Noiz sortua: 2019-12-01 20:17:54

Kirola

Erremonte txapelketa


Binakako Txapelketa

Uterga finalerdietara sailkatu den lehenengo erremontista bihurtu da

Juanenea-Barrenetxea eta Uterga-Agirrezabala garaile, hirugarren jardunaldiko lehendabiziko bi partiduetan

Uterga finalerdietara sailkatu da dagoeneko.
Uterga finalerdietara sailkatu da dagoeneko. Maialen Andres

Iñigo Goñi Iradi -

2019ko abenduak 1

Juanenea-Barrenetxea IV.ak eta Uterga-Agirrezabalak hirugarren jardunaldiko lehendabiziko bi partiduak irabazi zituzten. Garaipen horiekin Uterga da finalerdietara sartu den lehenengo erremontista eta Azpirozek eta Barrenetxeak gertu dute sailkapena. Azpirozek ezin izan zuen larunbatean jokatu eta Agirrezabalak ordezkatu zuen, baina lorturiko puntuak Azpirozi batzen zaizkio.  Juaneneak eta Barrenetxeak 40-35 irabazi zieten Ansa II.ari eta Ioni txapelketa osoan jokatu den partidarik onenean. Utergak eta Agirrezabalak 40-37 irabazi zieten Matxin III.ari eta Endikari.
Uterga finalerdietara sailkatu den lehen pilotaria da, beste zortzi puntu batu baititu, eta 24 puntu ditu jada, finalerdietara pasatzeko adina. Azpirozek eta Barrenetxeak ere ia behin betiko jauzia eman dute. Agirrezabalak sei puntu batu zituen eta Azpirozek zituen hamalauei batuta 20 puntu ditu. Barrenetxeak 19 puntu ditu, eta Endikak. Atzelarien artean gauzak argiago daude, Ion hamabi punturekin geratu baita eta ezinezkoa du Azpiroz eta Barrenetxea mendean hartzea eta, asko jota, Endikarekin berdindu dezake.
Aurrelarietan Utergaren 24 puntuak alde batera utzita, Matxin III.a 18 punturekin geratu da, Juaneneak 13 puntu ditu eta Ansa hamabi punturekin geratu da. Urrizaren hamarrak eta partida bat gutxiago duela kontuan izanda, bigarren eta hirugarren postu horretarako lehia oso dago.

Emozioa eta joko ona
Partiduei dagokienez, batez ere lehenengoa nabarmendu zen. Abiada bizian jokatu zen. Ansak eta Juaneneak lehia ederra, bizia eta abiadura handian piloteatu zuten. Atzean, Barrenetxeak agindu zuen, batez ere gorrientzat partida zail jarri zenean. 22-25 galtzen zuten, baina Barrenetxeak ezinezko errebotea atera zuen eta ondoren lau tanto egin zituen jarraian, 32-27 markagailuari buelta eman eta errentak bukaerara arte mantenduz. Hernaniarrak bederatzi tanto egin zitueln sakearekin eta hamar piloteoan. Ion urrun geratu zen zenbaki horietatik. Aurrelarien artean Ansak partida bikaina jokatu zuen 19 tanto eginda eta soilik lau akatsekin..
Jaialdiko bigarren partida ez zen hain polita izan, baina bai zirraragarria. Partida oso parekatua izan zen. Matxin III.ak garaipena nahi zuen ostegunean aita izan ondoren, baina azkenean Utergak eta Agirrezabalak eskuratu zuten garaipena. Uterga nabarmendu zen erasoan 25 tantorekin, nahiz eta ohi baino akats gehiago egin zituen 10ekin, asko bi pareteko jokaldian. Hala ere, 15 gehiago batu zituen, Matxinek15 tanto eta hiru huts egin zituen. Atzelarietan Endikak, Agirrezabalak baino tanto bat gehiago batu zuen, baina ez zuen behar adina lagundu eta hori erabakigarria izan zen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak adinekoen egoitzetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsionistek Bilboko udaletxe aitzinean eta a bertan argi utzi dute ez dutela murrizketarik onartuko osasungintza publikoan eta pentsioetan. Pentsionistek Eusko Jaurlaritzari eta Bizkaiko Aldundiari egoitzen inguruko informazioa eskatu diote baina ez dute erantzunik jaso. 

Iruñeko Erruki Etxea egoitza, apirilean. ©Iñigo Uriz / Foku

Nafarroako zahar etxeetako 272 egoilar hil dira koronabirusagatik

Maider Galardi F. Agirre

Beste 163 hildakoren sintomatologia aztertzen ari da Nafarroako Gobernua, COVID-19ak hil dituen jakiteko. Gaur hasiko dira bisitak zahar etxeetan

Foruzain bat, Bera inguruan, Gipuzkoa eta Nafarroaren arteko mugan jarritako kontrolan ©Iñigo Uriz, Jagoba Manterola / FOKU

Ekainaren 8tik aurrera Hego Euskal Herri osoan zirkulatzerik egongo dela uste du Madrilek

Edu Lartzanguren

Kutsatze datuen araberakoa izango da erabakia, Jose Luis Abalos Espainiako Garraio ministroak esan duenez.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna