehen diskoan adina kantu zuzen eta itsaskor ez izan arren, hainbat pieza biribil zeuden lan haietan.

Lau urtetan lau disko argitaratu ostean, Ocasekek bere bakarkako lehen diskoa argitaratu zuen, eta ekoizle lanak egiten ere hasi zen. Horrek, gainera, denbora eman zion taldeari bere lanik arrakastatsuena: Heartbeat City (1984) prestatzeko. MTV telebista katearen lehen urteak ziren haiek, eta taldeak oso ondo baliatu zuen plataforma berria bideo dibertigarri eta koloretsuak eginez.

The Carsek Door to Door diskoa kaleratu zuen 1987an, baina ez zuen aurrekoek adinako oihartzuna lortu, eta taldea hurrengo urtean desegin zen.

Ocasekek, orduan, bakarkako bideari heldu zion, baina hainbat disko argitaratu arren, ez zuen arrakasta handirik lortu, eta ekoizle lanetan zentratu zen, 2011n The Cars berriro elkartu eta Move Like This diskoa arigitaratu zuen arte.

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Ertzaintzaren kontrol bat, Kantabriako (Espainia) mugan. ©Aritz Loiola / Foku

Beste hiru pertsona hil dira COVID-19ak jota

Berria

Hamalau pertsonak eman dute positibo Hego Euskal Herrian PCR proban. Ez dute inor ospitaleratu, eta pertsona bat atera dute zainketa intentsiboen unitatetik.

Herritarrak paseoan, Donostiako Ondarreta hondartzaren ondoan. ©JON URBE / FOKU

Hirugarren fasera igaroko da Hego Euskal Herri guztia

Ainhoa Larretxea Agirre

Hirugarren fasetik aitzinera, autonomia erkidegoetako lehendakariek izango dute erabakiak hartzeko eskumena. Alarma egoera bukatu arte, etenda egongo dira Nafarroaren eta EAEren arteko joan-etorriak. Nafarroan elkarte gastronomikoak irekiko dituzte, baina tabernetako barrek itxita jarraituko dute. Jaurlaritzak bihar emango ditu hirugarren faseari buruzko azalpenak.

Arroabeko haur eskola, artxiboko irudi batean ©urola kostako hitza

Partzuergoko haur eskolak ekainaren 22an irekiko dituztela jakinarazi diete sindikatuei

Irati Urdalleta Lete

LABek plantorako deia egingo du, «prebentzio plan egokia» adostu ezean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna