Noiz sortua: 2019-10-31 17:10:09

Finantzak

Kutxabankek 267 milioi euro irabazi ditu hirugarren hiruhilekoan, %5 gehiago

Hipoteka maileguen salmenta onekin jarraitu du entitateak, eta urte hasieratik pilatutako operazio berriak 16.000ra iritsi dira. Senior zorraren jaulkipenaren arrakasta ere azpimarratu du Kutxabankek.

Gregorio Billalabeitia, Kutxabankeko presidentea, artxiboko irudian.
Gregorio Billalabeitia, Kutxabankeko presidentea, artxiboko irudian. Kutxabank

Irune Lasa -

2019ko urriak 31

Ez dira garairik samurrenak bankaren negozioarentzat; denbora luzea daramate interes tasa apalen eragina nozitzen, eta, gainera, epe laburrera behintzat, ez dago tasen igoerarik ikusmiran. Horri gehitu behar zaio testuinguru ekonomikoa, moteltze globalarekin eta jada ezagunak diren gertakizunekin: merkataritza gerrak, AEBen muga zergak, petrolioaren prezioaren aldakortasuna, brexit-aren inguruko ziurgabetasuna...

Ingurumari horretan, urteko hirugarren hiruhilekoan emaitza positiboak lortzen jarraitu du Kutxabankek. Entitateak mozkin garbiak %5,1 handitu ditu, 267,1 milioi euro irabazita, eta emaitza horren eragile esanguratsuak izan dira hipoteka maileguen salmenta onak. Urte osoko joerarekin jarraitu du Kutxabankek, iaz baino %25 hipoteka gehiago salduz; horiek horrela, urte hasieratik irailera, Kutxabankek 16.000 operazio berri pilatu ditu mailegu hipotekarioetan.

Kontsumorako maileguen salmentan ere zenbaki onak lortu ditu Kutxabankek hirugarren hiruhilekoan, %12,5eko hazkundearekin. «Testuinguru konplexuan», apalago ibili da enpresa jarduerarako maileguetan, baina lortu du finantzatutako zirkulatzailea %3,2 handitzea. Kutxabankek interesen marjina %2,2 handitu du azken hiru hilabeteetan, eta beste hainbeste (%2,2) handitu ditu komisio eta aseguruen negozioko sarrerak. Aseguru salmentek 107 milioi euroko ekarpena egin diote kontuei. 

Uztailetik irailera berankortasun tasa murrizten jarraitu du Kutxabankek, eta iaz baino 500 milioi euro gutxiago ditu zalantzazko aktiboetan. Dituen kaudimen maila onei esker, Kutxabankek sektoreko MREL eskakizunik txikienetakoa du; baina, edonola ere, bete behar ditu kapitalizazio eskariak, eta xede horrekin irail amaieran, 500 milioi euroko senior zor jaulkipena egin du, «arrakastaz».

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Satere-Mawe leinuko herritarrak protestatzen, Manaosen (Brasil) indigenek izurrian jasotzen ari diren tratuarengatik. ©RAPHAEL ALVES / EFE

Inoizko heriotza kopururik handienak Mexikon eta Brasilen

Berria

Mexikok 1.000 hildako eguneko zenbatu ditu lehen aldiz, eta Brasilen ioizko kopururik handienaren berri eman dute: 1.349 hildako azken 24 orduetan.

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Donostiako Axular lizeoko ikasgela bat, maiatzaren 25ean, ikasle batzuk eskolara itzuli ziren egunean. / ©Gorka Rubio, Foku

Irailean ikasturtea normaltasunez hastea aurreikusten du Eusko Jaurlaritzak

Jon Ordoñez Garmendia

Maila guztietan eta gela murrizketarik gabe hasiko litzateke, ondo bidean. Jangela eta garraio zerbitzuak normaltasunez hastea ere aurreikusten du, baina DBHko eta Batxilergoko ikasleek ordutegi jarraitua izango lukete, etxean bazkaldu dezaten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna