Pentsioak

2.230 milioi euro gehiago behar dira Hego Euskal Herriko pentsioak Europakoekin berdintzeko

ELAk eginiko txostenaren arabera, barne produktu gordinaren %11,1 bideratzen da pentsioetara: Europako Batasuneko batez bestekoa baino 1,9 puntu gutxiago.

Pentsiodunek iragan abuztuan eginiko mobilizazioa.
Pentsiodunek iragan abuztuan eginiko mobilizazioa. Aritz Loiola / FOKU

Imanol Magro Eizmendi -

2019ko azaroak 12 18:49

“Aberastasunaren zati handiago bat bideratu beharra dago pentsioetara. Biztanleria pobretu egin da, baina batez ere pentsiodunak”. Horrela laburbildu ditu Janire Landaluze ELAko azterketa batzordeko kideak sindikatuak Hego Euskal Herriko pentsioen inguruan eginiko txostena. ELAren datuen arabera, Hego Euskal Herriko barne produktu gordinaren %11,1 (%9,4 Nafarroan eta %11,6 Araban, Bizkaian eta Gipuzkoan) bideratzen da pentsioetara. Europako Batasunean, berriz, %13 inbertitzen dute pentsioetan, eta eurogunean, berri, %13,6.

Sindikatuak kuantifikatu egin du alde hori, eta, txostenaren arabera, Hego Euskal Herrian 2.230 milioi euro gehiago bideratu beharko lirateke (814 milioi euro Nafarroan eta 1.146 Araba, Bizkai eta Gipuzkoan) Europako batez bestekoetara iristeko. Hego Euskal Herriko biztanleriaren %24,2k jasotzen dute pentsio ordainsaria.

Txostenak, halaber, gizonezkoen eta emakumezkoen pentsioen arteko aldea azaleratu du. Araban, Bizkaian eta Gipuzkoan gizonezkoen pentsioa 1.491 eurokoa da batez beste, eta emakumezkoena, aldiz, 869 eurokoa. Nafarroan, aldiz, gizonezkoen batez besteko pentsioa 1.356 eurokoa da, eta emakumezkoena, 813 eurokoa. ELAren arabera, egoera are larriagoa da emakume alargunentzat: Araban, Bizkaian eta Gipuzkoan 808 euro jasotzen dituzte batez beste, eta 723 euro Nafarroan.

Pentsiodunek larunbaterako deituriko mobilizazioen harira plazaratu du sindikatuak ikerketa, eta mobilizazio horietan parte hartzeko deia egin du. Era berean, aldarrikatu du pentsioen gaia eztabaidaren erdira eraman behar dela urtarrilean egingo den greba orokorrean —eguna finkatu gabe dago—. Alde horretatik, Mitxel Lakuntza sindikatuko idazkari nagusiak erantzuna eman die Eusko Jaurlaritzatik greba deialdiaren aurrean eginiko adierazpenei: “Greba politikoa dela esan dute, eta bai, egia da, pentsioak auzi politikoa direlako. Pentsiodunei, baina, beste ate bat jo behar dutela esan diete, Espainiako Gobernuarena, eta horrekin ez gatoz bat. Jaurlaritza eta Nafarroako Gobernua ezin dira ezkutatu pentsioen auzian, ordainsariak hobetzeko tartea dutelako”.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Novaltiako grebalariek LHKra jo dute «benetako» negoziazio baten bila

Novaltiako grebalariek LHKra jo dute «benetako» negoziazio baten bila

Imanol Magro Eizmendi

Botika banaketa enpresako langileek 550 egun daramatzate greban lan itun duin bat lortzeko. 4,5 milioi euroren irabaziak izan zituen 2017 eta 2019 bitartean, eta 950 euroko soldatak eskaintzen ditu

2020 amaieran, langabezia tasa %11,2ra igo da Araban, Bizkaian eta Gipuzkoan

2020 amaieran, langabezia tasa %11,2ra igo da Araban, Bizkaian eta Gipuzkoan

Imanol Magro Eizmendi Iker Aranburu

Urtebeteko epean 17.400 langabe gehiago zenbatu ditu Eustatek. Azken hiruhilekoan, berriz, 14.200 okupatu gehiago aurkitu ditu

Pedro Azpiazu, atzoko bideokonferentzian. ©Irekia

Monterok erretiratu egin du Europako funtsetan erabateko boterea aitortzen zion araudia, erkidegoengatik

Irune Lasa

Proposatutako araudia zirriborro bat zela dio orain Ogasun ministerioak, eta beste bat aurkeztuko duela. PPren agintepeko erkidegoez gain, proposamenarekin oso haserre agertu ziren Eusko Jaurlaritza, Kataluniako Gobernua, eta baita PSOEk gobernatutako zenbait erkidego ere.

Zumaian zuntz optikoa jartzeko obrak, iragan urtean. Artxiboko irudia. ©Juan Carlos Ruiz

Baionako Auzitegia SFR enpresa ikertzen ari da, langileak esplotatu dituelakoan

Oihana Teyseyre Koskarat

Ipar Euskal Herrian zuntz kablea ezartzeko obretan langileak bidegabeki tratatu izana leporatzen diote telefonia enpresari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.