Albistea entzun

Araba

Araban, hezkuntzan izan du eraginik handiena

Hezkuntza publikoko langileen %70ek egin dute bat grebarekin Araban, Steilasen arabera. Industrian, enpresa ertain eta handietan lanuzteak egon badira ere, grebaren erantzuna apalagoa izan da.

Gasteizen eguerdian eginiko manifestazioko irudi bat.
Gasteizen eguerdian eginiko manifestazioko irudi bat. Endika Portillo / Foku Tamaina handiagoan ikusi

Aitor Biain -

2020ko urtarrilak 30 11:37

Askotariko eragina izan du greba orokorrak Araban, baina hezkuntzan eta osasun arloan izan dira lanuzterik handienak. Industrian, ordea, gehienek normal eutsi diote eguneroko jardunari, eta gutxiagok bat egin dute grebarekin, gainerako lurraldeekin alderatuz gero. Enpresa ertain eta handietan izan ziren lanuzteak, hala ere. Gasteizen denda, taberna eta merkataritza gune gehienak ere irekita egon dira egun guztian, eta soilik piketeen protesten eraginez edo eguerdiko manifestazioaren unean itxi dituzte.

Goizean goiz hasi dituzte protestak enpresa handietan eta industrialde garrantzitsuenetan. Pikete informatiboak egin dituzte, eta sarrerak oztopatu. Mercedesen, esaterako, poliziak babestuta sartu dira grebarekin bat egin ez duten langileak. Michelinen ere izan dira protestak, baina ez da istilurik izan. Aldiz, sindikatuen arabera lanuzteak nabarmenak izan dira, Inauxan, Amurrio Ferrocarrilen, Aguraingo Arcelor Mittalen, Laminaciones Arregin, Legutioko Sidenorren, Laudioko Envases Metalurgicosen, Jezen, Aurian, SDAn, Guardian eta Fronerin. SEA patronalak, berriz, greba "hutsala" izan dela esan du, eta lanuzteak denera %6 izan direla. 

Goizak aurrera egin ahala, Gasteizeko kaleetara igaro da protesta. Hainbat zutabe abiatu dira hiriko zenbait lekutatik, eta dendak eta merkataritza guneak izan dituzte jomugan denek. El Corte Ingles eta Boulevard saltoki gune handiak ixteko ahalegina egin dute horietako batzuek, eta tentsio une handiak izan dira. Istilurik handienak zutabe feministan izan dira: Ertzaintza oldartu egin zaie grebalariei, eta hainbat zauritu dituzte; hiru lagun identifikatu ere egin dituzte. Eguerdiko manifestazioan 25.000 lagun inguru bildu dira antolatzaileen arabera, eta istilurik gabe egin dute Bilbo plazatik Andre Maria Zuriaren plazara arteko bidea. Sindikatuek ontzat jo dute grebak lurraldean izandako erantzuna : «Mugarri bat da greba hau, eta ez gara konformatuko makillaje hutsarekin: erroko aldaketak nahi ditugu», adierazi du Arantxa Vazquez LAB sindikatuko ordezkariak, goizeko protesta hasi berritan.

Hezkuntza publikoan, langileen %70ek egin dute bat grebarekin Steilasen arabera, eta EHUko Arabako campusean fakultate gehienak itxi egin dituzte. Osasun arloan, berriz, jaiegunetako langileek bete dituzte gutxieneko zerbitzuak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ertzaintzak eragindako zaurietako batzuk. / ©LAB Ezkerraldea

Ertzaintzak lau grebalari zauritu ditu metalgintzako piketean

Imanol Magro Eizmendi

Arteako Pekos Fabricacion lantegiaren aurrean izan da oldarraldia. Sindikatuek elkarretaratzera deitu dute 17:00etarako, indarkeria gaitzesteko.

Anton Arriola, Kutxabankeko lehendakari berria. ©Kutxabank.

Kutxabankek Anton Arriola izendatu du presidente

Iker Aranburu

Goldman Sachsen luze aritutakoa da Arriola. Bankuaren «berezitasunari» eusteko konpromisoa hartu du.

Prentsaurrekoaren ostean LABek egindako argazkia, Adegiren egoitzaren atarian. ©BERRIA

Bizitzaren garestitzeari aurre egiteko hitzarmenaren alde borrokatuko da LAB Gipuzkoako metalean

Iñaut Matauko Rada

Abenduaren 31n iraungiko da Gipuzkoako metalgintzako hitzarmena, eta LABek prentsaurrekoan adierazi du sektoreak dituen beharrei aurre egingo dien hitzarmen baten alde borrokatuko dela.

Pentsiodunen protesta bat, Iruñean, artxiboko irudi batean. ©VILLAR LOPEZ / EFE

Pentsioak %8,5 handituko dira urtarrilaren 1ean Hego Euskal Herrian

Iker Aranburu

Iaz ez bezala, aurten batez besteko pentsioa handiagoa izango da urte amaierakoa baino. Batez besteko pentsioa 115 euro handituko da, eta erretiratuena 128 euro

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.