Albistea entzun

Autogobernu Lantaldea

Adituek ostegunean egingo dute azken bilera testu artikulatua adosteko

Arabako, Bizkaiko eta Gipuzkoako estatus berrirako proposamena egin behar duten legelariek astelehenean aurkeztuko dute zirriborroa Eusko Legebiltzarrean.

Taldea osatzen duten adituak, iazko urrian ateratako argazkian, Gasteizen.
Taldea osatzen duten adituak, iazko urrian ateratako argazkian, Gasteizen. Endika Portillo / Foku

Gotzon Hermosilla -

2019ko azaroak 26 11:15

Azkeneko bilera izan behar zuen atzokoak, baina ostegunean berriro batzartuko dira Euskal Autonomia Erkidegoaren estatus politikoaren testu artikulatua idazteko enkargua daukaten bost legelari adituak. EITBk azaldu duenez, ia sei ordu iraun du bilerak, eta akordiorik gabe amaitu da; hortaz, etzi azkeneko ahalegina egingo dute Eusko Legebiltzarreko taldeek izendaturiko lantaldeak.

Mikel Legardak (EAJk izendatua), Iñigo Urrutiak (EH Bilduk), Arantxa Elizondok (EPk), Alberto Lopez Basagurenek (PSE-EEk) eta Jaime Ignacio del Burgok (PPk) larunbatera arteko epea zuten legebiltzarreko Autogobernu Lantaldean hitzartutakoa testu artikulatu batera ekarri eta proposamena aurkezteko. Azkenean, datorren astelehenean utziko dute proposamena haren esku.

Bost adituek konfidentzialtasunez aritzeko agindua daukate, eta, hortaz, ez dago lantaldean izaten ari diren eztabaiden inguruko informazio ofizialik, baina, itxura guztien arabera, korapilo nagusia zera da: erabakitzeko eskubidea jasotzearen egokitasuna eta, jasotzekotan, horrek zelan agertu beharko lukeen. Talde politikoen adierazpenek ere ildo horretatik jo dute azken egunetan. EAJk behin baino gehiagotan esan du azken testuak erabakitzeko eskubidea jaso behar duela, eta, esatera baterako, joan den igandean jeltzaleek Sukarrietan (Bizkaia) egindako ekitaldian, Andoni Ortuzar EBB Euzkadi Buru Batzarreko presidenteak berretsi zuen «Autogobernu Batzordean eta gainerako leku guztietan» defendatuko dutela «gure etorkizuna askatasunez erabakitzeko» eskubidea. PSE-EErentzat, aldiz, «marra gorria» da hori, eta askotan esan du ez duela horrelakorik onartuko.

Alderdien jarrerak ezagututa, ikusteko dago lege adituek nola askatuko duten korapiloa. EITBk aipatutako iturrien arabera, litekeena da erabakitzeko eskubidea ez agertzea Arabako, Bizkaiko eta Gipuzkoako estatutu berriaren proposamenaren ohiko artikuluetan, baina hori aipatzea xedapen gehigarri batean.

Adituek urtebete eman dute agindutako lana egiten, eta, azken asteetan, hizpide izan da testu artikulatuak Autogobernu Lantaldean adosturiko oinarriak jasoko ote dituen. EAJren eta EH Bilduren arteko adostasuna zen oinarri horien harroina, baina azken egunotan EH Bilduk susmoa agertu du adituek proposatuko duten testua oinarri horietatik aldenduko ote den, eta, hortaz, erabakitzeko eskubidea jasotzeari uko egingo ote dioten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©ISABELLE MIQUELESTORENA

Bizi osoa lurrarekin eta herriarekin engaiatuta

Edurne Begiristain

ELB sindikatuaren sortzaile, Euskal Herriko Laborantza Ganberaren sustatzaile eta azken urteetan bake prozesuaren eragile nagusietako bat izanikoa atzo hil zen, eritasun larri baten ondorioz. Berria jakin eta berahala zabaldu ziren atsekabe mezuak.

<b>Batasunaren aurkako operazioa.</b> Herritar ugari Batasunaren Bilboko egoitza babesten, 2002ko abuztuaren 27an. ©MARISOL RAMIREZ / FOKU

Areatzaren bi aurpegiak

Jon O. Urain

Bi eserialdi, aski diferenteak. 2002ko abuztuan, Batasunaren egoitza babesteko eserialdia egin zuten herritarrek Bilboko Areatzan; legez kanpo jarduteko ziklo bat abiatzekoa zen. Bederatzi urte geroago, ia gune bereko beste eserialdi batek irudikatzen du Bilduren legeztatzea. Tartean, Alderdien Legea eta ondorio ugari.

Elkarlanak indarra
AuB legez kanporatu ostean, herritarrak botopaperak erakusten. ©JAGOBA MANTEROLA / FOKU

Eskuak, lanabesak, irudimena

Maddi Ane Txoperena Iribarren

Legez kanpo egondako urteetan, martxan segitu zuen ezker abertzaleak: zerrendak, kanpainak... Garai hartan egituretan arituriko birekin elkartu da BERRIA, guzia nola antolatzen zuten jakiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.