Albistea entzun

U-30eko greba orokorra

Pentsiodunek manifestazioak antolatu dituzte greba orokorreko egunerako

Bilbon egin dute mobilizazioen berri emateko agerraldia, eta udaltzainek oraingoan ez diete utzi udaletxeko eskaileretan biltzen.

Pentsiodunen agerraldia, Bilboko udaletxeko aurreko espaloian.
Pentsiodunen agerraldia, Bilboko udaletxeko aurreko espaloian. Imanol Magro Eizmendi Tamaina handiagoan ikusi

Imanol Magro Eizmendi -

2020ko urtarrilak 21

Hego Euskal Herriko pentsiodunen mugimenduak lau manifestaziotara deitu du urtarrilaren 30erako, Donostian, Gasteizen, Iruñean eta Bilbon. Eguerdiko hamabietan izango dira hiriburuetako mobilizazioak greba egunean, eta Euskal Herriko Gutun Sozialeko kide diren beste kolektiboekin bat egingo dute ibilbidean. Mobilizazioen ibilbide eta antolaketa diseinatzen ari dira, baina, aldaketarik ezean, pentsiodunek hartuko dute manifestazioen burua. Hiriburuetako mobilizazioen ondoren, manifestazioak izango dira herrietan, arratsaldean. Horiek, baina, ez dira mobilizazio bakarrak izango: bezperan, urtarrilaren 29an, lapiko jotze zaratatsuak egingo dituzte herri guztietan 21:00etatik 21:15era.

Bilbon eman dute mobilizazioen berri, eta bertan, Bizkaiko herrietako bileretako ordezkariez gain, Gipuzkoa, Araba, eta Nafarroako pentsiodunen elkarteetako kideak egon dira. Batasun irudia eman dute, guztiek greba orokorrerako deialdia babesten dutela erakusteko. Adierazi dute pentsio duinak defendatuko dituztela «agintzen duenak agintzen duela», eta nabarmendu «pentsiodunek mobilizatzeko duten ahalmena» dela euren helburuak lortzeko berme handiena, bi urtez astelehenero elkartu baitira.

Pentsiodunek Bilboko udaletxearen aurrean egin dute agerraldia, baina aurreko espaloian, Jorge Oteizaren eskulturaren alboan. Pentsiodunen asmoa udaletxeko eskaileretan egitea zen, ohi denez, baina Bilboko udaltzainek ez diete utzi. Alde horretatik, pentsiodunek «arrera aldaketa» bat sumatu dute udalaren aldetik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nord Stream 1 gasbidea, Alemanian sartzen den lekuan. ©STEFAN SAUER / EFE

Berlinek eta Moskuk «sabotajetzat» jo dituzte Nord Streameko isuriak

JokinSagarzazu

Gertakariak ez du eraginik izango Europarako gas horniduran, gaur egun bi gasbideak ez baitaude martxan. Danimarkako Gobernuak energia alorreko larrialdia ezarri du herrialdean
Mahats bilketa betean ari dira egunotan Bastidan. ©JAIZKI FONTANEDA / FOKU

Lehortearen uztak bilketa astuna dakar

X. Martin

Eguraldi lehorrak %20 inguru apalduko du 2022ko uzta Arabako Errioxan. Mahats aleak txikiak dira, eta azidotasun apala dute. Litekeena da horrek urteko ardoen kalitatean eragitea, baina egurrerako gordetzen den zukua ez du zertan hondatu. Bastidako kooperatiban buru-belarri dabiltza jadanik mahats bilketan.
Arabako Mahastiak ez da aurten hasiko, «baimena ez delako garaiz iritsi»

Arabako Mahastiak ez da aurten hasiko, «baimena ez delako garaiz iritsi»

Xabier Martin

Mahats bilketa betean dira jadanik Arabako Errioxan, eta sor-marka berria abiarazteko prest daudenek onartu dute beren ardoak Errioxako izenean jarraituko duela aurten
Hauteskunde sindikaletarako ELAren kanpainaren aurkezpena. Erdian, Mitxel Lakuntza idazkari nagusia. ©BERRIA

Sindikatuek ordezkarien erdiak izango dituzte jokoan ekainera bitarte

Imanol Magro Eizmendi

Hurrengo bederatzi hilabeteetan hauteskunde sindikalak abiatuko dituzte Hego Euskal Herriko lantoki handietako gehienetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.