Albistea entzun

Siderurgia

Kaleratzeak eragozteko plan bat eskatu dute Arabako Celsan

11 langile kaleratu nahi dituztela salatu dute. Langile batzordeak uste du 2012tik 2016ra eginiko mobilizazioak zigortu nahi dituela enpresak. 2008tik Laminaciones Arreguiren Arabako bi lantegien jabe da Celsa Atlantic Kataluniako multinazionala.

Langilek aspalditik ari dira protestan; argazkian, 2015eko mobilizazio bat
Langilek aspalditik ari dira protestan; argazkian, 2015eko mobilizazio bat / Raul Bogajo (Foku)

Jokin Sagarzazu -

2019ko abenduak 16

Celsa Atlantic siderurgia taldeak Araban dituen bi lantegietan kaleratzerik egon ez dadin, bideragarritasuna plan bat eskatu du hango langile batzordeak.

Azaldu duenez, 11 langile kanporatzeko asmoa du enpresak eta beste horrenbeste lekualdatu nahi ditu; ez luke erregulazio dosierrik aurkeztuko horretarako, langile guztien %10era ez direlako iristen kaleratzeak, eta banan-banan botako lituzke.

Langile batzordeak salatu duenez, hala egin zuen hil honen hasieran gaixo zegoen behargin batekin, absentismoa argudiatuta.

Kaleratzeak saihesteko, inbertsioak galdegin ditu langile batzordeak, planta horietan ekoizten diren produktuak dibertsifikatzeko.

Gasteizen eta Urbinan lantegi bana ditu Celsa Atlanticek, Laminaciones Arreguirenak izandakoak, eta 117 langile ari dira.

Urte gatazkatsuak bizitzen ari dira. 2008tik enpresaren jabe da Kataluniako multinazionala —Baionan ere lantegi bat dauka—. 2012an, Arabako bi plantetan 91 behargin bota eta soldatak %30 jaistea proposatu zuen. Protesta ugari egin zituzten langileek, eta lanuzte mugagabe bat abiatu zuten; 178 gora kaleratzerekin erantzun zuen enpresak. Epaitegietan bide luze bat egin ondoren, 2016an, Espainiako Auzitegi Gorenak arrazoia eman zien kanporatutako guztiei.

"Mendekua"

Ordutik, lan etete prozesuetan daude Arabako bi plantetan. Enpresak aldi baterako erregulazio planak egin zituen 2016an eta 2018an. Langile batzordeak ez zuen errekurtsorik jarri horien kontra, negoziazioak abiatzea lortu zutelako.

Orain, zuzendaritzaren jarreran "norabide aldaketa" egon dela eta agintariak "iraganeko moldeetara" itzuli direla azpimarratu du langile batzordeak. Uste du "mendekua" dela, 2012ko kaleratze eta murrizten aurka langileek eginiko borrokarengatik. "Heriotza geldo baten bidez saihestu nahi dituzte orduko epaiak eta lortu nahi dute orduan lortu ez zutena".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Kontsumitzaileak erosketak egiten, Japoniako supermerkatu batean. ©JOSEP SOLANO

Japoniako udazken beltza

Josep Solano

Prezioen igoerak markak hautsi ditu Japonian, eta urteak dira yena ez zela hain apal egon. Horrek bultzatuta, aurrezkiak dolarrekin edo atzerriko bonuekin trukatzen ari dira japoniarrak.
Aldudeko Gasnategia, Alduden. ©Guillaume Fauveau

Aldudeko Gasnategiaren geroa, epailearen esku

Iker Aranburu

Baionako Merkataritza Auzitegiak astelehenean aztertuko ditu Aldudeko Gasnategia eta Euskal Herriko Esne Kooperatiba erosteko eskaintzak.

Antonio Costa, Ursula von der Leyen, Pedro Sanchez eta Emmanuel Macron, Alacanten. ©Kai Fosterling / Efe

Bartzelona-Marseilla gasbideak hidrogenoa baizik ez du garraiatuko

Iker Aranburu

Hasieran gas naturala eramateko asmoa alde batera utzi dute Frantziako eta Espainiako gobernuek, Europako Batasunaren finantzaketa ere jaso ahal izateko

Pentsiodunen mugimenduaren protesta bat ©Idoia Zabaleta (Foku)

Kotizazio aldia berriro 15 urte izatea eskatu dute pentsiodunek

Jokin Sagarzazu

Salatu dute kalkulatzeko urte kopurua handitzeak etorkizuneko pentsioak murriztea duela helburu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...