Euskara

Arnasguneetako herritarrak ahalduntzeko egitasmo bat aurkeztu dute

'Arnasa Gara' izena du komunikazio proiektuak eta, herrietan aurkezpenak egiteaz gain, 'Kartzela' serie digitala ekoitzi dute.

Arnasguneen babeserako 'Arnasa Gara' proiektuaren aurkezpen agerraldia.
Arnasguneen babeserako 'Arnasa Gara' proiektuaren aurkezpen agerraldia. Gorka Rubio/Foku

Paulo Ostolaza -

2019ko irailak 30

Gaur goizean bildu dira Azpeitiko Sanagustin kulturgunean UEMA Udalerri Euskaldunen Mankomunitateko, Eusko Jaurlaritzako eta Gipuzkoako eta Bizkaiko foru aldundietako ordezkariak, Arnasa Gara egitasmoa aurkezteko. Helburua da “arnasguneetako herritarrak ahalduntzea”, hau da, bertako biztanleak euskararen biziberritzean duten garrantziaz jabetzea. Aipatutako erakundeez gain, Hiruko Itundike diren Nafarroako Gobernuak eta Iparraldeko Euskararen Erakunde Publikoak ere babestu dute egitasmoa.

Komunikazio kanpaina bat da Arnasa gara, eta bi fase nagusi izango ditu. Lehenengoan, arnasguneetara zabalduko da mezua. Aurkezpen ekitaldiak egingo dituzte herriz herri, eta, besteak beste, Kartzela serie digitala erakutsiko dute —lehen bi atalak proiektatuko dituzte ekitaldietan—. Egitasmo horretarako sortutako seriea da Kartzela, eta elkar ezagutzen ez duten sei pertsonaren istorioa kontatzen du, bertso finalaren ostean BECen itxita geratzen diren unetik aurrera. Arnasgune diren zenbait herritakoak dira Hiru Damatxo ekoiztetxeak ekoitzitako serie horretako protagonistak.

Bigarren fasean, berriz, Euskal Herri osora hedatuko da arnasguneetan zabaldutako mezua. Bertan bizi ez direnak errealitate horretaz jabetzea nahi dute, baita duten garrantziaz ere. Durangoko Azokan Kartzela aurkeztu ondoren hasiko da fase hori, eta urte amaierra arte iraungo du; EITBk lagunduko du zabalkundean.

Prozesua

Egitasmoaren sortzaileen arabera, Joshua Fishman soziolinguistak 1991n Reversing Language Shift idatzi zuenetik hizkuntzen biziberritze prozesuen erdigunean kokatu dira arnasguneak. Euskal Herrian Mikel Zalbide euskaltzainak egindako lana ere nabarmendu du Bingen Zupiriak, Jaurlaritzako Kultura eta Hizkuntza Politika sailburuak.

2018an hasi ziren sortzen, ordea, Arnasa Gara proiektua. Hiru fase izan ditu orain arte: ikerketa kualitatiboa, errealitatea ezagutzeko herritarrekin antolatutako saioak eta kanpainaren diseinua. Azken pauso horretarako erabilitako ondorioak azaldu dituzte: besteak beste, arnasguneetan naturaltasun osoz bizi daitekeela euskaraz; erabileraren gainbehera sumatzen dutela herritarrek, baita gazteleraren presentzia handia ere lantokietan; haurrek gaztelerarako duten joerak kezkatzen dituela; zenbait aurreiritzi eta konplexu dituztela; eta abar.

Azpeitiko ekitaldian izan dira, Zupiriaz gain, Josu Labaka UEMAko lehendakaria, Garbiñe Mendizabal Gipuzkoako Foru Aldundiko Hinkuntza Berdintasuneko zuzendaria, Ana de Castro Bizkaiko Foru Aldundiko Euskara zuzendaria, eta zenbait udalerritako alkateak: Nagore Alkorta, Azpeitiakoa; Koldo Goitia, Lekeitiokoa; eta Lierni Altuna, Aramaiokoa.

Arnasagara.eus eta kartzela.eus dira proiektuaren webguneak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Susanna Paavilainen eta haren txakurra, Kossi, Helsinkiko aireportuan lanean, atzo. ©MAURI RATILAINEN / EFE

Koronabirusa atzemateko txakurrak erabiltzen hasi dira Finlandian

Edu Lartzanguren

Helsinkiko aireportuan hasi ziren lanean atzo animaliokin. Azterketen arabera, txakurrok kasuen ia %100 usaintzen dituzte, kutsaturiko pertsonak oraindik sintomarik garatu ez baditu ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna