Albistea entzun

Jardunaldi feministak

Indarkeria matxista aztertzen, konponbide bila

Bigarren eguna dute gaur Euskal Herriko V. Jardunaldi Feministek. Lehen mahai ingurua egin dute, eta tailerretan zein eztabaidetan murgildu dira Durangon daude 3.000 emakume inguru. Indarkeria matxista aztertzen ari dira arratsaldean.

Arratsaldeko mahai inguru nagusia.
Arratsaldeko mahai inguru nagusia. @saldabadagoV

Uxue Gutierrez Lorenzo - Oihana Elduaien Uranga -

2019ko azaroak 2

Bost ardatz nagusi dituzte V. jardunaldi feministek: bizitzak erdigunean jartzea, dekolonialitatea, gorputza eta sexualitatea, indarkeriarik gabeko bizitzak eta mugimendu feministari berari buruzko eztabaida. Atzo landu zituzten aurreneko biak, eta gaur ondorengo biei ekin diete. Gainera, Kurdistango emakumeei elkartasuna adierazteko argazki bat ere atera dute, "Turkia hiltzaile, okzidente laguntzaile" oihu artean. Arratsaldean, berriz, euskal presoak izan dituzte gogoan:

Indarkeria gabeko bizitzak eraikitzen mahai ingurua izan da arratsaldeko ekitaldi nagusia. Han, Bego Zabalak nabarmendu du feminismoak nahi duena zigorren eztabaidaz harago doala. Feminismoarentzat, garrantzitsua, kontakizunaren lehia irabaztea dela esan du. Auzitegiek jar dezaketen zigorraz harago, gizarteak erasotzaileari eman diezaiokeen zigorra garrantzitsuagoa dela. "Errelatoa eraiki eta Manadaren epaia Altsasukoarekin konparatzen badugu, ez da aurrenentzat espetxe urte gehiago nahi ditugulako, baizik eta Altsasukoak askatzea nahi dugulako". Auzitegi Nazionala desegiteko ere eskatu du, "bide batez".

Justizia feminista taldeak ere hitz egin du. Foro Sozialaren barruan sortutako taldea da, eta, nabarmendu dutenez, feminismoaren inplikazioa ezinbestekoa da euskal gatazka politiko armatuaren gaian. Justizia feminista dute helburu, eta hura pentsatzea, eraikitzea eta aplikatzea dute xedea. "Egungo justizia sistemaren azpian, zapalkuntza ezberdinak daude (matxismoa, arrazakeria, ...) eta beraz, subjektu batzuk bigarren mailako herritarrak sortzen jartzen ditu".

Goizean, berriz, Gorputzak eta sexualitatea mahai inguruan subjektuaren inguruan eta inposaturiko sexualitate ereduaren bueltan hausnartu dute Medeak, Ozen, Elkartean, Bala eta Sare Lesbianistako kideak.

Elkarteaneko kideek salatu dute urritasun fisikoa dutenek ez dutela beren sexualitatearen inguruan erabakitzeko "inolako aukerarik"; eta nabarmendu dute, bereziki txarra dela emakumeen egoera. "Libre izan nahi dugu, ez inoren mendeko. Zaintza nahi dugu, baina ez esklabotza".

Ozen elkarteko kideek Transmisoginia espazio feministetan txostena aurkeztu dute. Estereotipoetatik at dauden pertsonak "baztertuak eta bortxatuak" direla salatu dute, eta izartxoen erabilera "anbiguoa eta nahasgarria" dela.

BALAko kideen nabarmendu dute "bollera izatea borroka egiteko modu bat" dela, eta "identitate politikoa". Medeak-eko kideek, bestalde, ohartarazi dute "gorputzaren eredu bakarrarekin bat egiten ez dutenak munstrositatean giltzapetzen" ditugula; "agian ez gara zuzentasunaren dantzetatik irteten... Ez gara ausartu sorgin dantza horretan txortan egiten".

Arratsaldeko mahai inguru nagusian ari dira lantzen laugarren gai nagusia, Indarkeria gabeko bizitza eraikitzen izena jarri dioten mahai inguruan. Eta, bihar, mamiaren mamia aztertuko dute. Orain arte hitz egin eta eztabaidatutako guztia kontuan hartuta, mugimendu feminista bera aztertu, eta aurrera begirako estrategiak zehazten saiatuko dira.

Noski, dena ez da entzutea: hainbat eztabaida eta mahai inguru dituzte aukeran parte hartzaileek, goizez eta arratsaldez. Eta kontzertuak eta ikuskizunak ere bai. Saretze guztiak ez baitira testuinguru berberetan egiten.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostialdeko ESIko zerbitzuburuek egindako agerraldia, atzo, Donostian. ©JON URBE / FOKU

«Harreman asimetrikoak» hausteko eskatu diote Jaurlaritzari

Edurne Begiristain Iosu Alberdi

Donostialdeko ESIko zerbitzuburuek kontsultarako mahai bat proposatu diote Gasteizi, bitartekari lana egiteko
Jonan Fernandez, atzo, gazteen emantzipaziorako estrategia aurkezten. ©IREKIA

Emantzipatzeko laguntzak jasoko dituzte 25 eta 29 urte artekoek

Edurne Begiristain

Jaurlaritzak gazteen emantzipazioa sustatzeko estrategia ondu du. 2030erako 29 urtera jaitsi nahi du gurasoen etxea uzteko adina
Bingen Zupiria Eusko Jaurlaritzako bozeramailea, artxiboko argazkian. / ©Endika Portillo, Foku

Zupiriak esan du Osakidetzaren lan ildoarekin «erresistentzia» agertzeagatik egin direla kargugabetzeak

Edurne Begiristain

Gotzone Sagarduik Eusko Legebiltzarrean agerraldia eskatu du, Donostialdeko ESIaren egoera azaltzeko.

Antton Kurutxarri EEPko lehendakaria agerraldi batean ©Guillaume Fauveau

EEPko ordezkariek Parisen isiltasuna deitoratu dute

Garazi Aduriz Zuñeda

Irailean egin zuten bilkura Frantziako Hezkuntza Ministerioarekin. Azterketak euskaraz egiteko eskubidea aipatu zuten nagusiki.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.