Albistea entzun

Emakume futbolarien greba

Asteburuan hasiko da Espainiako Ligako emakume futbolarien greba

BERRIAn babes mezuak jaso nahi ditugu #EutsiNeskak traolarekin. Ainhoa Murua triatletak, Ane Santesteban ziklistak eta Leire Etxaniz pilotariak bidali dizkigute eurenak. Bidali zurea, eta eman babesa emakume futbolariei.

Berria -

2019ko azaroak 15

Emakume futbolariek greba mugagabeari ekingo diote asteburuan. Aste honetan bertan, patronalak, Espainiako emakumezkoen lehen mailako talde ia denak biltzen dituen Kluben Elkarteak, uko egin zion Espainiako Lan Ministerioaren bitartekaritza eskaintzari. Elkarteak adierazi zuen hitzarmenerako negoziatzen ari ziren gutxieneko baldintzak %33 igotzea proposatu zuela ministerioak, eta horrek zuzenean eragingo liekeela baliabide gutxien dituzten taldeei. AFE sindikatua, ordea, bitartekarien proposamena onartzeko prest dago: 16.000 euroko gutxieneko soldata urtean, eta gutxienez %75eko lanaldia —30 ordu astean—. Sindikatu horrek du ordezkaritza zabalena jokalarien artean. Patronalak hori onartu ez duenez gero, futbolariek ez dute bederatzigarren jardunaldia jokatuko. Reala eta Athletic etxean ziren aritzekoak, Bartzelonaren eta Taconen aurka, hurrenez hurren.

Jokalariek urriaren 22an egin zuten greba mugagaberako deialdia, negoziazioak ez atzera ez aurrera zeudelako. Kluben elkartearen eta jokalarien arteko desadostasun nagusia lan kontratuen partzialtasunean dago. Jokalariek %75ekoa izatea nahi dute; Kluben Elkarteak, berriz, lanaldi erdian jarri du muga. Haren arabera, futbolarien eskaria txapelketak sortzen dituen diru etekinetatik gora dago. Futbolariek salatu dute partzialtasunak baldintzatu egiten duela kotizazioa eta gaixoaldian kobratzen dutena.

Egoerari irtenbidea eman nahian, dirua mahai gainean jarri zuen Espainiako Futbol Federazioak: 1,15 milioi euro. Baldintza batekin, baina: Kluben Elkartetik kanpo dauden Espainiako Lehen Mailako lau klubek —Athletic, Bartzelona, Madril eta Tacone— beren partidak telebistaz ematea baimentzea. Mediapro telebista operadoreak ez du trabarik jarri. Baina akordioa urrun dago oraindik.

Grebarako deialdia egin berritan, Marta Unzue Athleticeko jokalariak BERRIAri kontatu zion ez dietela "beste irtenbiderik utzi". Ez zuen uste jokalarien proposamenari uko egingo ziotenik: "Eskatzen duguna ez da astakeria edo zentzugabekeria bat, baizik eta zerbait duina, bidezkoa eta oinarrizkoa. Langile batek aitortuak dituen oinarrizko eskubideak eskatzen ditugu, ez gehiago". Jokalarien batasuna nabarmendu zuen: "%93k egin genuen grebaren alde. Klub guztiak ordezkatuta egon arren, ahots bat bezala aritu ginen".

Unzuerekin bat etorri zen Realeko Nuria Mendoza: "Bada garaia emakumeen futbola izaten ari den gorakadak isla izan dezan gure baldintzetan eta eskubideetan". BERRIArekin hitz egin zuenean, negoziazioak aurrera egin zezakeen oraindik, baina Mendozak zail ikusten zuen hori: "Konturatu behar dute ez garela denari baietz esaten genion neska horiek, baizik eta merezi dugunaren alde borrokan ari garen emakume batzuk. Ezin dugu aukera pasatzen utzi".

BERRIAk babes mezuak jasoko ditu sare sozialetan, #EutsiNeskak traolarekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Argazkian irteteko gogo handia dago, eta gauzak egiteko, aldiz, oso txikia»

Julen Etxeberria

Urtetik urtera, handituz doa Zuazok jokalariekin eta entrenatzaileekin duen zorra. Haitok eta Velascok argi dute «kito» esan behar zutela: «Normaltzat jo dugu prekaritatea, eta ezin da onartu».
Sherpa Ai binakako txapelketako finalistak, herenegun, aurkezpean. ©AITZIBER ARZALLUS / UROLA KOSTAKO HITZA

Xerpak, txapelaren bila

Jon Ander De la Hoz

Sherpa Ai binakako aizkolari txapelketa jokatuko dute gaur, Zestoan. Lau bikote ariko dira maila nagusiko finalean, eta hiru promoziokoan
Iker Muniain Iñaki Williamsen bizkar gainera igota, gaueko lehen golaren ospakizunean. ©BIEL ALIÑO / EFE

Mendekua urtebetera hartu dute

Beñat Mujika Telleria

Nagusitasunez lortu du Athleticek garaipena. Laugarren urtez jarraian izango dira Kopako finalerdietan

 ©RAFA GOMEZ / SPRINT CYCLING / SPRINTCYCLING

«Behar nuen aldaketa; gogoa eta ilusioa berreskuratu ditut»

Eñaut Agirrebengoa

Movistarren «urte zailak» bizi ostean, sasoi honetan Kern Pharman ariko da Elosegi. Gora egiten lagundu nahi dio taldeari, ondo arituz «lasterketa guztietan».

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.