Noiz sortua: 2019-10-10 13:48:53

Eusko Legebiltzarrak berretsi du Jaurlaritzak "erantzukizun politikoa" izan duela eskola publikoetako jangelen auzian

Legebiltzarrak oniritzia eman dio auzia ikertzeko sortu zuen batzordeak uztailean onartu zuen txostenari. EH Bilduk, Elkarrekin Podemosek eta PPk bozkatu dute txostenaren alde, eta EAJk eta PSE-EEk kontra.

Eskola jangela bat, artxiboko irudian.
Eskola jangela bat, artxiboko irudian. Javier Cebollada/EFE

Berria -

2019ko urriak 10

Eusko Legebiltzarrak frogatutzat jo du Jaurlaritzak "erantzukizun politikoa" izan duela, Araba, Bizkai eta Gipuzkoako eskola publikoetako jangelen auzian. Legebiltzarrak bere egin ditu auzia aztertzeko Eusko Legebiltzarrean sortutako batzordeak onartu zituen ondorioak. Oposizioaren aldeko botoekin berretsi dute txostena. EH Bilduk, Elkarrekin Podemosek eta PPk bozkatu dute alde. Aldiz, kontra agertu dira EAJ eta PSE-EE.

Txostenaren arabera, eskola publikoetako jangeletan catering zerbitzua eman zuten enpresen kontratazioak 80 milioi euroren gainkostua eragin dio administrazio publikoari, enpresek prezioen gaineko akordio ezkutu bat zutelako. Txostenak ukatu egin du enpresek eta agintari politikoek jarrerak hurbildu zituztela, baina "ardura politikoa" egotzi dio Jaurlaritzari, ez zuelako kontratazioen gaineko kontrola behar bezala gauzatu, eta ez zuelako iruzurra eragotzi. Erantzukizuna 2003. eta 2017. urteen arteko Hezkuntza Sailei egotzi die txostenak.

Auzia ikertzeko batzordea onartzear egon zen EAJk, PSE-EEk eta PPk elkarrekin aurkeztutako osoko zuzenketa. Baina azkenean PPk atzera egin zuen, uste zuelako osoko zuzenketa horrek "Eusko Jaurlaritzak auzian duen erantzukizuna saihestuko" zuela. Hala, PP prest agertu zen Larraitz Ugarte EH Bilduko legebiltzarkide eta batzordeko presidenteak aurkeztutako txostena onartzeko, Elkarrekin Podemosen zuzenketa partzialekin. Besteak beste, txostenak gainkostu handiagoa aitortu zuen, eta "arduradun batzuek erantzukizun politikoa izan zutela, utzikeriagatik". Ikertutako urteetan EAren, PSE-EEren eta EAJren ardurapean egon da Hezkuntza saila.
 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna