Noiz sortua: 2019-11-28 18:12:13

Hondakinak

Hondakinak errausten hasi dira Zubietan

Kea darie Zubietako erraustegiko tximiniei, hondakinak errez lehen probak egiten hasi baitira, agintariek iragarri bezala.

Berria -

2019ko azaroak 28

Aurreko astean egindako bisitan iragarri zuten moduan, gaur erre dituzte lehen hondakinak Zubietan, eta horrela abiatu dute hainbat hilabete iraungo duen probaldia.

Martxorako bete-betean funtzionatzea espero dute Gipuzkoako Hondakinen Kontsortzioko kideek, eta, bitartean, zaborra Bizkaira eramango dute, Mutiloako (Gipuzkoa) zabortegia itxi egingo baitute aste honetan.

Hainbat fase igaroko ditu zaborrak Zubietako azpiegituretan, erre aurretik: lehenengo, birziklatzeko modukoak diren hondakinak banatu egingo dituzte (plastikoak, papera, kartoia, burdin metalak eta burdinarik gabeko metalak) tratamendu mekaniko biologikoko plantan. Gainontzekoak lehortzen utziko dituzte, bio-lehortze gunean. Han, hamabost eta hogei egun artean egongo dira, ustel daitezen. Azkenik, erraustegira pasatuko dituzte, eta erre egingo dituzte han dauden bi labeetan.

Zubietako erraustegia urrirako nahi zuten martxan, baina lau hilabete atzeratu zaie prozesu guztia, transformadore nagusian izandako matxura larri baten ondorioz, eta, orain, agintariek martxoan jarri dute helmuga berria. Bestalde, Jaurlaritzak baieztatu du GHK-k eskatu diola Ingurumen Sailari bertan behera uzteko urriaren 2an martxan jarri zuen probaldiaren etenaldia. Beraz, modu ofizialean, probaldian dago berriro Zubietako erraustegia, atzo Jaurlaritzak emandako ebazpenaren ostean. Apirilaren 12an hasi zen probaldia eta urriaren 2an eten zuten, transformadorea energizatzeko eduki zuten arazoaren ondorioz.

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda, administrazioen arabera. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Etxeetara elikagaiak eramateko taldeak antolatu dituzte Milanen. ©Matteo Corner / EFE

Izurriak 823.626 pertsona kutsatu eta 40.598 hil ditu munduan

Berria

Dagoeneko 501 pertsona hil ditu gaitzak. Hego Euskal Herrian 9.335 kasu diagnostikatu dituzte. Sindikatuek gutun bat bidali diote Denis Itxaso Madrilek EAEn duen ordezkariari, besteak beste zentralizazioa bertan behera uzteko eskatzeko, eta Maddalen Iriartek mahai bat eratu nahi du erabakiak hartzeko

1983ko abuztuan, Busturian, uholdeetan. ©BERRIA

Zer egin krisi bati aurre egiteko?

Enekoitz Esnaola

Jaurlaritzako eta Nafarroako lehendakariek, euskal gatazkako indarkeriaz gain, zenbait garai sozial gogor ere bizi izan dituzte 40 urteotan: uholdeak, sute eta istripu larriak, krisi ekonomikoak... Carlos Garaikoetxeak, Jose Antonio Ardanzak, Patxi Lopezek eta Uxue Barkosek lehendakari gisara bizi izan zituzten krisietan izandako esperientziak kontatu dizkiote BERRIAri. Garrantzia eman diote gertutasuna eta sentsibilitatea izateari, baita neurriak hartzeari ere.

Herrialdeka, Bizkaian aurkeztu dituzte dosier gehien. ©Marisol Ramirez / Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna