Albistea entzun

Auto salmenta

Renove plan berriak autoa erosteko laguntzak murriztu ditu

Gasolina edo gasolio bidezko autoak erosteko laguntza 1.000 eurora murriztuko da. Kotxe elektrikoenak, berriz, 3.000 eurokoak izango dira.

Renove plan berriak autoa erosteko laguntzak murriztu ditu
Renove plan berriak autoa erosteko laguntzak murriztu ditu Tamaina handiagoan ikusi

Berria -

2020ko urtarrilak 29 09:54

Bihar jarriko da martxan Eusko Jaurlaritzak eta Energiaren Euskal Erakundeak bultzatutako bigarren Renove plana. Iazkoak bezala, bost milioi euroko aurrekontua izango du auto zaharrak berriekin aldatzeko planak, baina erdira murriztuko dira onuradun bakoitzarentzako diru laguntzak. Erakundeen esanetan, txatarra bilakatuko diren ibilgailuen kopurua bikoiztea du helburu; iazko 2.411 ibilgailuetatik, 5.000 ingurura. Urteko auto salmenten %10 litzateke.

Gasolina edo gasolio bidez funtzionatzen duten autoak erosteko diru laguntzetan nabarmenduko da nagusiki murrizketa. Horiek 1.000 euroko laguntza jasoko dute, iazkoaren erdia; betiere, A energia ziurtagiria badute. Hidrogenoarekin edo energia elektrikoarekin funtzionatzen dutenek, berriz, 3.000 euroko laguntza izango dute. Tarteko laguntzak izango dituzte gas naturalen bidez ibiltzen direnek eta hibridoek.

Diru laguntzak jaso ahal izateko, ezinbestekoa da autoak hamar urte baino gehiago izatea —zazpi urte, furgoneten kasuan—. Horrez gain, auto berriek 25.000 euroko gehienezko kostua izan beharko dute, 40.000 eurokoa elektrikoen kasuan. Furgonetek ez daukate finkatuta gehiengo preziorik.

Iaz, 2.411 ibilgailu zahar kendu ziren zirkulaziotik planari esker. Auto berriei dagokienez, horien %62,5 gasolina edo gasolio bidez funtzionatzen duten autoak izan ziren; %18,8, hibrido ez entxufagarriak; eta %11,5, petrolio gas likidotua erabiltzen dutenak.

Energiaren Euskal Erakundeak eta Jaurlaritzak gaur aurkeztutako diru laguntzetako bat izan da Renove planarena. Denera, 20 milioi euro bideratuko dituzte energia kontsumoa murrizteko ekintzetara; 10 milioi euro energia berriztagarriak bultzatzeko, eta beste hainbeste eraginkortasun energetikora —tartean, Renove planeko 5 milioi euroak—.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxeak itxita eta jende oso gutxi Pekingo kaleetan, maiatzean. ©MARK R. CRISTINO / EFE

OMIKRONAREN KOLPEA

Olatz Urkia

Mundua koronabirusarekin bizitzen hasi den honetan, Txinak ez du bertan behera utzi nahi kutsaturik gabeko estrategia. Eta ordaindu beharreko prezioa altua da. Pandemia hasi zenetik bi urte baino gehiago pasatuta, orain hartu du Txinako ekonomiak kolperik gogorrena.

Kaiet Barberarena, Iholdiko Landaia etxaldean, Kintoa arrazako bere zerrien parkean, joan den ostiralean. ©I.E.

Laborariak kezkatu ditu prezioen goititzeak

Iñaki Etxeleku

Hazkuntzarako kanpoan erosi bazka, ongailu eta erregaien prezioak goratu izanak kinka gaiztoan ezarri ditu laborari franko. Iholdiko Landaia etxaldean ere bai, nahiz autonomia bilatzeak arriskua arintzen dion. Erresilientzia planeko dirua banatzeko Frantziak finkatu arauak, gainera, bazter utzi ditu ehunka etxalde.
Pedro Sanchez, Ministro Kontseilu bereziaren osteko agerraldian. ©Kiko Huesca / EFE

Espainiako Gobernuak 200 euroko txekea emango die errenta apaleko langileei, autonomoei eta langabeei

Irune Lasa

Kotizaziorik gabeko pentsioak %15 igoko ditu, eta garraio publikorako abonuak merkatuko. Pedro Sanchezek energia konpainien irabazien gaineko zerga berria iragarri du. «Gehien lortzen dutenek, ekarpen handiagoa egin behar dute sakrifizio kolektibora».

Pedro Azpiazu Jaurlaritzako Ekonomia sailburua, Eusko Legebiltzarrean, gaur. ©Irekia

Europako funtsetatik 1.090 milioi euro jaso dituzte Arabak, Bizkaiak eta Gipuzkoak

Iker Aranburu

Eusko Jaurlaritza kexu da funtsen banaketa oso motel doalako, eta etsita dago Espainiako Gobernuaren banaketa zentralistarekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...