Suteak Australian

Australian animalientzako janaria botatzen ari dira helikopteroetatik

Agintariek kalkulatu dutenez, irailetik mila milioi animalia hil dira suteetan.

Berria -

2020ko urtarrilak 13

Suteek kiskalitako guneetan bizirik iraun duten animalientzako milaka kilo janari botatzen ari dira Australian, helikopteroak erabilita. Irailetik sute handiak izaten ari dira, eta leku askotan garrek elikagai oro suntsitu dute.

Hegoaldeko Gales Berria estatuko Gobernuak helikopteroak lanean jarri ditu bi tona azenario eta batata baino gehiago botatzeko walabiak bizi diren hainbat tokitan. Walabiak martsupialak dira, kanguruak bezala. «Walabiek ihes egiten diete garrei, baina elikagairik gabe geratzen dira, suak euren bizitoki harritsuetako landareak suntsitzen dituelako», azaldu du Matt Kean estatuko Ingurumen idazkariak. Jana botatzeaz gain, Keanen sailak kamerak jarri ditu, animaliak elikagaioz nola baliatzen diren behatzeko.

Suteek zortzi milioi hektarea kiskali dituzte dagoeneko —Irlandaren azaleraren pare—, eta 26 pertsona hil dira horien eraginez. Agintariek kalkulatu dutenez, mila milioi animalia hil dira.

Australian ohikoak dira baso suteak, baina aurten, uda hasi ere egin baino lehen, bereziki kezkagarria da.

Oraindik ere ehun sute baino gehiago daude piztuta Australian. Aste honetarako euri mardula iragarri dute erdialdean eta iparraldeko kostaldean, eta Hegoaldeko Gales Berriko hainbat tokitan 25 milimetro espero dituzte. Iragarritako euria heltzen bada, «gure Eguberrietako, urtebetetzeko, urteurreneko eta ezkontzako opariak denak batera jasotzea bezalakoa izango da», idatzi du Twitterren Hegoaldeko Gales Berriko Sute Zerbitzuak. Halere, nabarmendu dute euria ez dela izango sua erabat itzaltzeko adinekoa.

Suteek zuzeneko arriskuak izateaz gain, kutsadura arazo larri bilakatzen ari dira herritarrentzat.

Hainbat herritarrek eta eragilek Scott Morrison Australiako lehen ministroari egotzi diote ezer gutxi egin duela suteen aurka. Oposizioan den Alderdi Berdeak gogor egin du haren kontra. Morrisonek, ordea, ukatu egin zuen bere politikek eta suteek zerikusia dutela; emisioak murrizteko politika gogorragoak ezarriko balitu enplegu galera ekarriko luketela argudiatu zuen azaroan. Besteak beste, ikatzaren industria babestu du Morrisonen gobernuak indarrean denetik —2018ko abuztutik—.

Australiako Gobernu kontserbadoreak konpromisoa hartu zuen, Parisko Akordioan, isuriak %26-28 artean murrizteko 2030erako, baina, adituen arabera, egungo garapenarekin ez du beteko helburu hori.

Negurik ez 2050erako

Australiako Unibertsitate Nazionalaren ikerketa baten arabera, Australiak ez du negurik izango 2050. urtean: «Urtaro bakoitzeko tenperaturak erkatuta, nabaritu dugu ez dela neguko denboraldi iraunkor bat izango 30 urte barru». Hortik aurrera «uda berria» deitu dioten urtaro bat sortuko dela diote ikerlariek.

Adituek aurreikusten dute aurtengo uda gogorra izango dela, baina 2009ko otsaileko gertakariak berriro ez gertatzea espero dute. Black Saturday izena jarri zioten ostiral hari; 173 pertsona hil ziren Victoria eskualdean, eta guztira 374 lagun hil ziren bero bolada batean.

 

 

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna