Albistea entzun

Erreakzioak

EAJren arabera, «erabateko porrota» izan da greba orokorrerako deia

Alderdiak adierazi du protestaren erantzuna "oso mugatua" izan dela. Uxue Barkos Geroa Baiko ordezkariak esan du prekaritatea arazo bat dela, baina greba ez dela hari "aurka egiteko tresna". Beste hainbat politikari ere mintzatu dira grebaren eraginen inguruan.

Gasteizen egindako manifestazioaren irudi bat, gaur goizean.
Gasteizen egindako manifestazioaren irudi bat, gaur goizean. Endika Portillo/Foku Tamaina handiagoan ikusi

Nagore Arin -

2020ko urtarrilak 30 21:57

Era guztietako erreakzioak eragiten ari da greba orokorra. Sindikatuetako kideak ez ezik, politikariak ere mintzatu dira greba egitearen eta grebak izan dituen eraginen inguruan.

EAJ. Alderdiaren arabera, «erabateko porrota» izan da greba orokorrerako deia. Ohar batean adierazi duenez, «gizarteak eta ahoz defendatzen dituzten taldeek bizkarra eman diete greba deitu dutenei, bereziki ELA eta LAB sindikatuei». Grebaren deitzaileek «autokritika sakon eta zintzoa» egin beharko luketela gaineratu du alderdiak adierazpenean. Nabarmendu du protestak erantzun «oso mugatua» izan duela bai sektore publikoan bai sektore pribatuan: «Euskal hiritargoaren gehiengoa lanera joan da gaur, esandako sindikatuek bere ahalegin guztiak egin arren eta era guztietako estrategiak baliatu dituzten arren Euskadi geldiarazteko».

CNT. Sindikatuak «oso positibotzat» jo du pentsio, lan eta bizitza duinen aldeko greba orokorrak izan duen arrakasta: «Berriz ere, milaka pertsona ikusten ditugu kaleetan, prekaritatearen aurkako neurri argi, zehatz eta premiazkoak eskatzen». Pentsiodunen presentzia azpimarratu du bereziki: «Marea pentsiodunak, autonomia eta zeharkakotasun printzipioek gidatuta, duintasun erakustaldi erraldoia eskaini du berriz ere». Horiekin batera, «emakumeak, ikasleak, migratzaileak eta beste hainbeste biktima» ere kalera atera direla nabarmendu du. «Hau ez da gaur amaituko».

Uxue Barkos (Geroa Bai). «Prekaritatea arazoa da, baina greba ez da aurka egiteko tresna», adierazi du Barkos ordezkariak. Hala ere, grebaren leloari begira –Lan, pentsio, bizitza duina–, gogoeta ugari egiteko arrazoiak daudela nabarmendu du: «Badaude arrazoiak lan prekaritateari buruz gogoeta egiteko, lan egiteko eta kezkatzeko, arazorik handienetako bat baita». Horregatik, greba egitea eskubide bat dela defendatu du; baita ez egitea erabakitzea ere.

Mikel Buil (Nafarroako Ahal Dugu). «Gobernuan gaudenez, gure lana da presio egitea eta lan egitea eskubide sozialen alde, eta hori ari dira egiten gure kideak kalean», adierazi du Buil ordezkariak. Haren esanetan, hanka bat kalean eta beste bat instituzioetan dutela egin behar dute lan, Ahal Dugu-ko alderdikideek ere greba egin ahal izateko. Parlamentuan lan egingo dutela nabarmendu du; izan ere, alderdiak grebaren deialdia egin duten sindikatuek galdegin dituzten «mugarriak biltzen dituen akordio bat» duela esan du.

Marisa de Simon (Ezkerra [I-E]). Simonen arabera, «kontua ez da greba babestea edo ez babestea», eta pentsioak edota gutxieneko lanbidearteko soldata «Estatu osoko herritarrei» eragiten dien auziak direla esan du. «Sindikatu antolatzaileek eskubide osoa dute grebara deitzeko, baina beste helburu politiko-sindikalak dituzte. Estatuko gainontzeko lekuekiko negoziazio esparru desberdin bat eratu nahi dute, eta I-E ez dago ados horrekin; hortaz, hau ez da greba orokor bat», adierazi du. 

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Javier Remirez Nafarroako Gobernuko presidenteorde lehena, parlamentuan ©Jesus Diges / Efe

Nafarroan, Madrilek ez du oztopatuko 3.627 enplegu publiko egonkortzea

Joxerra Senar

Espainiako Gobernuak ez dio foru legeari errekurtsorik jarriko Auzitegi Konstituzionalean, eta uztailean Nafarroako Parlamentuak onartutako legea «bere osotasunean» sartuko da indarrean

Txik Txak garrai sareko autobus bat, Baionan, artxiboko irudian. ©Guillaume Fauveau

Ipar Euskal Herriko garraio zerbitzuko langileak greban sartu dira

Garazi Aduriz - Oihana Teyseyre Koskarat

Txik Txak garraio sareko langileek grebari ekin diote goizean. Salatzen dute egunean hamalau orduko lan txandak dituztela langile eskasiaren ondorioz.

LIDLeko langileak, greban. ©ELA Sidikatua

Bertan behera utzi dituzte Lidl eta BM supermerkatuetako grebak

Iñaut Matauko Rada

Langraiz Okako (Araba) Lidlen bloke logistikoan hitzarmen berria adostu dute, eta soldaten %20ko igoera lortu. BMn gaur ziren greba hastekoak, baina asteburuan lortutako «aurrerapenen» ostean, deialdia utzi dute.

Mondragon korporazioaren, Laboral Kutxaren eta Ikerlanen egoitzak, Arrasaten. ©MONDRAGON

Ulma eta Orona, Arrasatetik urrutiratzen

Aitor Biain

Mondragonetik atera, eta korporazioarekin harreman eredu berri bat izateko proposamena egin dute Ulmak eta Oronak. Ereduen talkak eragin du bide propioa abiatu nahi izatea. Abenduaren 16an erabakiko dute bazkideek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...