Politika

Ernesto Gasco haur pobreziaren aurkako goi mandatari izendatuko du Sanchezek

Ministroen Kontseiluak bihar egingo du ofizial Donostiako PSEko zinegotziaren kargu berria.

Gasco, ezkerretik bigarrena, Sanchezen ondoan, iazko apirileko hauteskundeen kanpainan. /
Gasco, ezkerretik bigarrena, Sanchezen ondoan, iazko apirileko hauteskundeen kanpainan. / Juan Herrero/EFE Tamaina handiagoan ikusi

Berria -

2020ko urtarrilak 27

Pedro Sanchez Espainiako Gobernuko presidenteak Ernesto Gasco (Donostia, 1963) Donostiako PSE-EEko zinegotzia aukeratu du haur pobreziaren aurkako goi mandatari kargurako. Gobernuaren presidentetza egituraren barruan dago goi kargu hori, eta haren eginbeharren artean daude haurtzaroan ematen diren desberdintasun sozialen eta pobrezia kasuen aurkako politikak koordinatzea. Ministroen Kontseiluak bihar egingo du ofizial izendapena.

Gasco Donostiako Udaleko bigarren alkateorde eta Sustapen, Garapen Ekonomikoa eta Turismo zinegotzia da iaztik. Joan den legealdian ere Donostiako udal gobernuko alkateordea izan zen, eta kargu horretan zela hautsak harrotu zituen 2016an bere Instagram kontuan eskegitako argazki bati egindako iruzkinak. Argazkian etxegabe bat agertzen zen Donostiako kale batean lo egiten, eta argazki horren azpian honako hau idatzi zuen Gascok, gazteleraz: Servicio de habitaciones? (Logela zerbitzurik?). Polemika  bizia piztu zuen testu hark, eta Gascok segituan ezabatu zuen bere kontutik.

Gascok aste honetan bertan uko egingo die Donostiako udalean dituen karguei. Behin zinegotzi kargua utzita, haren tokia Cristina Lagek hartuko du udalean. Iazko udal hauteskundeetan Donostiako udalerako zerrendetan seigarren postuan aurkeztu zen Lage. Independente gisa aurkeztu zuen bere burua.

Haur pobreziaren aurkako goi mandatariaren kargua Mari Klosek bete zuen joan den legealdian. Apirilaz geroztik eta Espainiako Gobernua jardunean egon zen bitartean, bulegoko zuzendari Sandra Leon Alfonsok bete zuen postua, behin-behinean. Leon Alfonsok ekainean laga zuen kargua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Pfizerren txertoen erdiak iritsi dira Hego Euskal Herrira

Ion Orzaiz - Arantxa Iraola

Aste honetan iristekoak ziren dosien %56 jaso ditu Osakidetzak, eta %50 Osasunbideak. Auziak kalapita sortu du talde politikoen eta administrazioen artean
<b>Nafarroako Ospitaleko gela bat, artxiboko irudi batean.</b> ©MARISOL RAMIREZ / FOKU

112 lagun daude ZIUetan: azken lau asteetako kopuru handiena

Uxue Rey Gorraiz

Ospitaleetako egoera larriagotzen ari da; 639 pertsona daude erietxeraturik Hegoaldean. Beste 847 positibo atzeman dituzte igandean
Ertzaintza Donostiako Trinitate plazan, larunbatean. ©PIZTU DONOSTIA

Istiluak izan dira Donostian, Irunen, Getxon eta Mungian

Berria

COVID-19aren aurkako neurriak ez errespetatzea egotzita, hainbat gazteren aurka oldartu da Ertzaintza

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna