Kristau eskola

Patronalari "konpromisoa" eskatu diote Kristau eskolako sindikatuek, mobilizazio artean

Bilborako A-8ko sarbideak itxi egin dituzte goizeko lehen orduan, ELA, LAB, Steilas eta CCOOk antolatutako manifestazioan. Bigarren greba eguna dute gaur Arabako, Bizkaiko eta Gipuzkoako eskola erlijiosoetan.

Eskola erlijiosoetako langile bat protestan, Bilbon. /
Eskola erlijiosoetako langile bat protestan, Bilbon. / Aritz Loiola/Foku

Arantxa Elizegi Egilegor -

2019ko azaroak 8

Mobilizazioz betetako eguna dute gaur Kristau eskoletan greban diren langileek. Bilborako A-8ko sarbideak itxi egin dituzte goizeko lehen orduan, ELA, LAB, Steilas eta CCOO sindikatuek antolatutako manifestazioa dela eta. Goizeko zortzietan zuten ordua jarria San Mamesen, eta han bildu dira eskola erlijiosoetako 200 langile inguru. Eguerdian, beste manifestazio bat egin dute, Bilbon bertan. Sindikatuek "konpromisoa" eskatu diete patronalari eta Jaurlaritzari, eta adierazi dute, negoziazioetan aurrerapenak egon arren, langileak beste lanpostu batean jartzea dela oraindik ere arazo nagusia. Atzo, grebaren lehen egunean, sindikatuak, patronala eta Eusko Jaurlaritzako Hezkuntza Saila, eta Lan Harremanen Kontseiluko kide bat bildu ziren.

Eguerdian eginiko manifestazioan, 4.000 lagun inguru bildu dira, Jaurlaritzaren egoitzaren aurretik bidea hasita. Hasi aurretik egin ditu adierazpenak ELAko bozeramaile Miren Zubizarretak. Aurrepausoak egin dituztela adierazi du, ez, ordea, nahikoa. Zubizarretak salatu du sindikatuak negoziatzen jarraitzeko prest agertu direla, baina patronalak eta Jaurlaritzak uko egin diotela beste bilera baterako data zehazteari, eta "denbora bat" eskatu dutela. Era horretan, "ardura" eskatu die biei, eta adierazi sindikatuek ez dutela nahi "greba egun bat gehiago".

Atzo hasi zuten hilabeteko greba Araba, Bizkai eta Gipuzkoako eskola erlijiosoetako langileek, eta, protestara deitu duten sindikatuen arabera, lau langiletik hiruk egin zuten grebarekin bat lehen egunean. Sindikatuek adierazi dute gaurko greba egunean ere parte hartzea "oso zabala" izan dela, eta hainbat eskolatan atzokoa baino "handiagoa", gutxiengo zerbitzuak "gehiegizkoak" izan arren. Kristau Eskolak %16ra jaitsi du gaurko parte hartzea;a euren arabera, atzokoa baino hiru puntu txikiagoa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna