Muga zergak

Jaurlaritzak bi milioi euro gehiago jarriko ditu ardogintza laguntzeko

Bertako ardoek AEBetan eta beste merkatuetan duten presentzia indartu behar dutela uste du Arantxa Tapiak.

Arantxa Tapia sailburua mahastizaintzako eta ardogintzako ordezkariekin, gaur egindako bileran.
Arantxa Tapia sailburua mahastizaintzako eta ardogintzako ordezkariekin, gaur egindako bileran. Juanan Ruiz / Foku

Irune Lasa -

2019ko urriak 10

Ez dago itxaropen handirik. Urriaren 18an, jarriko dira indarrean AEBk Europako hainbat esportaziori iragarritako muga zergak, eta horien artean datoz euskal ardoen esportazioentzako %25eko igoerak. Mehatxua ezerezean uzteko aukera bakanak datorren asterako hitzartu diren azken orduko negoziazioetan daude, eta batez ere, urriaren 14an Genevan (Suitza), Munduko Merkataritza Erakundearen egoitzan bi aldeek, AEBeketa Europako Batasunak duten hitzorduan.

«Itxaron dezagun, ikusiko dugu zer gertatzen den datorren astean. Ez gaitezen hausnarren ibili», esan du gaur Arantxa Tapiak, Eusko Jaurlaritzako Garapen Ekonomikoko sailburuak, hain zuzen, muga zergei buruz mahastizaintzaren eta ardogintzaren alorreko ordezkariekin bilera egin ostean.

Muga zergak izan edo ez izan, «zailtasun garaian» laguntza gehiago emango diela esan die Tapiak ardogileei. Besteak beste, bi milioi euro gehiago jarriko ditu Jaurlaritzak, Europatik datozen merkaturatze eta nazioartekotze OCM laguntzak —4,5 milioi euro— jasotzen ez dituzten upategientzako. Ardoa inbertsioak deituriko programa jada onartu du Gobernu Kontseiluak eta asteartean argitaratuko da aldizkari ofizialean.

AEB eta beste merkatuak

Arabako Errioxako ardoek eta txakolinek merkatuetan duten presentzia areagotu eta hedatu behar dutela uste du sailburuak, AEBetako merkatutik bertatik hasita. «Sektorearekin ados gaude, ez dela AEBetako merkatu utzi behar; aldiz, han gure ardoen presentzia areagotu egin behar dela».

Horretarako, adibidez, Arabako Errioxako ardoak sartuko dira Caprice programan, zeinetan dauden txakolineko hiru sor markak, eta AEBetako eta Japoniako merkatuak dituen helburu. Merkatu gehiagoren bila beste hainbat ekintza gehiago iragarri dizkio sektoreari Tapiak. Hala, bertako ardoek tokiko merkatuan leku gehiago izateko elkarlanak bultzatuko ditu, adibidez, ostalaritza sektorearekin. Era berean, misioak ugaldu egingo ditu Jaurlaritzak, bai atzerriko azoketara joz, bai inportatzaileak ekarriz.

Ardoa Basque Wine Office bulegoaren sorrera ere iragarri zuen atzo sailburuak, upategiei kudeaketan, berrikuntzan, eta nazioartekotzean laguntzeko xedea izango duena, eta Hazi fundaziotik zabalduko dena. Behatoki bat ere izango du bulegoak.

Nafarroako ardogintza

AEBetako muga zergak bai, baina brexit-arekin etor daitezkeen kalteak are kezkagarriagoak dira ardogintzarentzat eta nekazaritzako beste alor batzuentzat ere. Itziar Gomez Nafarroako Gobernuko Nekazaritza Garapeneko kontseilariak gaur parlamentuan azaldu duenez, brexitak 186 milioi euroko kaltea eragingo die herrialdeko elikagai industriako esportatzaileei.

Kopuru horri orain AEBen muga zergak gehitu zaizkie. Foru Gobernuaren arabera, ardogintzak nozituko du eragin handiena elikagai industrian, eta 4,5 milioi euroko kalteak izango ditu. Fruitu eta barazki zukuen esportazioek ere 1,8 milioi euroko kolpea jasango dute, eta milioi erdi eurona oliogintzak eta gaztagintzak.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna