Noiz sortua: 2019-09-30 13:41:30

Hondarribiko alardea

Jaizkibel konpainia: "Ea datorren urtean alarde publiko eta parekidea dugun"

Gipuzkoako Batzar Nagusietan hitza hartu dute, "konponbiderako" urratsetan laguntza eskatzeko.

Jaizkibel, aurtengo alardean.
Jaizkibel, aurtengo alardean. Gorka Rubio/Foku

Arantxa Iraola -

2019ko irailak 30

Herrietako usadioetan, izenak eduki ohi dituzte jaietako egunek: Hondarribian (Gipuzkoa), irailaren 8a, alardearen eguna izaten da, edo Ama Birjinaren eguna. "Guretzat, aurten, Ama Birjinaren eguna izan da, jai eguna", onartu du gaur goizean Gipuzkoako Batzar Nagusietan egindako agerraldian Jaizkibel konpainiako kide Izaskun Larruskainek; izan ere, onartu du lortu dutela Kale Nagusian jaiaren hautu parekidearen kontrakoek egiten dituzten keinu itsusiak gutxitzea, eta, ororen gainetik, aldekoak gailentzea. Bide hori sendotze aldera, "elkarrizketa" sustatzen jarraitzea ezinbestekoa dela esan du, eta instituzioak ondoan behar dituztela horretan: "Laguntza behar dugu".

Ana Mari Aristondo kidearekin batera solastatu da Larruskain. Biek gogora ekarri dute orain dela 25 urte sortu zela aldarri parekidea, eta oraindik gauzatzeko dagoela: emakumeek baztertuta jarraitzen dute Hondarribiko festetan. Izan ere, herriko jaietako ekitaldi nagusia, alardea, gizonek bakarrik osatzen dute oraindik, andreei soilik uzten diete parte hartzen kantinera gisara, eta Jaizkibel ez dute onartzen, hain justu, parekidea delako. Horregatik, behin eta berriz gogora ekarri dute bi emakumeek "berdintasun" arazo bat dagoela gatazkaren muinean, eta ez "bizikidetza" arazo bat. Aurtengo festetan grabatutako bideoak erakutsi dizkiete batzarkideei hori erakusteko: Jaizkibel konpainiaren entseguak, zeintzuetan ikusten den jende asko txaloka, festa giro oso ederrean. "Hor bizikidetza arazo bat ikusten duzue? Ez, berdintasun arazo bat da". Alardearen egunean, halaber, elizan egin ohi duten ospakizunean, desfile tradizionalaren aldekoen partetik aurten aparteko atxikimendu keinuak jaso dituztela nabarmendu dute. "Eta irudi horiek, adibidez, ez daude, ez dira erakusten. Zergatik?".

Kale Nagusian izan dira azken urteotan konpainia parekidearen kontrako keinu itsusienak, eta ia bakanak. Ororen gainetik, jarrera horiek baztertzera egin behar dela gogoratu dute: "Eta tentsioa sortzen dutenek dute hura jaisteko giltza". Konponbiderako bidean, ordea, aldarri parekidea ezin dela bazter utzi argi utzi dute: "Ea datorren urtean alarde publiko eta parekidea dugun". Izan ere, hainbatetan salatu dute "pribatizatuta" dagoela egun haren antolaketa, eta garrantzitsua dela udalak garai batean jaiaren gainean zuen ardura berreskuratzea. 

Aurten "elkarrizketarako" bidean hainbat urrats egin direla onartu dute. "Aurten aldaketa egon da, erakundeek esku hartu dutelako", esan du Aristondok. Hain justu, diputazioak sustatuta elkarrizketak bideratzeko prozesu bat hasi zen aurrena, desfile ez-parekidearen antolatzaile Alarde Fundazioak mahai baten bueltan esertzeko prest zegoela adierazi zuen gero, eta justu uda partean Jenny Pearce bitartekaria ahalegindu da estreinako bilera batean elkartzen alde guztiak. Ez zen bilera hori egin, azkenean. Baina urrats horiei guztiei garrantzia eman behar zaiela adierazi dute Jaizkibel konpainiako ordezkariek. "Guk arazo hau konpondu nahi dugu, eta lehen urratsak dira elkarrizketak", adierazi dute. "Baina oraindik ere pentsatzen dugu helburua konponbidean jarri behar dela, ez soilik tentsioa jaistean".

Erantsi dute elkarrizketa prozesu horretan informazio falta izan dutela zenbaitetan, eta egon diren gorabeheren gaineko argibiderik ez diela eman, adibidez, Markel Olano diputatu nagusiak: "Deitzen diogu, eta ez dugu erantzunik izaten; hori da errealitate tristea".

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna