Klima aldaketa

Urtean 100.000 milioi dolarreko inbertsioa klima aldaketari aurre egiteko

Txinako eta Frantziako estatuburuek herrialderik aberatsenei egin diete eskaria. Biek iragarri dute "aurrekaririk gabeko ahaleginak" egingo dituztela "belaunaldi berrien geroa bermatzeko", baina zehaztasun gehiagorik eman gabe.

Emmanuel Macron Frantziako presidentea eta Xi Jinping Txinakoa. /
Emmanuel Macron Frantziako presidentea eta Xi Jinping Txinakoa. / Jason Lee/EFE

Arantxa Elizegi Egilegor -

2019ko azaroak 6 09:13

Euskal Herrian goizaldea zenean bildu dira Emmanuel Macron Frantziako presidentea eta Xi Jinping Txinako presidentea, eta orduan eman dute akordioaren berri ere. Dei egiten diete estaturik aberatsenei urtero 100.000 dolarreko inbertsioa egitera klima aldaketaren aurkako neurriak hartu ahal izateko. Inbertsio funtsak 2025era arteko iraupena izango luke. Horrez gain, Parisko Akordioa berresteko ere eskatu diete gobernuei.

Nazio Batuen Erakundeko Funts Berdea deritzonaren garrantzia nabarmendu dute. "Oinarrizkoa da edozein iturritatik datozen funts publikoak nahiz pribatuak mugitzea bai klima aldaketaren ondorioak murrizteko eta bai horietara egokitzeko. Beharrezkoak dira horiek garabidean diren herrialdeei laguntzeko ere", dio adostu duten idatziak.

Klima aldaketaren aurkako borrokarekiko konpromisoa agertu dute bi agintariek, eta "aurrekaririk gabeko ahaleginak" ere iragarri dituzte "belaunaldi berrien geroa bermatzeko" helburuarekin, baina zehaztasun gehiago eman gabe. Aldi berean, eskatu diete estatu, gobernu eta gobernuz kanpoko erakundeei jakinaraz dezatela luzera begira zer estrategia dituzten berotegi efektua eragiten duten gasak murrizteko.

Hain zuzen ere, gehien kutsatzen duten herrialdeetako batek, AEBek, Parisko Akordioa uzteko prozedura abiatu eta hurrengo egunean heldu da Frantziaren eta Txinaren eskaria. Herenegun egin zuen agerraldia Mike Pompeo AEBetako Estatu idazkariak, Nazio Batuen Erakundeari 2015ean sinatutako akordioa uzteko eskaria bidali ziotela jakinarazteko. Pompeoren arabera, itunak "karga ekonomiko jasanezin bat" sortzen die AEBei.

Donald Trumpek bultzatutako mugimenduak kritika ugari eragin ditu nazioartean; besteak beste, Aurtengo COP25 klima larrialdiaren aurkako goi bileraren antolatzaileenak, Espainia eta Txilerenak. 2015ean Parisen bildutakoek helburu nagusi bat ezarri zuten: Lurraren tenperatura bi gradu baino gutxiago handitzea 2100. urterako. Munduan isurtzen den CO2aren %15ren erantzule dira AEBak, eta kolpe gogorra da herrialde ia guztiek sinatu zuten itunarentzat, Kyotoko Protokoloa ez bezala.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

<b>Generalitatea.</b> Meritxell Budo presidentetzarako kontseilaria eta Pere Aragones presidentordea. ©R. M. / EFE

Bozak atzeratu ezin izanak ekaitz politikoa eragin du Katalunian

Carme Porta

Kataluniako Justizia Auzitegi Nagusiaren erabakiak ekaitz politikoa eta alderdien arteko salaketa gurutzatuak eragin ditu, baita gizartearen banaketa ere. Parlamentuan ordezkaritza duten alderdi gehienekin hitz egin du BERRIAk.

Marcelo Rebelo de Sousa Portugalgo presidentea, emaitzak jakin osteko agerraldian, igandean. ©MARIO CRUZ / EFE

Rebelo de Sousak aise irabazi ditu Portugalgo presidentetzarako bozak

Julen Aperribai

Botoen %61,2 izan dira hautagai kontserbadorearentzat, eta bost urtez jarraituko du estatuburu. Hamarretik lauk bakarrik eman dute botoa

Russell Eskoziako Konstituzio Harremanetarako ministroa eta Sturgeon lehen ministroa, artxiboko irudi batean. ©Andy Rain / EFE

SNPk dio «legezko galdeketa bat» egingo duela Londresek ezezkoa ematen badu ere

Ander Perez Zala

Eskoziako alderdi independentistak bigarren erreferendumerako bide orria aurkeztu du. Erresuma Batuko Gobernuari auzitara jotzeko erronka bota dio.

Nancy Pelosi buruzagi demokratak aurkeztuko du Trump epaitzeko eskaria Senatuan. / ©Jim Lo Scalzo, EFE

Otsaileko bigarren astean has liteke Trumpen aurkako epaiketa

Arantxa Elizegi Egilegor

Ordezkarien Ganberako presidenteak gaur bidaliko du presidente ohiaren aurkako impeachment-a hasteko eskaria Senatura.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.