Zientzia

Bulegarien etorkizun makurra

Erresuma Batuko ikerketa talde batek giza itxurako panpina bat sortu du, langileek hogei urte barru izan ditzaketen gaitzak irudikatzeko: begi gorriak, ekzemak eta gorputz adar puztuak.

Andoni Imaz -

2019ko azaroak 22

Emmak ez dauka itxura onik. Hankak puztuta dauzka, eta barizez beteak. Tristea da haren begirada, eta oker-okerra du bizkarra. Ez da burlazko asmakizun bat, ordea, ezta munstro konkordun bat ere; «etorkizuneko langile bat» da. Izen hori jarri diote giza itxurako panpina bati, eta Erresuma Batuko ikerketa talde batek egin duen lanaren ondorioak irudikatu dituzte harengan. Hogei urtean bulego berean mugitu gabe lanean aritu den langile batek jasan ditzakeen gaixotasunak daude Emmaren azalean.

William Highman ikerlaria buru duen aditu taldeak The Work Colleage of the Future (Etorkizuneko lankidea) izeneko lana eman du argitara. «Etorkizuneko jokamoldeak» dira Highmanen espezialitatea. Lana osatzeko, Alemaniako, Erresuma Batuko eta Frantziako 3.000 langilek baino gehiagok hartu dute parte ikerketan. Bulegarien erdiak gaixo daude: begietako mina izaten dute (%50ek), bizkarreko mina (%48k) eta buruko mina (%48k). Txostenaren arabera, lanak eragin zuzena du haien osasun egoeran.

Emaitza horien irudiko sortu dute Emma: estresak eragindako ekzemak ditu besoetan, gehiegizko pisua, eta puztutako besoak eta hankak.

Besoak puztea ohiko joera da, ikerlarien arabera. Fellowes

Ez da panpina apokaliptiko bat, Highmanen ustean, bulegariek etorkizun hurbilean izango duten itxura baizik. «Ez baldin baditugu aldaketa erradikalak egiten lantokietan, bulegoek izugarri gaixotuko gaituzte». Ikerlariak irtenbideak proposatu ditu: «Gehiago mugitu, mahaiaren aurreko postura zaindu, tarteka oinez ibili, eta lantokiaren baldintzak hobetu».

Estresak eragindako ekzema, besoan. Fellowes

«Mundu osoko biztanleek inoiz baino mediku gehiago, sendagai gehiago eta osasun hezkuntza gehiago dute eskura. Halere, herrialde garatuenetako osasunak okerrera egin du», adierazi dute ikerlariek txostenean. Mundu osoko langileek bulegoetan egiten dute lan beste inon baino gehiago, eta horrek eragin zuzena du haien osasunean. Egungo lan joerak zerrendatu dituzte lanean: langileek ia egun osoa pasatzen dute mugitu gabe, pantailari begira eta presio handiarekin. Lantokiez ere aritu dira: berezko argi gutxiegi izaten dute, aireztapen desegokia eta mugitzeko leku gutxi.

Horrek guztiak duen eragin fisikoa eraman dute Emma panpinaren gorputzera. Guztiari eragiten dio lanak: zangoei, begiei, sudurrari, eskuei, eskumuturrei eta barruko organoei. Txostenean argitaratutako ondorioen arabera, zerrendatutako arazo horiek guztiak konpontzen ez badira, 2040. urterako bulegari gehienek bizkarra okertuta izango dute erabat. «Bizi estilo sedentarioaren ajeak», laburtu dute ikerlariek.

Egun osoa bulegoan geldi emanez gero, odol jario txarrak barizeak eragin ditzake. Fellowes

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna