Lan gatazkak

Hirugarren greba eguna Andoaingo Sapan

Soldata izoztuta egon zen urteetan galdutako erosketa ahalmena berreskuratu nahi dute.

Sapako langileak, N-1 errepidea zeharkatuz, manifestazioan.
Sapako langileak, N-1 errepidea zeharkatuz, manifestazioan. Gorka Rubio / Foku

Iker Aranburu -

2019ko azaroak 28

Goizean, Sapako langileek manifestazioa egin dute Andoainen, Bazkardo auzoko lantegitik herri erdiguneko Goiko Plazaraino. Ondorengo egunetan protesta gehiago egiteko asmoa dute. Aukeren artean dago larunbat arratsaldean Anoeta estadiora biltzea, futbol partida dutelako Realak eta Eibarrek. Izan ere, Sapa enpresako akziodun nagusia Jokin Aperribai da, Realeko presidentea. Armagintzan aritzen da Sapa, eta 150 langiletik gora ditu Andoainen. Soraluzen (Gipuzkoa) sortutako enpresa da Sapa (Sociedad Anonima de Placencia de las Armas), baina Andoainen du egoitza gaur egun.

Asteazkenean hasi zuten greba SAPAko beharginek, eta datorren astean ere lanuztean jarraitzeko deia egin dute ELA, LAB eta CCOO sindikatuek.

Grebaren bitartez, lortu nahi dute enpresa «esertzera eta hitz egitera» lan itunari buruz. Itun horren bidez berreskuratu nahi dute langileek soldata izozturik eduki zuten urteetan galdutako erosahalmena.

Aurreko urtean, Sapako beharginek KPIa + %0,8ko soldata igoera izan zuten, lehena urte askoan; greba mugagaberako deialdia egin ondoren erdietsi zuten igoera hori. «Enpresa hau zuzentzen duen taldearen azpijokoen beste adibide bat da», salatu du ELA sindikatuak ohar batean. »Aperribai familia eskuzabal baino eskuzabalago agertzen da kirol arloan, baina enpresa pribatuan, 170 langile baino gehiago ardurapean eduki arren, ez da esertzen langile batzordearekin hitz egitera ere».

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Bastidan, mahats bilketa, 2018an. ©Jaizki Fontaneda / Foku

Araban ere PCRak egingo dizkiete sasoikako langileei

Berria

Arabako Errioxan mahats bilketan 2.500 eta 3.000 langile artean ibiltzea espero da, eta Jaurlaritzak baieztatu du aukera hori aztertzen ari direla. Nafarroak sasoikako langileei eginiko lehen proben emaitzak jaso ditu: denek negatibo eman dute.

Azkaineko (lapurdi) eskolako sartzea, itxialdiaren ondotik. ©Guillaume Fauveau

Bidarteko udalekua itxi dute langile batek positibo eman duela eta

Oihana Teyseyre Koskarat

31 haur izan dira kontaktu zuzenean. Udalekua hetsirik egonen da bi egunez gutxienez. Maskara derrigortu dute Bidarten, Ezpeletan, Getarian (Lapurdi) eta Donibane Garazin.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3ra egondakoei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna