Ingurumena

Hondarribiko Udalak onartu egin du Zaldunbordan "ezkutuko lanak" egin dituztela

Udalak azaldu du hilabeteko epea eman diola enpresari egin dituzten zuhaitz mozketetarako eta betelanetarako baimenak eskatzeko. Baimen guztiak bertan behera uzteko eskatu du Abotsanitzek.

Zaldunbordako eremuan egindako lanak. /
Zaldunbordako eremuan egindako lanak. / Abotsanitz

Arantxa Elizegi Egilegor -

2019ko azaroak 6

Joan den irailean salatu zuen, hain zuzen, Abotsanitzek udan Zaldunbordako eremuetan egindako betelanak eta zuhaitz mozketak "ingurumenaren aurkako delituak" izan zitezkeela. Salaketaren ostean etorri da Hondarribiko udal arkitektuaren txostena, non zehazten den  lanak egin dituen enpresari udalak emandako baimenak "azterketa, zundaketa eta penetrometro lanak" egitea ahalbidetzen zuela soilik. Baina uztailean eta abuztuan egindako ikuskaritzetan udal teknikariek onartu zuten enpresak bestelako lan batzuk ere egin zituela.

Orain, Txomin Sagarzazu alkateak berretsi egin du merkataritza gunea eraiki asmo duen enpresak "ezkutuko lanak" egin dituela Zaldunbordako eremuan, eta zigor txosten bat zabaldu dio. Aldi berean, baina, horrek ekar diezaiokeen 500 eta 5.000 eurorainoko isuna saihesteko bidea ere eman dio Hondarribiko Udalak enpresari. Sagarzazuk azaldu duenez, Higertoki SL enpresak hilbete izango du dagoeneko eginak dituen betelanetarako eta zuhaitz mozketetarako baimenak eskatzeko.

Higertokiri "lanak erraztu nahi izatea" leporatu dio Abotsanitzek Sagarzazuri, eta eskatu dio Udaleko Hirigintza Sailari bertan behera utz ditzala Zaldunbordako proiektuarekin lotutako baimen guztiak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna