Musika

Greba deialdiagatik, EOSek egun bat aurreratu du ostegunean Donostian ematekoa zen kontzertua

Euskadiko Orkestra Sinfonikoak bihar egingo du 'Lurra' programaren bigarren kontzertua, Kursaaleko auditoriumean.

Joan den astean aurkeztu zuen EOSek abonu denboraldiko programa.
Joan den astean aurkeztu zuen EOSek abonu denboraldiko programa. Jon Urbe / Foku Tamaina handiagoan ikusi

Berria -

2020ko urtarrilak 28

Ostegunerako greba orokorrerako deialdia dagoela eta, egun horretarako Donostian programatua zuen kontzertua egun bat aurreratzea erabaki du Euskadiko Orkestra Sinfonikoak. Horrenbestez, Lurra deituriko programa bihar oholtzaratuko du EOSek, leku eta ordu berean: Kursaaleko auditoriumean, 20:00etan.

Abonamendu denboraldiko programa hori Donostian eta Bilbon taularatu zuen orkestrak joan den astean, eta, aste honetan, biharko kontzertuaz gain, beste emanaldi bat ere badu programatua, ostiralerako, Gasteizen.

Programa horretan, Gustav Mahlerren Lurraren kanta da obra nagusia, eta, aurretik, Maurice Ravelen bi orkestra lanek osatzen dute egitaraua: Une barque sur l'océan eta La Valse. Robert Treviñok zuzenduko du orkestra, eta kontzertuetan ariko dira, halaber, Jennifer Johnston mezzosopranoa eta Corby Welch tenorra. Programari buruzko informazio guztia hemen aurkitu daiteke.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiari 1813an su eman ziotela oroitzeko Dora Salazarrek egindako eskultura, maskara jantzita ©JUAN CARLOS RUIZ / FOKU

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna