Merkataritza

PSOEk saltoki handien euskal legea baliogabetzeko mehatxua egin du

Iker Casanova legebiltzarkideak gogorarazi du Eusko Legebiltzarrak aho batez onartu zuela saltoki handien legea, eta «borondate demokratiko hori errespetatzeko» eskatu dio Madrili

Hondarribiko Zaldunbordako proiektuaren aurkako ikur bat.
Hondarribiko Zaldunbordako proiektuaren aurkako ikur bat. ASIER PEREZ DE KARKAMO

Xabier Martin -

2019ko azaroak 13

EH Bilduk gaur jakinarazi duenez, Pedro Sanchez buru duen jarduneko gobernuak mehatxu egin dio Jaurlaritzari, Auzitegi Konstituzionalera eramatearekin saltoki handiak irekitzea edota handitzea eragozten duen euskal legea. Estatuko administrazioaren eskumenak urratzen dituelakoan da Madril, eta adierazi du prest dagoela legea judizializatzeko. «Mehatxu» horren berri eman eta jendaurrean salatu du Iker Casanova legebiltzarkideak, «erabaki horrekin PSOEren Gobernua demokraziaren eta autogobernuaren kontra kokatzen baita».

Mehatxu horren ondorioz, Madrilgo eta Gasteizko gobernuek osatutako Aldebiko Batzordea irailean batzartu zen, Casanovak azaldu duenaren arabera, «eta, publiko egin gabe, aipatutako legearekin Madrilek dituen desadostasunak konpontzeko negoziazioak irekitzea erabaki zuen»; EH Bilduko legebiltzarkideak dio Jaurlaritzak EAEko Aldizkari Ofizialean argitaratu zuela, atzo, auzi horren erreferentzia. Hori dela eta, Casanovak «Jaurlaritzaren isiltasuna eta iluntasuna» kritikatu ditu, baita «euskal gizarteari informazio hori ezkutatzea» egotzi ere.

Zortzi artikulutatik sei

«Orain arte ez dugu ezer jakin horretaz, informazio hori ukatu zaigu. Beste batzuetan, hain garrantzitsuak ez diren kontuak publikoki salatzen ditu Jaurlaritzak, baina kasu honetan ez du hitzik esan. Aldebiko Batzordearen ebazpena Aldizkari Ofizialean argitaratu du, hori baino ez». Ebazpen horren arabera, PSOEren Gobernuak legearen sei artikuluren kontra jo du, «eta legeak guztira zortzi artikulu besterik ez dituela kontuan hartuta, bistakoa da erasoaren tamaina eta merkataritza txikiaren babesean izan dezakeen eragin zeharo kaltegarria», ohartarazi du Casanovak.

Madrilek ezbaian jarri duen legea Establezimendu Komertzial Handien Lurralde Antolamenduari buruzkoa da, eta bete-betean sartu da Hondarribiko Zaldunborda auzian. Eusko Legebiltzarrak iragan ekainean onartu zuen aho batez, PSEren botoak barne; beraz, «borondate demokratiko argi hori errespetatzeko» eskatu dio EH Bilduko legebiltzarkideak Espainiako Gobernuari. Halaber, Jaurlaritzari galdegin dio «baliabide guztiak erabil ditzan euskal erabakia eta demokrazia defendatzeko eta Legebiltzarraren gaitasun legegilea babesteko».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

499 positibo atzeman dituzte Hego Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak.

Neurri bereziak dituen taberna bat, Donostian. ©Gorka Rubio / Foku

Bizkaiko eta Gipuzkoako ostalariek salaketa jarriko dute gaueko aisialdia mugatzearen aurka

Andoni Rekondo Izagirre

Uste dute «neurrigabea» dela 01:30ean ixteko agindua, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati-Irati Urdalleta Lete

Gasteizko zahar etxe bat eta Mutrikuko eguneko zentroa itxi egin dituzte.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman dutela eta

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, tramiteak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna