Albistea entzun

Eibar 0-2 Alaves

Alavesek irabazi du Ipuruako derbia

Joseluk sartu ditu bi golak, azken zortzi minutuetan, eta lehen garaipena lortu dute etxetik kanpo. Eibar kamuts aritu da erasoan, eta sendotasunik gabe segitzen du.

Joselu, Alavesen eta bere bigarren gola ospatzen, gaur Ipuruan
Joselu, Alavesen eta bere bigarren gola ospatzen, gaur Ipuruan JAIZKI FONTANDEDA / FOKU

Aitor Manterola -

2019ko azaroak 24

Alavesek Eibarri irabazi dio Ipuruako derbia, eta asko balio du garaipenak, etxetik kanpoko aurrenekoa duelako denboraldi honetan, eta, batez ere, sailkapeneko atzealdetik erdialdera egingo duelako jauzia. Kontrako aldartearekin geratu da Eibar, galtzea gehiegizko zigorra izan den ustearekin, ez duelako egin irabazteko egin behar dena: gola sartu. Alavesek ez bezala, atzealdean segitu beharko du, jaitsierako lekuetatik gertu.

Bi taldeek ezberdin jokatu dute. Eibarrek ohikoa egin du, Jose Luis Mendilibarrek hain ondo landuta daukan hori, baina taldeak ez du jokoa biribiltzerik izan. Asier Garitanok ere hain berea duen estilo zurruna eta sendoa eman dio gaur ere Alavesi, eta baloiaren atzean ondo jarrita egon da partida osoan, aukerak noiz helduko eta noiz sortuko. 

Eibarrek asko eduki du baloia, eta askotan iritsi da aurkariaren areara ere. Erdiraketak ere egin ditu, baita erremateak ere, baina errematatzaileak kamuts aritu dira atearen eta Pacheko atezainaren aurrean. Joselu ibili da zorrotz, Alaveseko aurrelaria. Lucas Perez aurrelaria ordezkatu du 73. minutuan, eta ez du baloia askotan ukitu, baina egin duenean oso zitala eta zehatza izan da Eibarrekin, 85. minutuan eta 90.ean zulatu duelako Dmitrovicen atea. Sei gol sartu ditu dagoeneko liga honetan. Eibar kolpea jota geratu da, lurretik jaiki ezinda, eta erantzuteko gaitasunik ere ez du izan partida amaitu bitartean.

FITXA

Eibar  0: Dmitrovic; De Blasis, Oliveira, Arbilla, Cote (Bigas,
80. min.); Orellana, Diop (Ramis, 86. min.), Escalante, Pedro Leon;
Enrich (Charles, 64. min.) eta Kike Garcia.

Alaves  2: Pacheco; Martin, Ximo Navarro, Ely, Duarte; Tomas Pina,
Wakaso, Borja (Pere Pons, 65. min.), Burke, Aleix Vidal, Lucas Perez
(Joselu, 72. min.).

Golak: 0-1: Joseluk (85. min.). 0-2: Joseluk (90. min.).

Epailea: Mateu Lahoz. Txartel horiak: Eibarreko Arbillari; eta Alaveseko
Ximo Navarro eta Wakasori.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Igoera lortzea baino modu hoberik ez dago agur esateko»

Iñaki Berastegi

Denboraldia amaitutakoan erretiroa hartuko du Gardek. Osasunako jokalari izatearen «ametsa» bete, eta egin dioten agurragatik «pribilegiatua» sentitu da. Duela bi urtetik hona, harrobiaren koordinatzailea da, eta lan horretan jarraituko du.
Biniam Girmay besoak jasota, atzo, garaipena ospatzen. ©MAURIZIO BRAMBATTI / EFE

Eritreak ikur berria du

Eñaut Agirrebengoa

Girmayk garaipen handia lortu du Giroan. Podiumetik ospitalera joan da zuzenean, xanpainaren kortxoak begian jota. Lopez lider da oraindik ere
Beñat Zubizarreta, Lazkaoko Lapkeko Gazte mailako aurrelaria. ©JON URBE / FOKU

Ez daude barkatzeko

Jon Eskudero

Doneztebeko Errekak eta Lazkaoko Lapkek irabazi egin dute XVII. Berria Txapelketan, eta elkarren kontra ariko dira final-laurdenetan
Ricardo Barkala bere hautagaitza aurkezten, atzo. ©MIGUEL TOÑA / EFE

Barkala: «Goi mailako sei-zazpi teknikarirekin hitz egin dugu»

Berria

Bilboko Portu Agintaritzako buruak ofizial egin du Athleticeko presidente izateko hautagaitza

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...