Noiz sortua: 2019-10-02 14:45:46

TXIRRINDULARITZA

Jon Odriozola: "Gure helburu guztiak sobera bete ditugu"

Euskadi-Muriasen kirol zuzendariak aitortu du taldearen desagerpenak "etsipena" eragin diola, eta azpimarratu du taldearen oinarrizko ideiak garatuko dituen proiektu berri batean hasiko dela lanean.

Jon Odriozola:
Jon Odriozola: "Gure helburu guztiak sobera bete ditugu"

Berria -

2019ko urriak 2

Odriozolak azaldu duenez, Muriasek proiektua hasteko proposamena egin zuenean, "euskal txirrindularitza bizirik mantentzeko" oso argi zuten egin beharra: "Euskadi nazioarteko mailarik gorenera eramango zuen harrobian oinarritutako talde bat osatzea". Eta lortu dutela dio. "Azken bost urteetan bikaintasuna lortu dugu, gure egutegia urtetik urtera hobetuz eta Espainiako Vueltan bi urteetan lehiatuta, azken honetan talde erreferentea bihurtuz. Bi etapa irabazi ditugu Vueltan, Turkiako Tourra irabazi dugu, baita Norvegiakoa ere, etapak Portugalgo Itzulian edo Aragoiko Vueltan...".

Euskadi-Muriaseko managerraren arabera, "garaipen horien gainetik talde honen arrakastarik handiena jende askorengana iristea izan da. Pertsona ugarik talde honetan islatuta ikusi dute beren burua". "Harrobiaren alde egindako apustua" ere nabarmendu du. "Etorkizunean garaipen handiak emango dizkiguten txirrindulari askori guk eman diegu profesional mailan aritzeko lehen aukera". "Umiltasuna" izan da hori guztia lortzeko sekretua. "Familia batean bilakatu den taldea izan gara, eta proiektu global batean lan egin dugu, marketin aldetik kirol arlora lan egin duena. Estrategia plan hori gabe, lortu duguna ezin izango zen posible izan".

Kolpea izan da jakitea taldeak ez zuela jarraituko. "Taldeak ez zuela jarraituko jakin ondoren, lehen momentuak oso gogorrak izan ziren. Hasieran, inpotentzia handia sentitu nuen". Baina antolatzaile, zale, kazetari eta abarrek bidalitako animo eta babes mezuei esker, "aho zapore onarekin" gelditu da.

Bere etorkizunaz, berriz, esan du "puntu eta jarrai bat" dela. "Euskadi–Murias taldearekin helburu guztiak beteta, gaur bertatik taldearen oinarrizko ideiak garatuko dituen proiektu berri batean hasiko naiz lanean, Europa mailan harrobian oinarritutako talderik onena sortzeko helburuarekin. Irmoki sinesten dut harrobia landuko duen Europako talde batentzat lekua badagoela, eta hurrengo hilabeteetan proiektua garatzen ahaleginduko naiz. Uste dut egin dugun guztia ereitea izan dela, eta etorkizuna idazteke dago. Mundu mailako txirrindularitzan lanean jarraituko dut".
 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©Berria

Koronabirusaren azken datuak

Berria

Euskal Herrian 12.066 gaixok eman dute positibo koronabirusaren proba eginda. 737 hil dira. COVID-19 gaitza izandako 3.948 pertsonari eman diete alta. Grafikoak, albiste barruan.

Pertsona bat zebrabidea gurutzatzen, Iruñean. ©Iñigo Uriz / Foku

Alokairu turistikoak, debekatuta Lapurdiko kostaldean

Berria

Munduan 70.000 lagun inguru hil dira COVID-19 eritasunaren eraginez, eta atzemandako kasuak ia 1,3 milioi dira; joan den ostegunean, milioi bat ziren. AEBak eta, bereziki, New York dira pandemiaren epizentro berria. AEBetan, 337.000 positibo baino gehiago baieztatu dira, eta 9.600 lagun hil.. 

Irrintzi konpartsako erraldoiak, Boiseko Basque Blocken, 2015eko Jaialdian ©Urtzi Urrutikoetxea

Diasporako euskal jairik handiena bertan behera utzi dute

Edu Lartzanguren

Boiseko Jaialdi festibala bost urtetik behin egiten dute, eta aurtengo uztailerako zegoen programatuta. Azkenean, 2021eko uztailaren 27tik abuztuaren 1era egitea erabaki dute, "ardurak eraginda".

EGA Euskararen Gaitasun Agiria lortzeko probak. ©Andoni Canellada / Foku

Jaurlaritzak udazkenera arte atzeratuko ditu hizkuntza maila egiaztatzeko probak

Jon O. Urain

Indarrik gabe utzi du maiatzaren 9rako aurreikusitako proba idatzia, eta urrian egingo du. Onartutako eskabideak kontuan hartuko dira bigarren deialdi horretarako.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna