Katalunia

Espainiako Gobernuak helegitea jarri dio CUPek aurkeztutako mozioari

Kataluniako Parlamentua hurrengo asteartean da eztabaidatzekoa autodeterminazioa "modu zehatzean" gauzatzeko eskaerari buruz. Torrent: "Guztiari buruz hitz egin behar da parlamentuan".

Isabel Zelaa, gaur, Ministroen Kontseiluaren ondorengo agerraldian.
Isabel Zelaa, gaur, Ministroen Kontseiluaren ondorengo agerraldian. J. J. Guillen Efe

Berria -

2019ko azaroak 8

Espainiako Gorteetarako hauteskunde kanpainaren azken egunean aurkeztu du Pedro Sanchezen gobernuak Roger Torrent Kataluniako Parlamentuko presidentearen eta ganbera horretako mahaiko kideen aurkako helegitea, CUPen eskaera onartu zutenean "erabat jakitun" baitziren mozioa "konstituzioaren aurkakoa" dela. Isabel Zelaa Espainiako Gobernuko bozeramaileak eman du horren berri Ministroen Kontseilua bukatu ondoren. 

Torrentek Twitter sare sozialaren bidez erantzun dio erabaki horri: "Pedro Sanchezen PSOEk hor jarraitzen du Mariano Rajoy eskuinetik aurreratzen. Judizializazio gehiago, mehatxu gehiago, zentsura gehiago. Baina beti erantzun bera topatuko dute: guztiari buruz hitz egin behar da parlamentuan".

ERC, JxC, Junts Per Catalunya eta CUPek autodeterminazio eskubideari buruzko ebazpen bat adostu zuten joan den urriaren 22an, eta Legebiltzarreko Mahaiak tramiterako onartu zuen. Zazpi egun geroago, gauza bera egin zuen, koalizio antikapitalistak autodeterminazioa «modu zehatzean» gauzatzeko mozio bat aurkeztuta. Hiru alderdi independentistek aurkeztutako mozioari buruzko eztabaida atzeratzea erabaki zuten, eta CUPek aurkeztutako datorren asteartean eta asteazkenean eztabaidatzea.

Espainiako Auzitegi Konstituzionalak ohartarazpenak egin zizkion Torrenti parlamentuan autodeterminazioaz hitz egiteak ondorio penalak dituela esateko. "Ez diogu utziko zentsurari parlamentuan sartzen", erantzun zuen joan den asteartean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

 ©BERRIA

«Etxe Zurira heltzeko Floridan irabazi egin behar du Trumpek»

Arantxa Elizegi Egilegor

Hispanoen babesa ziurtzat jo du Floridako Ordezkarien Ganberako kideak, eta nabarmendu du errepublikanoak ez direla inoiz immigrazioaren aurka egon, «legezko migrazioaren» alde baizik.

Frantziako Polizia, Nizako Notre Dame elizaren inguruan. ©Sebastien Nogier / Efe

Nizan hiru pertsona hil dituzte eliza batean, labankadaz

Berria

Alkateak esan du «atentatu terrorista bat» izan dela. Ustezko erasotzailea atxilotu egin dute. Avignonen, Poliziak gizonezko bat hil du, hark poliziei labana batekin mehatxu egin ondoren.

Batzelonako Rambletako kioskoak itxita, atzo arratsaldean. ©Quque Garcia, EFE

Herrietako konfinamendua ezarriko du Kataluniak asteburuetan

Gorka Berasategi Otamendi

Lurraldearen mugak itxita egongo dira, gutxienez, hamabost egunez. Duela bi aste hartutako neurriek ez dute lortu kutsatzeen abiada moteltzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna