Adierazpen askatasuna

Epaileak Lander Arbelaitz kazetariaren aurkako auzia artxibatu du, baina ertzainek helegitea jarri dute

Epailearen arabera, ezin da esan kazetariak poliziak "iraintzeko" intentziorik izan zuenik haiek agertzen ziren bideo bat egin eta zabaldu zuenean

Lander Arbelaitz epaitegira sartzen.
Lander Arbelaitz epaitegira sartzen. Jon Urbe / Foku Tamaina handiagoan ikusi

Arantxa Iraola -

2020ko otsailak 5

Epailearen aurrean deklaratzera joan behar izan zuen iazko martxoaren 20an Lander Arbelaitz Argia-ko kazetariak; izan ere, bi ertzainek «publizitatearekin egindako irainak» egotzi zizkioten. Delitua da, kondenarako motiboa Zigor Kodean. Auzia aztertu duen instrukzio epaileak ez du auzibidearekin jarraitzeko adinako zantzurik ikusi, ordea, kazetariaren kontrako salaketan, eta auzia artxibatzeko modukoa dela esan du. Izan ere, haren aburuz, ezin da ondorioztatu Arbelaitzek poliziak "iraintzeko" intentziorik izan zuenik haiek agertzen ziren bideo bat egin eta zabaldu zuenean. 2018ko maiatzean kazetari lanetan ari zela egin zuen bideo batean du sorburua Arbelaitzen aurkako auziak; Ernairen agerraldi baten berri ematen ari zen, eta han grabatu zituen irudi batzuetan ikusten da nola ertzain batzuek identifikatzeko eskatzen dioten euskaraz mintzatzeko eskakizuna egiten ari zen emakume bati. Identifikazioaren motiboa ez zela hori esaten ari dira poliziak, ordea, ordutik; horrexek eraman zituen, hain zuzen ere, auzitarako urratsa egitera.

Eta itxura guztien arabera, bidea izango du oraindik epaitegietan auzibideak; izan ere, ertzainek adierazi dute ez daudela konforme artxibatzearekin, eta helegitea ipini dute. Arbelaitzek berak adierazi duenez, bi helegite batera jarri dituzte; artxibatzea bertan behera uzteko helegitea aurkeztu dute, eta justizia sisteman gora jotzeko beste helegite bat ere bai. Horren ondorioz, instrukzio epaileak erreforma helegitea atzera botako balu Gipuzkoako Probintzia Auzitegian auzia aztertzea nahi dute, ahozko epaiketa bati atea zabaltze aldera. Helegitean adierazi dutenez, funtzionario publikoen aurkako «irainak» egin zituen kazetariak, eta ezin da epaiketarik gabe utzi auzia. Kazetariaren lanaren ondorioz, ertzainen «izena» lohitu egin zela diote, eta ondorio txarrak izan zituela horrek haiengan. Horien aurrean, lehengoan da kazetaria, bere lanaren defentsan: «Ikusi nuenaz informatu besterik ez nuen egin».

Kasu honek soka luze eta bihurria izan du. Hasieran, Ertzaintzak berak onartu zuen kalean egindako identifikazio hartan ez ongi jardun izana; Hizkuntza Eskubideen Behatokira helarazitako gutun formal batean horixe adierazi zuen. Baina, gero, isuna ipini zioten euskaraz aritzeko eskea egin zuen pertsonari, eta salaketa, berriz, Arbelaitzi.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna