Noiz sortua: 2019-12-23 12:29:20

Merkataritza

Txinak muga zergak murriztu dizkie hainbat inportaziori

Herrialdeak bere ekonomia «zabaldu» nahi du, eta hazkunde motelagoa bultzatu. 850etik gora produktuk izango dituzte zerga txikiagoak, tartean txerriki izoztuak. Txerri izurri afrikarraren ondorioz, txerriki eskasia dago Txinan.

Txerri izurri afrikarrak milioika txerri hil ditu Txinak. Txerriki eskasiak inflazioa handitu du.
Txerri izurri afrikarrak milioika txerri hil ditu Txinak. Txerriki eskasiak inflazioa handitu du. WU HONG / EFE

Irune Lasa -

2019ko abenduak 23

Elikagaiak, kontsumo gaiak, smartphone-entzako osagaiak... Guztira 859 produktuk muga zergak txikiagoak ordainduko dituzte urte hasieratik Txinako merkatuan sartzeko. 2018ko Txinaren inportazioei datuei begira, neurriak 350.000 milioi euroko ondasunei eragingo die.

Txerriki izoztua da Txinako merkatura merkeago iritsiko den elikagaietako bat. Txerrikia oinarrizko jakia da txinatarren dietan, baina azken hilabeteetan txerri izurri afrikarrak milioika txerri hil ditu herrialdean, eta txerriki eskasia nozitzen ari dira. Oinarrizko elikagai garestiagoek inflazioa handitu dute Asiako herrialdean. Ahuakate izoztuari eta laranja zuku izoztuari ere muga zergak apaldu dizkiete.

Txinako Finantza ministerioak gaur plazaratu du zerrenda, eta, haren inguruko analisten arabera, erabakiaren xedea herrialdeko ekonomia are gehiago «zabaltzea» da, merkataritza askearen alde egiten jarraitzen dutela erakustea. AEBekin gerra komertzialean dago oraindik Txina, nahiz eta orain bi aste nolabaiteko su-eten bat lortu zuen.

Barne kontsumoa

Herrialdeko barne kontsumoa suspertzeko modu bat ere izan daiteke hainbat inportaziori muga zerga txikitzea. Besteak beste, Donald Trumpen AEBek bultzatutako zigorrei asko igarri die ekonomia txinatarrak. Hazkunde erritmoa datorren urtean %6ra edo beherago apalduko dela aurreikusten da, eta hazkunde hori pizteko era bat kontsumogai merkeagoak izan daitezke.

Erdieroaleak, memoria txipak eta smartphone-entzako osagaiak ere badaude zerga txikiagokoen zerrendan. Asmarentzako sendagaiei eta diabetesarentzako botikak egiteko lehengaiei, berriz, hutseko tasa ezarriko diete.

Beste produktuei muga zerga zenbat apalduko zaizkien ez du argitu Txinako gobernuak, baina hori bai, zehaztu du haien jatorriak izango duela eragina; izan ere, funtsean, gaur aurkeztutako zerrendaren atzean arrazoi politikoak eta diplomatikoak ere badaude. Printzipioz, Munduko Merkataritza Erakundeko herrialde guztietatik inportatutako ondasunek izango dituzte muga zerga txikiagoak, baina abantaila handiagoa izango dute Txinarekin merkataritza libreko itunak dituzten herrialdeetako gaiek. Taiwanekin harreman diplomatikoak aldatu dituzten Erdialdeko Amerikako eta Ozeaniako zenbait herrialde sarituko ditu horrela Txinak.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Herritarrak paseoan, konfinamendua arintzeko lehen fasean ©Jon Urbe / Foku

Beste hamalau positibo eta hiru hildako jakinarazi dituzte Hego Euskal Herrian

Irati Urdalleta Lete

Murgak iragarri du neurriak areagotzea pentsatzen ari direla azken egunetan festa giroan ikusi diren jende pilaketak «mantenduz eta orokortuz» gero.

Irungo bizilagun batek grabatutako bideoaren irudi bat. ©

Santano: «Asteartean gertatutakoa salbuespena izan da, eta, zoritxarrez, irudi mediatiko bilakatu da»

Bidasoko Hitza

Ekainaren 30ean Irungo Legia kaleko hiru tabernetan gertatutakoaren gainean aritu berri da Jose Antonio Santano alkatea. Ehunka lagunek bete zuten kalea, inongo distantzia eta maskararik gabe, eta tokian bertan grabatutako bideo batek hautsak harrotu ditu.
Irungo bizilagun batek grabatutako bideoaren irudi bat.

Produktibitatea

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna