Kontsumo prezioen indizea

Prezioen hazkundea are gehiago apaldu da irailean

Iazkoa baino argindar merkeagoa izateak %0,5era jaitsi du inflazio tasa Hego Euskal Herrian. Hilabetean, abuztutik irailera ez da aldaketarik izan KPIan.

Iaz argindarra asko garestitu zen.
Iaz argindarra asko garestitu zen. Gorka Rubio / FOKU

Irune Lasa -

2019ko urriak 11

Prezioetan ez da igoera esanguratsurik izan joan den irailean, eta, jazo diren igoera txiki horietan, dezente handiagoak izan dira etxebizitza sektorean eta garraioan izandako jaitsierak. Duela urtebete argindarrak izandako garestitze handiak esplikatzen ditu jaitsiera horiek, eta horiei batu zaiela azken hilabeteetan argindarra merkeagoa izan dela. Berogailuetarako gasolioa eta gasaren prezioak ere merkatu egin dira.

Gauzak horrela, iazko irailarekiko inflazioa %0,5 izan da, abuztuko %0,7tik beherakoa. Horren kopuru apalik ez da ikusi 2018ko urtarrilaz geroztik. Hilabetean, abuztutik irailera, prezioek orokorrean ia ez dute aldaketarik izan Hego Euskal Herrian, eta hilabeteko KPIa %0an gelditu da.

Prezioen hazkundea aspaldiko motelen dabil, eta horren erakusgarri da, halaber, indizeko aldagairik aldakorrenak (elikagai freskoak eta erregaiak) alde batera uzten dituen azpiko inflazioa %1 izatea. Zenbateko hori ere oraindik urrun dago agintari ekonomikoek erreferentziatzat duten %2 idealetik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

Osasun langile bat, PCR proba bat egiten Donostian. ©IDOIA ZABALETA / FOKU

Kutsatuen kopuruak gora egin du berriz Hegoaldean: 750 kasu atzeman dituzte

Edurne Begiristain

Positiboek gora egin dute Gipuzkoan ez beste lurraldeetan. Agerraldi berriak atzeman dituzte Azkoiengo eta Elizondoko zahar etxeetan

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna