Kataluniako epaia

Euskal Herriko gehiengo sindikalak elkartasuna adierazi dio Kataluniari

Sindikatuek dei egin dute Gure Esku-k larunbaterako Donostian antolatu duen martxarekin bat egiteko.

Jendetza bildu da Iruñeko elkarretaratzean
Jendetza bildu da Iruñeko elkarretaratzean Idoia Zabaleta/FOKU

Ainhoa Larretxea Agirre -

2019ko urriak 18

Euskal gehiengo sindikala—ELA, LAB, STEILAS, ESK, ETXALDE eta HIRU— osatzen duten sindikatuek protestak antolatu dituzte Bilbo, Gasteiz, Donostia eta Iruñean Kataluniari babesa adierazi eta prozesuaren sententzia salatzeko.

Bilbon egin dute lehen elkarretaratzea, 10:30ean, Plaza Biribilean. Bertan Kataluniako herriari elkartasuna adierazi diote, eta Kataluniako auziaren sententzia salatu. Ondotik, hiriko bertze gune batzuetan ere egin dituzte protestak. Bilbokoaren ondotik, Donostian, Gasteizen eta Iruñean egin dituzte elkarretaratzeak, eta denetan agiri bera irakurri dute.

12:00etan, Iruñeko udaletxe parean, jendetza bildu da Kataluniako herriari elkartasuna adieraztera. Kataluniako banderak eskuan zituztela, independentziaren aldeko oihuak eta preso politikoak askatzekoak egin ditu jendeak.

Imanol Pascual eta Imanol Karrerak hartu dute hitza ELA eta LABen izenean, eta salatu dute sententzia politikoa dela eta ez duela justizia helburu, mendekua baizik. Sententziak Espainian dagoen botere banaketarik eza nabarmentzen duela azpimarratu dute. Gaineratu dute horrek ere eragina duela Altsasuko gazteen aurkako auziko sententzian.

Epaiak sedizioagatik ezartzen dituen kondenak ere salatu dituzte: "Sententzia honek herri gisa eta sindikatu gisa interpelatzen gaitu. Sedizioagatik ezartzen den kondenak urratu egiten du manifestazio eskubidea". "Dagoeneko ez dute balio erdibideko jarrerek. Demokraziaren eta autoritarismoaren artean erabaki behar da. Gure apustua demokraziarekin dago", nabarmendu dute.

Argi adierazi dute 2017ko urriaren 1ean egin zen erreferenduma "ariketa demokratikoa" izan zela, eta Espainiako  Estatuaren jarrera eskubideen inboluzioa izan zela. Langileek herri gisa dagozkien auziak "hemen" eta "orain" erabaki nahi dituztela adierazi dute. Horretarako, dei egin dute Gure Esku-k biharko Donostian antolatu duen martxan parte hartzeko.

"Ez dago errepresiorik jendartean borondatea geldituko duenik. Gure herrien askatasuna lortzea denbora kontua da", nabarmendu du Karrerak. Preso politikoak aske uzteko eskatuz amaitu da elkarretaratzea.

Lanuzteak enpresetan

Hiriburuetako elkarretaratzeez gain, bertzelako enpresetan ere bat egin dute Kataluniarekin. Berrehun enpresatan baino gehiagotan lanuzteak eta elkarretaratzeak egin dituzte 12:00etan, Kataluniako greba orokorraren deialdiarekin bat egin eta elkartasuna adierazteko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna