Albistea entzun

Lan gatazkak

Ertzaintza istiluak eragozteko sartu zen Aralucen, Jaurlaritzaren arabera

Tapia sailburuak azaldu duenez, «alternatibak» aztertzen ari da enpresaren jarduna mantentzeko

Ertzaintzako agenteak Araluceko atearen aurrean, iragan ostiralean.
Ertzaintzako agenteak Araluceko atearen aurrean, iragan ostiralean. Luis Jauregialtzo / FOKU

Imanol Magro Eizmendi -

2019ko azaroak 15 18:45

Ertzaintzak Araluceko itxieran eta bertako trokelak ateratzeko saiakeran parte hartu bazuen, «istiluak eragozteko» izan zela azaldu du Estefania Beltran de Heredia Segurtasun Sailburuak. Bidalitako agente kopuruaren proportzionaltasuna ere defendatu du Eusko Legebiltzarrean eginiko agerpenean. Hori ez da izan kontrol saioan Igorreko trokelgintza enpresari buruzko aipamen bakarra —langileetako batzuk zuzenean ikusi zute—. Arantxa Tapia Ekonomiaren Garapena eta Azpiegituretako Sailburuak esan duenez, Jaurlaritza «beste alternatiba batzuk» ikertzen ari da enpresak bere jardunarekin jarraitu dezan. Halere, ez da Aralucez bakarrik mintzo,  Cables y Alambres Erandioko enpresa ere hartu ditu hizpide. Hura ere egoera larrian dago.   

Edurne Garcia Elkarrekin Podemos legebiltzarkideari erantzunez hartu du hitza Beltran de Herediak. Euren arteko eztabaida kontrol saioko tentsio une handiena izan da. Pasa den asteko ostiraleko goizaldean, Batz kooperatibako, Araluceren jabea da, langile batzuk enpresan  sartu ziren trokeletako bat ateratzeko asmoz. Itxiera daraman kitatzailearen aginduz joan ziren,  eta Ertzaintzaren babesarekin. Apurka Araluceko langileak iristen joan ziren hustuketa eragozteko —kitatzaileak hainbat salatu ditu erasoengatik—, eta, lekukoen arabera, goizean 40 bat ertzain zeuden lantegian. Garciak, hainbeste agente bidali izanaren zergatia galdetu dio sailburuari, eta ea Ertzaintzak berdin jokatuko zukeen langileek deitu izan balituzte lantegiaren hustea eragozteko. Ertzaintzak «alde guztien segurtasuna» zaintzen duela erantzun du Beltran de Herediak, eta «orden publiko arazoak» eta «gatazkak» eragozteko behar adina agente joan zirela.

Tapia sailburuak, aldiz, Iker Casanova EH Bilduko parlamentariari erantzun dio. Hark, besteak beste, auzian «berandu» agertu izana egotzi dio Jaurlaritzari. Sailburuak, bere aldetik, enpresetako zuzendaritzen   «lana eta borondatea» goratu du, eta Jaurlaritza enpresen jarduna mantentzeko «alternatibak» aztertzen ari dela aurreratu. Halere, ez dela lan erraza izango onartu du, «merkatuaren araberakoa baita». Jaurlaritzak egoera txarrean dauden enpresei laguntzeko protokolo bat duela azaldu du, eta lan hori ez dela hedabideetan egin behar, «zuzendaritza batzorde eta langileekin baizik».             

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ibilgailuak, A63 autobidean, artxiboko irudi batean. ©Guillaume Fauveau

Frantziako Gobernuak 100 euroren laguntza emango die autoa lanerako behar dutenei

Iker Aranburu

Abenduaren 31n amaituko da erregaiaren hamar zentimoko deskontu orokorra, eta hortik aurrera langile apalenentzat izango da laguntza. 

Etxebizitzak salmentan eta alokairuan Iruñeko Alde Zaharrean ©Iñigo Uriz (Foku)

Hipoteka izoztu ahalko dute Kutxabankeko bezero «zaurgarrienek»

Jokin Sagarzazu

Finantza erakundeak bat egin du Espainiako Gobernuaren Praktika Onen Kodearekin. Interes tasen igoeragatik, hipotekaren zenbatekoa orain berrikusi behar dutenek batez beste 200 eurotik gorako igoera izango dute hilero.

Macron, atzo, Albaniako hiriburuan. ©Malton Dibra / EFE

Macron: «Fikzioa dira argindar mozketak»

Berria

Argindar mozketei buruzko eztabaida beroa hoztu nahi du Emmanuel Macron Frantziako Errepublikako presidenteak.

Eguzki plakak eta haize errotak Dongtain, Txinako Jiangsu probintzian. ©ALEX PLAVEVSKI/ efe

Energia krisi globala ziztu bizian ari da indartzen berriztagarrien hazkundea

Irune Lasa

Energia segurtasunaren inguruko kezkak areagotu egin ditu inbertsioak. IEAren arabera, eguzki energia fotovoltaikoak 2027an gaindituko du ikatza

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.