Albistea entzun

Ekonomia

Herritarrak ere kezkatuago daude ekonomiaren egoerarekin

Konfiantza galera erakusten du Laboral Kutxaren azken inkestak.

Donostiako Bretxa azoka, gabonetan.
Donostiako Bretxa azoka, gabonetan. Gorka Rubio / Foku Tamaina handiagoan ikusi

Iker Aranburu -

2020ko urtarrilak 14

Okerrera egin du nabarmen Arabako, Bizkaiko eta Gipuzkoako herritarrek egoera ekonomikoan duten konfiantzak. Laboral Kutxaren azterketaren arabera, hirugarren hiruhilekotik laugarrenera lau puntu jaitsi da, eta 2015eko lehen hiruhilekotik izan duen baliorik okerrenarekin amaitu du urtea (-9). "Urte aldakorra" izan dela dio finantza erakundeak: lehen sei hiruhilekoan balio positiboetan egon zen konfiantza, baina negatiboetan bigarrenean. Laboral Kutxak nabarmendu duenez, Espainiako hauteskundeak gertatu eta hurrengo bi asteetan egin zuen inkesta, "eta horrek zuzeneko eragina izan dezake emaitzan".

Herritarren konfiantza galerak bat egiten du enpresaburuen iritziarekin. Joan den astean kaleratu zuen azterketa hori Laboral Kutxak, eta ezkortasuna zabaltzen ari dela erakutsi zuen. Horrela, %32k esan zuten urtearen hasieran okerrera egingo zuela ekonomiak, eta %10ek soilik egingo zuela hobera.

Konfiantza galera ez da Euskal Herriko ezaugarri bat. Portaera bera erakutsi dute Espainiako, Frantziako, Alemaniako eta Erresuma Batuko herritarrek ere.

Pertsonalki, ez hain ezkor

Ezkortasunak gehiago eragiten dio egoera ekonomiko orokorrari norberaren egoerari baino. Horrela, -10etik -17ra jaitsi da ekonomia orokorrari buruzko ustea, eta -2tik -7ra baizik ez etxeko ekonomiari buruzkoa. Ezkortasuna enpleguaren eremura zabaldu da gehien: %41ek uste dute langabezia handitu egingo dela hurrengo hamabi hilabeteetan (+12), eta %12k soilik espero dute behera egitea (-8).

Erosketa handiei dagokienez, kopuru apaletan daude oraindik ere: %0,8k baizik ez diote etxebizitza erosteko asmoa dutela (%2,5 aurreko hiruhilekoan), eta %6,8k autoa erosi nahi dute (%7,2k aurrekoan).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lanaldean-eko langile talde bat, enpresak Bilbon duen bulego baten aurrean atzo eginiko elkarretaratze batean. ©M. D. V. / FOKU

«SOS Deiak, bai esan?»: 1.000 euroko soldata

Imanol Magro Eizmendi

Lanaldean telemarketin enpresako langile batzuek mobilizazioak hasi dituzte baldintzak hobetzeko. Gutxieneko soldataren mugan daude, eta, besteak beste, Segurtasun Sailaren, Kutxabanken eta Iberdrolaren lehen ahotsa dira.
Kadri Simson EBko Energia komisarioa, gaur, Bruselan. ©OLIVIER HOSLET / efe

Energia merkatzeko lehen neurrien ondoren, urrunago joateko presioa du Bruselak

Iker Aranburu

Kontsumoa jaistea, energia konpainiak zergapetzea, eta berriztagarrien sariak murriztea onartu du EBk. Gasari gehienezko prezioa jartzeko eskatu dute EBko hamabost kidek, baina Europako Batzordeak eta Alemaniak ez dute nahi.

Elorrioko kooperatiba baten hipermerkatu bat. ©EROSKI

Eroskik 46,8 milioi euroren irabaziak izan ditu lehen seihilekoan

Xabier Martin

Inflazio handiaren agertokian, «familiei laguntzeko ahalegina» egin duela esan du kooperatibak. Salmentak 2.633 milioi eurora iritsi dira

<b>Etxe bila.</b> Emakume bat etxebizitzen iragarkiak ikusten, Getxoko higiezin agentzia batean. ©MIGUEL TOÑA / EFE

Inoizko igoerarik handiena izango dute hipoteka orain eguneratu behar dutenek

Iker Aranburu

Euriborrak %2,2tik gora bukatuko du iraila, mailarik handiena 2009az geroztik. 150 eta 200 euro artean garestituko ditu berritu behar diren kuota gehienak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...