Albistea entzun

Aeronautika

Boeingek eten egin du 737 Max hegazkinaren produkzioa

Indonesian eta Etiopian izandako istripuek eta AEBek eta Europako Batasunak (EB) hegan egiteko ezarritako debekuek bultzatu dute horretara. Konpainiak gehien saltzen duen modeloa da.

737 Max modeloaren hegazkin batzuk, Boeingek AEBetan duen lantegi batean
737 Max modeloaren hegazkin batzuk, Boeingek AEBetan duen lantegi batean / Gary He (Efe)

Jokin Sagarzazu -

2019ko abenduak 17

Boeing, ehun urte baino gehiago dituen konpainia, inoizko krisirik handienean sartuta dago. 737 Max hegazkinen produkzioa etetea erabaki du, urtebetean bi istripu larri izan ostean; azkena, martxoan, Etiopian: 157 hildako izan ziren. Hegazkina lurrera jausi zen, softwarean gertatutako hutsegite tekniko batengatik; 2018ko urrian, Indonesian, 189 pertsona hil ziren.

AEBek eta Europako Batasunak modelo horri hegan egiteko ezarritako debekuek bultzatu dute erabaki hori hartzera. Era berean, American Airlinesek —eta beste konpainia batzuek—, erretiratu egin ditu hegazkin horiek, 2020ko martxora arte, gutxienez.

Konpainiak 450 unitate ditu stockean, eta ez du berririk egingo aireratzeko baimen guztiak lortu arte. 52tik 42ra jaitsi zuen produkzioa apirilean, eta enpresaren asmoa zen ohiko produkziora —hilean 57ra—itzultzea 2020an. Baina atzo iluntzean jakinarazi zuen denbora batez lanak etengo dituela, segurtasun azterketak luzatuko direlakoan.

Konpainiak gehien saltzen duen modeloa da: debekuen aurretik 387 saldu zituen, eta ia beste 5.000 unitate ditu hitzartuak datozen urteetarako.

Kaltetuak eta onuradunak

Lanak eteteak eragin handia izan dezake industria aeronautikoan: Boeingen modelo horretako osagaiak produzitzen dituzten enpresen artean —Europan, Sheffielden (Erresuma Batua)— bereziki, baita hornitzaileen artean ere. Aurten, inoizko diru galerarik handiena izan du konpainia estatubatuarrak: lehenengo seihilekoan, 5.600 milioi euro ingurukoa, eta urrian, beste 2.700 milioikoa.

Oso bestelakoak dira Boeingen lehiakide nagusiaren emaitzak: Airbusenak. Aurtengo lehen seihilekoan, 737 Max modeloari hegan egiteko debekuak ezarri zizkiotenetik, 1.197 milioi euroren irabaziak izan ditu konpainia europarrak; aurreko urteko epe berean baino %141 gehiago.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Metala epeldu dute 2026ra arte

Imanol Magro Eizmendi

Bizkaiko metalgintzako sindikatuen gehiengoak eta FVEMek lan itun berria sinatu dute. Lan Sailak akordiora batzeko esan dio ELAri. LABek eskatu du grebalarien aurkako salaketak indargabetzeko
Bittor San Millan Ondarroako Antiguako Ama Itsas Arrantzale Eskolako zuzendaria. ©Jon Urbe / Foku

«Itsasoko lan gogorra gogoko duten gazteak topatzea da erronka»

Ibai Maruri Bilbao - Bizkaiko Hitza

Ondarroako Antiguako Ama itsas arrantzako eskolak egoitza berria du. Erdi mailako gradu berri bat eskaintzeko aukera eman die horrek, eta simulatzaileak erabiltzen hasi dira, Bittor San Millanek azaldu duenez.

Luiz Inacio da Silva <em>Lula</em> Brasilgo presidentea eta Alberto Fernandez Argentinako presidentea Buenos Airesen. ©EFE

'Sur': diru komun berria Hego Amerikan

Iñaut Matauko Rada

Brasilek eta Argentinak, Hego Amerikako ekonomiarik indartsuenek, diru komun berri bat sortzeko bidea hasi dute aurten. Nahiz eta nazioarteko merkataritzan bakarrik erabiliko litzatekeen, galdera asko sortzen hasi dira gaiaren inguruan, Argentinaren egoera ekonomiko eta finantzario makalagatik batez ere.
Adegiko ordezkariak, gaurko prentsaurrekoan. ©FOKU

Lehengaien eta energiaren prezio handiak dira Gipuzkoako enpresen kezka nagusi

Iñaut Matauko Rada

2023an Gipuzkoako ekonomia %0,5 eta %2 artean handituko dela aurreikusten du Adegik. Enpleguaren inguruko datuak pandemiaren aurrekoak baino hobeak direla gehitu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...