Confebask: "Zaila da onartzea Euskadin ez dagoela lan baldintza duinik"

Eskubide Sozialen Gutunak egindako grebaren deialdiaren inguruan aritu da Eduardo Zubiaurre Confebaskeko presidentea. Ondare zerga ere aipatu du: "Ez legoke gaizki kentzea".

Roberto Larrñaga, Eduardo Zubiaurre eta Eduardo Junkera Confebasken kontseilu nagusiko bileran, uztailean.
Roberto Larrñaga, Eduardo Zubiaurre eta Eduardo Junkera Confebasken kontseilu nagusiko bileran, uztailean. Monika del Valle / FOKU

Hodei Iruretagoiena -

2019ko urriak 28

Joan den asteazkenean Euskal Herriko Eskubide Sozialen Gutunak "lan baldintza, pentsio eta bizitza duinen alde" deitutako grebaren inguruan aritu da gaur Eduardo Zubiaurre Confebask patronaleko presidentea, Radio Euskadin. Haren hitzetan, "zaila da onartzea Euskadin ez dagoela lan baldintza duinik, soldata handienak dituen [Espainiako] autonomia erkidegoa baita, biztanleko barne produktu gordinik handiena duena, eta indize onak dituena giza garapenean eta zerbitzu publikoetan".

Zubiaurreren hitzetan, "jarduera ekonomikoan eta enpresa sare lehiakor batean" oinarritu behar da "ongizatea". Confebaskeko presidenteak esan du "beste garai batzuetan" baino lan gatazka gutxiago daudela, baina "oihartzun publiko indartsua" daukatela.

EAJren BBBko presidente Itxaso Atutxak ere hitz egin du grebaren inguruan. Haren iritziz, ELAk eta LABek "Eusko Jaurlaritza eta Nafarroako Gobernua ahuldu" nahi dituzte, "erabat [Espainiako] estatu mailakoak diren aldarriekin". "Espero dut herrialdearen egonkortasuna lehentasuna izatea eragile politiko, ekonomiko eta sozialentzat".

Eskubide Sozialen Gutuneko kideen iritziz, eskubide galera handi bat gertatu da 2008an hasitako krisitik. Testuinguru horretan kokatu zuten joan den astean urtarrileko greba orokorra: "Prekaritatearen hedapena ikusten ari gara soldatetan eta lan baldintzetan; ez da garatu babes sare egokirik, eta ez zaio babesik ematen behar gehien duen jendeari".

Jaurlaritzaren aurrekontuak

Eusko Jaurlaritzaren aurrekontu proiektua ere izan du ahotan Zubiaurrek, eta pozik agertu da "apustu estrategikoei" eusten dielako; besteak beste, 4.0 industriaren ildoari.

Eusko Jaurlaritzako Ogasun eta Ekonomia sailburu Pedro Azpiazu ere baikor agertu da proposamen horren inguruan, eta, Forum Europaren ekitaldi batean, adierazi du urtarrilaren 1erako onartu asmo dituztela aurrekontuak. Gaur-gaurkoz, ordea, horretarako gehiengorik ez du EAJk eta PSEk babestutako gobernuak. PPk 1.500 milioi euroren zerga jaitsiera eskatu zuen, eta Azpiazuk erantzun die "hotzikara" eragiten diola ideia horrek: "Proposamen errealistak behar ditugu".

Atutxak ere aitortu du egoera zaila dela aurrekontuetarako akordioak lortzeko, hauteskunde giroagatik, baina Azpiazu sailburuaren elkarrizketarako jarrera goraipatu du: "Batzuek diote Azpiazuk nahigo duela batzuekin adostu, besteekin baino. Datozen egunetan ikusiko dugu".

Ondare zerga

Ramiro Gonzalez Arabako ahaldun nagusiak hartutako bidetik, Confebaskeko presidentearen hitzetan, "ez legoke gaizki" ondare zerga "kentzea". Gonzalezek argudioen artean aipatu zuen Madrilek berak kendu egin zuela, eta Europako herrialde gehienetan ez dagoela. Zubiaurrek ere antzeko argudioak erabili ditu, eta esan du EAEko egoera "salbuespena" dela inguruan.

Kritikoago agertu da Azpiazu proposamen horrekin. "Ezin da eskatu zergak jaisteko eta, aldi berean, zerbitzu publikoen kalitateari eusteko. Inork ez dauka mirariak egiteko makila magikorik; dirua behar dugu gauzak egiteko".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Maria Txibite, Santos Indurain eta Enrique Maia, prentsa agerraldian, atzo eginiko bileraren ostean. ©JESUS DIGES / EFE

Beste 23 ospitaleratze: maiatzaren 14tik zenbatu den kopuru handiena

Olatz Esteban Ezkati

Kasu positiboen beherakada izan da Hego Euskal Herrian. Txibitek ez du neurri orokorrik ezarriko

Donostian eginiko PCR proba bat ©Gorka Rubio, Foku

Alemaniak Hego Euskal Herrira ez bidaiatzea aholkatu du

Berria

Hego Euskal Herritik Alemaniara joaten diren bidaiariek aurrez PCR proba egin beharko dute.

Emakume bat COVID-19aren proba egiten, New Delhin, Indian. ©STR / EFE

Errusiak COVID-19aren aurkako lehenengo txertoa erregistratu du

Munia El Marhoum Iruretagoiena

Putinek adierazi du «immunitate iraunkorra» ematen duela; OMEk, berriz, ohartarazi du erakundearen azterketak igaro beharko dituela. Munduko kutsatu kopuruak hogei milioiren langa gainditu du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna