Arrauna

Donostiako Auzitegian ere ezezkoa jaso du Urdaibaik

Ez diote onartu iazko Kontxako Banderan lehiaketa batzordeak ezarri zion zigorraren aurka jarritako helegitea, eta, orain, apelazioa aurkez dezake Gipuzkoako Auzitegian

Zierbenak (ezkerrean) eta Urdaibaik (eskuinean) tupust egin zuten unea, iazko Kontxako lehen estropadan.
Zierbenak (ezkerrean) eta Urdaibaik (eskuinean) tupust egin zuten unea, iazko Kontxako lehen estropadan. Javier Etxezarreta/EFE

Berria -

2019ko urriak 8

Iazko Kontxako Banderan, Urdaibai lehen igandeko sailkapenean azkeneko lekura bidali zuen estropadako lehiaketa batzordeak, bigarren txandan "epaileek ababorrera joateko egindako eskariei uko egin eta, ondorioz, Zierbenako arraunekin talka egin, eta abordatzea eragiteagatik". Hamabost segundo ere gehitu zizkion, gainera, eta zigorra handitu. Bigarren igandean bandera irabazteko batere aukerarik gabe geratu zen Bermeoko taldea. Gero, hamabost segundoko zigorra kendu egin zitzaion. 

Horren aurka, Urdaibaik helegitea aurkeztu zuen Donostiako Administrazioarekiko Auzien Epaitegian, eta orain heldu da erantzuna: atzera bota diote helegitea. "Ezin dugu egindako jardueren balorazioen lan teknikoa ordezkatu, ez eta ezarritako parametroak berrikusi ere", adierazi du epaiak. Gainera, garbi utzi du "epaileek hartutako erabakia haiei ematen zaien ahalmenaren baitan" dagoela, eta "epaileen jarduna estropadaren araudiaren baitako arbitraje lana izan" zela. Azkenik, epaiak dio zigorra ezin dela "aldatu, kirol jardueraren barruan gertatu zelako". 

Dena dela, epaia ez da behin betikoa, eta Urdaibaik aukera dauka apelazioa jartzeko Gipuzkoako Auzitegian. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna