Albistea entzun

Kilometroak

"Herri gisa" pentsatutako hezkuntza legea eskatu du Ikastolen Elkarteak

Cristina Uriarte Eusko Jaurlaritzako sailburuak hezkuntza lege "gaurkotu eta indartu" bat lortzeko urratsak egitera deitu du.

Berria -

2019ko urriak 6

Aldi bati amaiera jartzeko eta beste bati hasiera emateko festa da gaurkoa Zarautzen (Gipuzkoa). Kilometroak jaiak azkenekoz jarraituko dio orain arteko ereduari, eta, datorren urtetik aurrera, jaia berrasmatuko du. Hala, datorren urtean Villabonan (Gipuzkoa) egingo den jaia txikiagoa izango da, parte hartzeari bideratua, eta Gipuzkoako ikastolen aldeko festak aldarrikapen kutsua berreskuratuko du.

Aldaketa horrek berezia egin du aurtengo Kilometroak, eta hori nabarmendu du Nekane Artola Kilometroak kultur elkarteko lehendakariak irekiera ekitaldian. Hezkuntza lege berri baten proiektuari buruz ere mintzatu da, eta "herri gisa" pentsatutako lege bat adostea eskatu du. Artolaren iritziz, beharrezkoa da haur etorkinak hartzeko sistema berri bat eratzea ere.

Hala, eskerrak eman dizkie Kilometroak jaiaren 42 urteko ibilbidea posible egin duten kolaboratzaile, antolatzaile, boluntario, eragile eta herritarrei. "Guztiengandik ikasitakoa etorkizunera begira jarriko dugu", adierazi du Artolak.

Irekiera ekitaldian parte hartu dute erakunde publikoetako hainbat ordezkarik ere: Bakartxo Ruiz Eusko Legebiltzarreko lehendakariak, Cristina Uriarte Eusko Jaurlaritzako sailburuak eta Markel Olano Gipuzkoako ahaldun nagusiak. Uriartek ere hezkuntza legea izan du hizpide. Haren esanetan, beharrezkoa da gizartearen "aldaketa teknologiko eta metodologikoetara" moldatzea, baita gizartearen aniztasunera ere. Horregatik, ezinbestekotzat jo du hezkuntza sistema "gaurkotzen eta eraldatzen jarraitzea, hezkuntza lege berri baten bidez".

Lan hori "guztion ardura" dela nabarmendu du. Uriartek gaineratu du Jaurlaritza hasia dela bide hori egiten "eragile askoren babesarekin". Sailburuaren iritziz, "Euskadik datozen urteetarako lege berri bat merezi du", "gaurkotua eta indartua".

Markel Olanok, berriz, Gipuzkoako ikastolei egindako lana eskertzeko baliatu du bere hitzaldia, eta garrantzia aitortu die egin duten ibilbideari.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Avanzako langileek segurtasun neurriak eskatzeko egindako mobilizazioa. ©HITZA

Falta duten segurtasunaren bila

Beñat Alberdi, Gipuzkoako Hitza

Lurraldebuseko langileak geldialdiak egiten hasi dira astean bi aldiz. Segurtasuna bermatzeko neurri hobeak eskatu dituzte, gauetako txandetan ez ezik, aste osoan ere bai.

Elhadji Ndiaye omentzeko ekitaldia, Iruñeko Arrotxapea auzoan, iaz. ©JESUS DIGES / EFE

ESPALOIAN ITOTAKO BIZITZA

Ion Orzaiz

Duela bost urte, 2016ko urriaren 25ean, Elhadji Ndiaye senegaldarra zendu zen, Espainiako Poliziaren zaintzapean, Iruñean. Atxiloketa bortitz baten ostean konfirmatu zuten hila zela. Poliziaren jokabide arrazisten ondorio dela uste dute Ndiayeren lagunek eta gobernuz kanpoko erakundeek.
Egonkorrak bilakatu dira Ipar eta Hego Euskal Herriaren artean Frantziako indar armatuek egiten dituzten kontrolak. ©BOB EDME

Sistemaren belauna lepoan

Oihana Teyseyre Koskarat - Jone Arruabarrena - Ion Orzaiz -Javi West Larrañaga

Migratzaileen aurkako jazarpena fenomeno orokortua da Euskal Herrian. Adituek eta gobernuz kanpoko erakundeek salatu dute Poliziak «sistematikoki» erabiltzen duela bortxa pertsona arrazializatuen aurka.
 ©BERRIA

«Polizia, nahitaez, giltzarri da gizarte arrazista iraunarazteko»

Maite Asensio Lozano

Segurtasunaren zein mehatxuen inguruan zabaltzen diren ideiak «eraikuntza politikotzat» dauzka Douhaibik; horrekin lotu ditu kolektibo arrazializatuen aurkako kriminalizazioa eta jazarpen poliziala.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.