Noiz sortua: 2020-02-05 10:30:56

Aralarko pistak

Gipuzkoako Ingurumen diputatuak deklaratu du Aralarko pisten auzian

Aralarko Enirio-Doniturrieta pistari lotutako azken deklarazioak izan dira. Eguzkik eta Landarlanek ingurumena «ez zaintzea eta defendatzea» egotzi diete.

Asensio Tolosako epaitegira sartzen, gaur goizean
Asensio Tolosako epaitegira sartzen, gaur goizean Jon Urbe / Foku Tamaina handiagoan ikusi

Irati Urdalleta Lete -

2020ko otsailak 5

«Gure helburua da ingurumena zaintzea eta defendatzea, eta, tamalez, ez dugu ikusten aldundiak eta Enirio-Aralar Mankomunitateak azken legealdian hori egin dutenik». Adierazpen horiek egin ditu Edurne Huesak, Landarlan eta Eguzki plataformen izenean, Tolosako (Gipuzkoa) epaitegiaren aurrean. Hain zuzen, bertan deklaratu dute gaur, Aralarko pisten auziari lotuta, Jose Ignacio Asensio Gipuzkoako Foru Aldundiko Ingurumen diputatuak, Monica Pedreira Ingurumen zuzendari nagusiak eta Arantxa Ariztimuño Mendietako eta Natura inguruneko zuzendariak. Hala ere, oraindik ez da epaiketa hasi, Enirio-Doniturrieta pistaren auzia instrukzioan baitago. Aurreko astean hasi ziren deklarazioak, eta gaur amaitu dira.

Landarlanek eta Eguzkik eskatu dute kontuan hartzeko Aranzadi zientzia elkarteak egin zuen txostena Aralarko Enirio-Doniturrieta pistaren ebaluazioa egin zenean pistak egitearen aurkakoa. «Iruditzen zaigu ingurumen sailak baimena ematerakoan ez zirela aintzat hartu», nabarmendu du.

Bestalde, salatu du aldundiak komunikabideetan esan duela ezker abertzalearen plataformak direla. Iruditzen zaio hori eurei eta beste herritar askori «errespetua galtzea» dela. «Ez dugu inolako alderdi politikoren babesik; hemen gaude herritarren babesa dugulako», zehaztu du Huartek.

Erakundeei eskatu die kontuan hartzeko Gipuzkoan eta bertatik kanpo jende asko «kezkatuta» dagoela Aralarren egiten ari diren pistekin. «Aralarren artzaintzak eta abeltzaintzak egon behar dute, eta hori bultzatzen dugu, baina naturarekiko orekan, eta hori da egun ziurtatzen ez dena». Hori ikusita, Eguzkik eta Landarlanek lanean jarraitzeko asmoa erakutsi dute: «Gu behintzat hemen egongo gara, bai epaitegian, bai beste ekintza batzuk egiten ere, Aralarko parke naturala defendatzeko».

Auzia aspalditik dator

Aralarko pisten inguruko liskarra ez da berria. 2018an hasi zituzten Eniriotik Igaratzara doan bideko obrak. 2,7 kilometroko bide bat da, eta Enirio eta Doniturrietako bordak lotzen ditu. Orduan, Landarlan eta Eguzki plataforma ekologistek salaketa bat jarri zieten obrei baietza eman zieten udal hautetsiei —EAJko hiru, EH Bilduko bat eta hiru independente, tartean mankomunitateko presidentea—, ingurumenaren eta lurralde antolaketaren aurkako delituak eta prebarikazioa egotzita. Orotara, hamabost pertsona zeunden deituta deklaratzera. Mankomunitatearen eta Eusko Jaurlaritzaren menpeko Haziko teknikoek ere deklaratu behar izan dutelako.

Deklaratu duten zazpi udal ordezkariek agerraldi bat egin zuten abenduan, Aralarko pisten alde bozkatzeagatik auzipetzea «injustizia» dela esateko. Orduan, Enirio-Aralar mankomunitatean «mendi bide bat egokitzearen alde bozkatzeagatik» auzipetu dituztela salatu zuten.

Deklarazioak hasi berritan, Gipuzkoako Foru Aldundiak «babesa» adierazi zien auzipetuei. Imanol Lasa Ekonomia Sustapeneko, Turismoko eta Landa Inguruneko diputatuak esan zuen aldundiak obrak onartu zituela mankomunitateak eskatuta eta «legeak ezarritako prozedurak» betez. Erantsi zuen egitasmoaren arrazoi nagusia bertako artzainen «bizi baldintzak babestea eta irisgarritasun baldintzak eguneratzea» dela: «Artzaintza da Aralarko balio kulturala babesteko eta bermatzeko aktibo nagusia».

Gipuzkoako Foru Aldundiak aurrerantzean ere Aralarko pisten alde egingo duela ziurtatu zuen Lasak: «Aralarko pisten aldeko apustua egiten jarraitzen dugu; eragile nagusiekin elkarlanean, berme tekniko eta juridikoen babespean, eta betiere sektorearen etorkizuna bermatzeko konpromiso irmoarekin».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Mugaz bi aldeetako bidaiak errazteko eskatu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze, 50.000 eurorainoko diru laguntzak onartu dituzte kultura ogibide dutenentzat, eta alokairua ordaintzeko diru laguntzak hamabi hilabetez luzatuko dizkiete autonomoei eta aldi baterako enplegu erregulazioan daudenei. 

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Behobiako zubia, Irun eta Hendaia artean, itxita. ©Andoni Canellada / Foku

Madrilek atzera egin du: uztailaren 1ean irekiko du Iparraldearen eta Hegoaldearen arteko muga

Jon O. Urain

Aurrena, Reyes Maroto Espainiako Industria ministroak eman du dataren berri, baina gobernuak gero zuzendu egin du ministroak esandakoa. Ia hiru hilabete dira muga itxita dagoela, eta horrek eragozpen ugari eragin dizkie eremu horretan bizi diren herritarrei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna