Noiz sortua: 2019-09-18 09:21:42

UDALGINTZA

Udalbiltzak azaroaren 16an egingo du batzarra Durangon

Erakunde nazionalak hogei urte bete ditu gaur, eta 2019ra "eraberritzeko eta bere funtzioak berrikusteko gogoz" iritsi direla nabarmendu dute egungo kideek gaurko agerraldian. Lehendakaria hautatu eta zuzendaritza berrituko dute. Bideoa albistearen amaieran.

Udalbiltzako egungo kideak eta kide historikoak, gaur, Donostian. /
Udalbiltzako egungo kideak eta kide historikoak, gaur, Donostian. / Andoni Canellada/Foku

Enekoitz Telleria Sarriegi -

2019ko irailak 18

Udalbiltzak gaur aurkeztu du Donostiako Koldo Mitxelena kulturunean azaroaren 16an Durangon (Bizkaia) egingo duen Batzar Nazionala. Gaur egungo kideek eta hainbat kide historikok hartu dute parte, eta erakunde horrek duela hogei urte zuen balioa —gaurko egunez egin zen Bilboko Euskalduna jauregian hura sortzeko batzarra— eta gaur egun duena nabarmendu dituzte. Han izan dira, besteak beste, zuzendaritza berriko Jabi Asurmendi, Pili Legarra eta Jon Arriola, eta Pablo Gorostiaga, Santi Kiroga, Loren Arkotxa eta Xarlo Etxezarreta kide historikoak.

Gaurko egunez, duela 20 urte egin zuten ia 2.000 hautetsik Udalbiltza eratzeko batzarra Bilboko Euskalduna Jauregian. Egun hartakoa da argazkia. Euskaldunon Egunkariako artxibokoa @berria @Udalbiltza pic.twitter.com/QwtxTkZ0uy

— Enekoitz Telleria (@EnekoitzTelle) September 18, 2019

"Hogei urte ez dira alferrik pasatzen, eta Euskal Herriko erakunde publiko nazionalak, oztopoak oztopo, urratsez urrats, egin du bidea", azpimarratu dute egungo kideek. Bi hamarkada horietan "Euskal Herriaren nazio egituratzea gorpuzten, eta erakunde publikoetan hazia pausarazten" aritu direnei eskerrak eman dizkiete, batzar nazionalari buruzko xehetasunak eman dituzte —Udalbiltzara atxikitako kide guztiek izango dute batzarrean eta bozketetan parte hartzeko aukera—, eta kide historikoak batzarrera gonbidatuko dituztela jakinarazi. "Eraberritzeko eta bere funtzioak berrikusteko gogoz heldu da Udalbiltza 2019ko paradara, jada hainbat proiektu loratze bidean direlarik. Irudi berria ere garatu dugu erakundearen eraberritzea irudikatzeko, eta, era berean, aurreko hamarkadetako jarduna gure eginez".

Udalbiltzan Bagabiltza gogoeta prozesua ekarri dute gogora, bai eta handik abiatutako proiektuak ere: Lurgida, Ikerbiltza, Hartu-eman, Hurbiltzen, EHNA... "Ez da lan makala aurretik duguna. Hori dela eta, mila hautetsiren atxikimedua lortzeko erronkari lotu gatzaizkio, bakoitzak bere esparrutik, bakoitzak bere gogoetatik, garatuko diren proiektuetan, nahiz etorriko diren ekinbideen garapenean ere parte hartzeko". Jakinarazi dutenez, 600 hautetsi dira oraingoz atxiki direnak, baina atxikimendu kanpaina "erritmo onean" doa, eta helburua lortzea espero dute.

 

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna