Estatuaren indarkeria

Sorturen ustez, inoiz baino sektore gehiagok nahi dute "haustura demokratikoa"

Manifestazio bat egingo dute azaroaren 20an, Santi Brouard eta Josu Muguruzaren hilketen urteurrenean

Brouard eta Muguruari iaz egindako omenaldia
Brouard eta Muguruari iaz egindako omenaldia Luis Jauregialtzo / Foku

Gotzon Hermosilla -

2019ko azaroak 13

Azaroaren 20an 35 urte beteko dira Santi Brouard hil zutenetik, eta 30 urte Josu Muguruza hil zutenetik. Sortuk uste du Espainiako Estatuak urte askoan erabili dituela tresna gisa "gerra zikina, tortura, legez kanporatzeak, hedabideen itxiera, dispertsioa, eskubide zibil eta politikoen murrizketa eta abar", ezker abertzaleak uko egin ziezaion "haustura demokratikoaren" aldeko hautuari.

Sorturen idazkari nagusi Arkaitz Rodriguezek esan duenez, trantsizioaren garaian ezker abertzalearen hautua "oso argia" izan zen: "Euskal Herriak benetako demokrazia, justizia, askatasuna eta bakea lortzeko, ezinbestekoa zen haustura demokratikoa egitea frankismoaren oinordekotzarekin".

Rodriguezen arabera, "errepresioak" ez du lortu ezker abertzalea desagerraraztea edo makurraraztea: "Euskal Herrian demokrazia aldarrikatzen duen proiektu independentista sendotu besterik ez da egin. Errepresioak ez gaitu geldiarazi. Independentistak hazi egin gara, eta hazten ari gara".

Are gehiago: Rodriguezen ustez, haustura demokratikoaren aldeko hautu hori "ezker abertzaleak bakar-bakarrik" sustatu zuen urte askoan, eta orain, aldiz, "Estatuko nazioetako indar politiko subiranista guztiek egiten dute bat haustura demokratikoaren tesiarekin"; Llotja de Marreko adierazpena aipatu du horren froga gisa.

"Ezker abertzalea gai izango da, beste sektore politiko eta sozial batzuekin batera elkarlanean, gure herria demokraziara, independentziara eta sozialismora eramateko", esan du Rodriguezek.

Sortuk Brouard eta Muguruza oroitzeko manifestazio bat egingo du azaroaren 20an, Bilboko Arriaga plazatik abiatuta, 19:00etan, "Oker zebiltzan, oker dabiltza, geldiezinak gara!" lelopean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

COVID-19aren jarraipen batzordea, Iñigo Urkullu lehendakaria buru dela, atzo Gasteizen. ©JON RODRIGUEZ BILBAO / EFE

Pandemia osoan izan den kopururik handiena zenbatu dute Bizkaian: 402

Olatz Esteban Ezkati

Hego Euskal Herrian 651 positibo izan dira. Hamasei egoiliar eta 36 langile kutsaturik daude Bizkaiko zahar etxeetan. Eusko Jaurlaritzak ez du baztertzen osasun larrialdia berrezartzea

Nekane Murga Osasun sailburua, atzoko agerraldian. ©Miguel Toña / EFE

Etxeratze agindua, zalantzazko muga

Irati Urdalleta Lete

Eusko Jaurlaritzak etxeratze agindua izan du hizpide; hau da, herritarrei eskubidea kentzea ordu jakin batetik aurrera kalean ibiltzeko. Adituek ez dute argi horretarako eskumenik ba ote duen.

Emakume bat, elikagaiak kalean saltzen, Quiton, Ekuadorko hiriburuan. ©JOSE JACOME / EFE

Birusari, errenta unibertsala

Cecilia Valdez

Koronabirusaren pandemiak pobrezia hedatu eta desberdinkeria areagotu duela ikusita, Latinoamerikako zenbait herrialdetan oinarrizko errenta unibertsala eta haren gisako neurriak ari dira aztertzen. Errentarentzako dirua nondik bildu, horixe da erronkarik handienetako bat.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna