Albistea entzun

Finantza publikoak

Nafarroako aurrekontuaren %54 gastu sozialerako izango da 2020an

Txibiteren gobernuak 2020ko aurrekontuen aurreproiektua aurkeztu berri du. Lehentasunen artean daude, besteak beste, osasuna, lanbide heziketa, lurralde kohesioa, eta ikerketa eta garapena.

Elma Saiz, aurreko astean, parlamentuan
Elma Saiz, aurreko astean, parlamentuan Iñigo Uriz / Foku

Joxerra Senar -

2019ko abenduak 18

Azkenean. Inoiz baino beranduago, baina Nafarroako Gobernuaren kontseiluak 2020ko aurrekontuaren nondik norakoak onartu ditu. Aurreko asteetan zin egin zuten abendu amaierarako hala egingo zutela, eta bete du hitza. Orain, Gizarte eta Ekonomia Kontseilura eta beste bi erakundeetara bidaliko dute, eta, gizarte eragileei lege aurreproiektuaren edukia ezagutarazi ondoren, gobernu kontseiluak urtarrilaren 10ean onartuko du lege proiektua. Hortik aurrera, Nafarroako Parlamentura igorriko dute, eta otsailean aurrera ateratzea espero da.

Zergen neurrian EH Bildurekin ados jarri ondotik guztiak koalizio abertzalera begira badaude ere, Elma Saiz Ogasun kontseilariak eskua luzatu dio Navarra Sumari. "Guztien aldetik jarrera eraikitzailea espero dugu". Saizen arabera, aurrekontu proposamen hori "oso ona" da, gizartearen beharrei erantzuten dielako. 2016tik hona aurrekontuek izandako jauzia ere nabarmendu du: Barkosen legealdiaren hasierakoa 3.506 milioikoa zen, eta oraingoa, berriz, 4.239 milioi eurokoa da.

Guztira, finantza gastuak gehituta, 4.557 milioikoa da aurrekontua. Zorraren interesak ordaintzera aurten baino sei milioi euro gutxiago bideratuko ditu gobernuak 2020an (68,5 milioi, guztira). Era berean, estatuari ekarpen bidez 585 milioi euro ordaintzea aurreikusita dago. Berez, aurten amaituko da ekarpenaren kalkuluaren bost urteko epea, eta 2020tik aurrera hurrengo bost urteetarako ekarpena hitzartu beharra dago Madrilekin. Oraindik Espainian gobernua osatu ez denez, negoziazioak etenda daude. Saizen arabera, negoziazio horri begira ordezkariak izendatuta dauzka.

Inbertsioei dagokienez, %12 handituko da atal hori. Saizen arabera, "AHTk ez du aurrekontu sailik" aurreproiektu horretan. Osasun Departamentuak 16,6 milioi euro inbertituko ditu zentroak berritzeko eta egiteko.

Saizek azaldu du aurreko gobernuaren aurrekontuekin alderatzerik ez dagoela departamentuz departamentu; izan ere, bederatzi departamentutik hamahirura pasatu da oraingo gobernua, eta horrek eragotzi egiten du zuzenean alderatzea. Saizek nabarmendu du aurrekontuaren %54 gastu sozialetarako izango dela. Horien artean, nabarmendu du Osasun Departamentuak inoizko aurrekontu handiena izango duela (1.162 milioi euro, aurten baino %7 gehiago).

Hezkuntzari dagokionez, aurten baino %9,5 handiagoa izango da. Gobernuak nabarmendu du doako liburuen aurrekontu sailera 4,3 milioi euro bideratuko direla, eta garrantzi berezia eman dio lanbide heziketari. Irakasle berriak kontratatzeko lan deialdia egingo da, eta aurrekontua %258 handitu dela dio gobernuak. Halaber, gobernuak azpimarratu du Ikerketa eta Garapenerako aurrekontuaren %1,35 erabiliko duela eta unibertsitateentzat %1,76 izango dela. Bi urrats horiekin Zientzia eta Teknologiaren Legea beteko duela dio.

Halaber, gobernuaren arabera, Euskarabideak euskara bultzako konpromisoari eutsiko dio, eta "gazteriarentzako aurrekontu sailak indartu egingo dira". Ez du zehaztu zer diru sail izango duen Euskarabideak.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Metala epeldu dute 2026ra arte

Imanol Magro Eizmendi

Bizkaiko metalgintzako sindikatuen gehiengoak eta FVEMek lan itun berria sinatu dute. Lan Sailak akordiora batzeko esan dio ELAri. LABek eskatu du grebalarien aurkako salaketak indargabetzeko
Bittor San Millan Ondarroako Antiguako Ama Itsas Arrantzale Eskolako zuzendaria. ©Jon Urbe / Foku

«Itsasoko lan gogorra gogoko duten gazteak topatzea da erronka»

Ibai Maruri Bilbao - Bizkaiko Hitza

Ondarroako Antiguako Ama itsas arrantzako eskolak egoitza berria du. Erdi mailako gradu berri bat eskaintzeko aukera eman die horrek, eta simulatzaileak erabiltzen hasi dira, Bittor San Millanek azaldu duenez.

Luiz Inacio da Silva <em>Lula</em> Brasilgo presidentea eta Alberto Fernandez Argentinako presidentea Buenos Airesen. ©EFE

'Sur': diru komun berria Hego Amerikan

Iñaut Matauko Rada

Brasilek eta Argentinak, Hego Amerikako ekonomiarik indartsuenek, diru komun berri bat sortzeko bidea hasi dute aurten. Nahiz eta nazioarteko merkataritzan bakarrik erabiliko litzatekeen, galdera asko sortzen hasi dira gaiaren inguruan, Argentinaren egoera ekonomiko eta finantzario makalagatik batez ere.
Adegiko ordezkariak, gaurko prentsaurrekoan. ©FOKU

Lehengaien eta energiaren prezio handiak dira Gipuzkoako enpresen kezka nagusi

Iñaut Matauko Rada

2023an Gipuzkoako ekonomia %0,5 eta %2 artean handituko dela aurreikusten du Adegik. Enpleguaren inguruko datuak pandemiaren aurrekoak baino hobeak direla gehitu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.