Jabier Muguruzak disko-liburu bat aurkeztu du zenbait euskal kantaren bertsioekin

Jabier Muguruza eta Bernardo Atxaga elkarlanean aritu dira 'Geltokiak izarretara' disko-liburu berrian.

Jabier Muguruzak disko-liburu bat aurkeztu du zenbait euskal kantaren bertsioekin
Jabier Muguruzak disko-liburu bat aurkeztu du zenbait euskal kantaren bertsioekin Tamaina handiagoan ikusi

June Prieto -

2019ko azaroak 12

Hamabost euskal kantaren bertsioak egin ditu Muguruzak Geltokiak izarretara disko-liburu berrian. 1980ko hamarkadatik 2000ko hamarkadara arte aukeratutako kantak izan ditu oinarri: “Gazte garaietan gehien hunkitu ninduten abestiak aukeratu ditut, oso zaila da zergatia azaltzea”, esan du Muguruzak gaur goizean Bilboko Kafe Antzokian egindako aurkezpenean. Mikel Azpiroz diskoaren musika zuzendariarekin batera eman du prentsaurrekoa.

Muguruzak hamaseigarren lana du bere diskografian, eta azaldu dute diskoa enkarguz egina dela. Hain zuzen, Barnasants Jaialdiaren 25. urteurrenaren harira, iraganeko euskal kantagintzaren errepasoa jasoko zuen disko bat egiteko eskatu zion Pere Camps jaialdiko zuzendariak. Eta horrela ekin zioten, 2018ko udan. Bi urteko prozesuaren ondoren disko “koherente” bat lortu dutela esan du Azpirozek.

Disko osoa amaituta zegoela, Muguruzaren anaia (Iñigo) hil zen. “Nire anaia diskoa bidali baino egun bat arinago hil zen, eta, azken momentuan, berari eskaintzea pentsatu nuen”, azaldu du musikariak. Eskaintza hori diskoaren lehenengo orrialdean irakur daiteke: “Iñigo Muguruza in memoriam. Paradisu zineman ikusiko gara, maitia”. Fermin eta Iñigo Muguruzaren Hemen izango bazina kanta ere aukeratu du anaia zaharrak disko-liburuan hamargarren kanta izateko.

Ordenarik gabeko alfabeto batean oinarrituta dago Atxagaren testua, eta diskoaren hamaseigarren atala ere bada. Alfabetoa Muguruzaren diskoarentzat izendatu du idazleak. "Eta Eme da Muguruza, Jabier", idatzi du libruan. Emearekin (M) hasten baita ordenarik gabeko alfabeto berezi hori.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

651 kasu atzeman dituzte Hego Euskal Herrian

Berria

Bizkaian kasu gehien atzeman diren eguna izan da: 402. Osasun Saila eta Bizkaiko Foru Aldundia arratsaldean bilduko dira egoera aztertzeko.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Osasun langileak PCR probak egitn Donostian, iragan astean. ©Gorka Rubio/FOKU

Getxoko Bikain tabernan eta Gasteizko Sagartoki eta Oh Malbec jatetxeetan izan zirenei proba egiteko eskatu die Jaurlaritzak

Berria

Toki horietan izan zirenek beren osasun etxera edota osasun aholkularitzara deitu beharko dute ordua hartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna