Gizartea

Migrazioari erantzun «bateratua eta solidarioa» eman nahi dio Jaurlaritzak

Iñigo Urkulluk Migraziorako Euskal Itun Soziala aurkeztu du gaur goizean, Lehendakaritzan. Arabako, Bizkaiko eta Gipuzkoako instituzio nagusiek eta gizarte eragile ugarik landu dute.

Ituna aurkeztu dute gaur Lehendakaritzako egoitzan, Gasteizen.
Ituna aurkeztu dute gaur Lehendakaritzako egoitzan, Gasteizen. Juanan Ruiz / Foku

Edurne Begiristain -

2019ko azaroak 30

Migraziorako Euskal Itun Soziala aurkeztu dute gaur goizean Lehendakaritzan (Gasteiz), migrazioari «erantzun egokia» eskaintzeko. Eusko Jaurlaritzako lehendakari Iñigo Urkulluk aurkeztu du ituna, eta bere lanketan parte hartu dute migrazioaren fenomenoarekin lanean dauden Arabako, Bizkaiko eta Gipuzkoako gizarte eragile gehienek eta hiru lurraldeetako instituzio nagusiek. Itunak «erantzun bateratua eta solidarioa» eman nahi die migrazioaren ertz guztiei, ikuspegi «etiko, prebentibo eta proaktibo» batetik abiatuta.

Itunarekin bat egin duten eragileek, erakundeek eta norbanakoek hiru printzipio jarri dituzte ardatz gisa: «Aniztasuna, elkartasuna eta beharrizana». Horrez gain, itunean jaso dituzten ardatz nagusiak gizarteko alor guztietan modu transbertsalean lantzeko konpromisoa hartu dute. Besteak beste, bere egin dituzte elkarbizitza, giza eskubideak, hezkuntza eta kohesioa.

Ituna sinatu duten eragileek eta instituzioek hamar lan ildo garatzeko konpromisoa hartu dute, nork bere esparru eta eskumenen arabera. Hona hemen konpromiso horiek: erantzukidetasuna, beste eragile batzuekin lankidetzan aritzeko eta Europako Batasunean erantzukidetasun printzipioa sustatzeko; irmotasuna, «mezu xenofoboen» aurrean batasun sozialari eta politikoari eusteko; immigrazio erregularizatuaren aukerak areagotu daitezen lan egiteko konpromisoa; nazioarteko babes eskatzaileen eta errefuxiatuen harrera eta integrazioa modu kuantitatiboan eta kualitatiboan hobetzea; zaurgarritasun egoeran dauden migratzaileei behar dituzten baliabideak eskaintzea; erregularizatu gabe dauden migratzaileentzat behar diren baliabideak artikulatzea; bidaiderik gabeko adingabe eta gazte atzerritarrei behar dituzten baliabideak ematea; esku hartze humanitarioa ematea; prebentzioko esku hartzea sustatzea, besteak beste, lankidetza proiektuekin, eta bizikidetzaren kultura partekatzea.

Jaso nahi genukeena eskaini. Horixe da Migraziorako Euskal Itun Sozialaren izena. Ideia horri heldu dio  Urkullu lehendakariak gaurko aurkezpenean, galdera batekin: «Zer nahiko genuke jaso migratzaile, errefuxiatu edo egoera kaltebera batean den pertsona baten azalean egongo bagina?». Itunak, hain justu, horri erantzuten diola azaldu du: «Migratzaileak bagina jaso nahiko genituzkeen duintasun baldintzak proposatzen ditu". Horrez gain, adierazi du «mezu xenofoboak» erabiltzen dituztenei «batasun sozial eta politikoa mantentzeko konpromisoarekin» erantzuteko tresna bat dela ituna.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 383 detektatu dituzte Bizkaian, Gipuzkoan eta Araban. Nabarmen apaldu da ospitaleratuen kopurua: 28 lagun sartu dituzte erietxean azken egunean.

Herritar batzuk kalean maskara jantzita, Frantzian. ©CAROLINE BLUMBERG / EFE

Birusaren bigarren oldarraldia

Jone Bastida Alzuru

Kasuek ugaritzen jarraitzen dute munduan, eta hainbat herrialdek neurriak zorrozteko erabakia hartu dute. Israelek joan den ostiralean indarrean sartutako itxialdia gogortu du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna