Albistea entzun

Greba Ipar Euskal Herrian

Florence Lasserre diputatuaren etxe aitzinean piknikatu dute grebalariek

Hirurogei pertsona bildu dira Florence Lasserre (Errepublika Martxan) diputatuaren etxe aitzinean. Erretreten erreformaren aurkako mobilizazioak berrogei egun bete ditu gaur, eta mobilizazioak iragarri dituzte aste honetarako.

Florence Lasserre diputatuaren etxe aitzinera komuneko papera bota dute.
Florence Lasserre diputatuaren etxe aitzinera komuneko papera bota dute. BERRIA Tamaina handiagoan ikusi

Oihana Teyseyre Koskarat -

2020ko urtarrilak 13

Erretreten erreformaren aurkariek ekintza bat egin dute Angelun (Lapurdi) «erretreta duinen alde borrokatzeko». Florence Lasserre (Errepublika Martxan) Pirinio Atlantikoetako departamenduko diputatuaren etxe aitzinean bildu dira, eta bertan piknikatu dute. Joan den asteko batzar intersindikal eta interprofesionalean adostu zuten ekintza. Azaldu dute diputatuari hiru gutun idatzi dizkiotela mugimenduaren hastapenetik, grebalarien "haserrea eta kezka" entzun ditzan. Diputatuak, ordea, ez du erantzunik eman; horregatik erabaki dute haren etxera jotzea. «Hiru aldiz bidali diogu gutuna, eta ez digu erantzunik eman. Herritarron boza ez du entzuten, Frantziako Gobernua itsuki segitzen du, gurekin eztabaidatu gabe», salatu du Julien Delion CGTko sindikatu kideak.

Etxeko atarian Frantziako Poliziak bertara sartzea eragotzi die manifestariei. Errepidean jarri dira sindikatukideak, Jaka Ubelak —Jaka Horien abar feminista— eta Jaka Horiak, eta bazkaria partekatu dute. Ondoren, komunetako papera jaurti dute baratzera, protesta sinboliko gisa. «Mugimenduak segitzen du; Frantziako Gobernuak ez du atzera eginen, baina guk ere ez», esan du Delionek.

Gizarte eragileengan duen «konfiantza erakusteko», Frantziako lehen ministroak orekarako adinaren neurria kentzeko aukera eskaini die sindikatuei, «behin-behinean» bada ere. Edouard Philippek jasoa du erretreten erreforman erretiroa 64 urtera atzeratzea, 2022tik 2027rako epean. Sindikatu erreformisten babesa lortzeko saioa da, azken finean, lehen ministroaren proposamen hori. Izan ere, erreformaren neurri nagusietako batean atzera egiteko prest egonda ere, nekez erakarriko ditu CGT, FO, FSU, Solidaires eta CGC sindikatuak.

Gobernuak egindako iragarpenek ez dute haserrea baretu. Joan den larunbatean milako bat pertsona atera zen karrikara Baionan. Trenbideetako langileek berrogei egun daramatzate greban, eta aste honetan sindikatuek hiru eguneko grebarako deialdia egin dute: bihar eta ostegunean manifestazioak egingo dituzte. Baionan, 10:30ean abiatuko da martxa, geltokitik. 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lanaldean-eko langile talde bat, enpresak Bilbon duen bulego baten aurrean atzo eginiko elkarretaratze batean. ©M. D. V. / FOKU

«SOS Deiak, bai esan?»: 1.000 euroko soldata

Imanol Magro Eizmendi

Lanaldean telemarketin enpresako langile batzuek mobilizazioak hasi dituzte baldintzak hobetzeko. Gutxieneko soldataren mugan daude, eta, besteak beste, Segurtasun Sailaren, Kutxabanken eta Iberdrolaren lehen ahotsa dira.

Elorrioko kooperatiba baten hipermerkatu bat. ©EROSKI

Eroskik 46,8 milioi euroren irabaziak izan ditu lehen seihilekoan

Xabier Martin

Inflazio handiaren agertokian, «familiei laguntzeko ahalegina» egin duela esan du kooperatibak. Salmentak 2.633 milioi eurora iritsi dira

<b>Etxe bila.</b> Emakume bat etxebizitzen iragarkiak ikusten, Getxoko higiezin agentzia batean. ©MIGUEL TOÑA / EFE

Inoizko igoerarik handiena izango dute hipoteka orain eguneratu behar dutenek

Iker Aranburu

Euriborrak %2,2tik gora bukatuko du iraila, mailarik handiena 2009az geroztik. 150 eta 200 euro artean garestituko ditu berritu behar diren kuota gehienak

Kadri Simson EBko Energia komisarioa, gaur, Bruselan. ©OLIVIER HOSLET / efe

Energia merkatzeko lehen neurrien ondoren, urrunago joateko presioa du Bruselak

Iker Aranburu

Kontsumoa jaistea, energia konpainiak zergapetzea, eta berriztagarrien sariak murriztea onartu du EBk. Gasari gehienezko prezioa jartzeko eskatu dute EBko hamabost kidek, baina Europako Batzordeak eta Alemaniak ez dute nahi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.