EUSKARA

Hizkuntzarekin jolasteko unitate didaktiko sorta bat aurkeztu dute

Hiru unitate didaktiko biltzen ditu Hizkuntzarekin Jolasean sortak: Mahai-jolasa, Sare Sozialetan eta Txistealdia. Lehen Hezkuntzako 5. eta 6. mailako ikasleentzat prestatu dituzte, eta webgune batean bildu, irakasleek nahieran erabiltzeko.

Unitate didaktikoen aurkezpena, gaur, Donostian.
Unitate didaktikoen aurkezpena, gaur, Donostian. Juan Carlos Ruiz / Foku Tamaina handiagoan ikusi

Maddi Ane Txoperena Iribarren -

2020ko urtarrilak 16

Eusko Ikaskuntzaren Asmoz fundazioaren egoitzan aurkeztu dute Hizkuntzarekin Jolasean unitate didaktiko sorta, Donostiako Miramar jauregian, eta han izan dira unitate didaktikoaren egileak: Kike Amonarriz zuzendaria, Iñaki Zapirain aholkulari pedagogikoa, Leire Ruiz de Angulo diseinatzailea eta Antton Telleria aurkezlea. Unitate sortaren izenak berak dioen gisan, hizkuntzarekin jolastea du helburua: taldean egin beharreko hainbat ariketaren bitartez, ikasleek mahai jolas bat, sare sozialetarako umorezko euskarriak eta txisteak sortu beharko dituzte, bertzeak bertze.

Webgune batean bildu dute guztia, eta Amonarrizek azaldu duenez, dohainik dago nahi duen orok erabil dezan: «Kopiatu daiteke, ongi kopiatuz gero» , erran du, umorez. Zapirainek nabarmendu duenez, «metodologia aktiboetan» oinarritu dira edukia diseinatzeko: «Helburua da ikasleak jolasean jarri eta ongi pasatzea, baina edukiak ere ongi barneratuta, horiekin zerbait sortzeko» . Unitate bakoitzean hiru fase daude, eta erronka bat proposatzen zaie ikasleei, elkarlanean ariz, hari erantzuteko. Unitate didaktikoen barnean dauden ariketak, dena den, atalka ere egin daitezkeela zehaztu dute.

Hizkuntzaren jolasa

Unitate didaktikoaren helburua da ikasleen euskararen erabilera sustatzea, eta, horren bitartez, ezagutza linguistikoa hobetu eta hizkuntzarekiko atxikimendua sendotzea ere bai. Horretarako ahalik eta erakargarriena egiten saiatu dira: webgunea dinamikoa da, eta Telleriak berak aurkezten dituen bideoak zein webgunean bertan osa daitezkeen ariketak daude, adibide gisa. Balioak sustatzen ere saiatu dira, zeharka: genero berdintasuna eta kulturaniztasuna, erraterako.

5. eta 6. mailako ikasleentzat erreferentziak bilatzea kostatu zaie gehien, eta, horretarako, Tolosako eta Errenteriako hainbat gazteri galdetu diete haien erreferenteei buruz. Haiek errandakoei jarraikiz, Zuriñe Hidalgok, Julen Telleriak, Iker Galartzak eta Idoia Torregaraik parte hartu dute proiektuko zenbait bideotan. Unitate didaktikoen egileek zehaztu dute adin horretako ikasleentzat prestatu badute ere zaharragoentzat ere balio duela, eta webgunean irakasleentzako argibideak ere txertatu dituzte.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

 ©Juan Carlos Ruiz / Foku

COVID-19ak hiru hildako utzi ditu Nafarroan

Berria

13.012 PCR egin dituzte Hego Euskal Herrian, eta horietatik 842k positibo eman dute. 

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna