INGURUMENA. LUIZIA ZALDIBARREN.

«Pazientzia agortu zaigu»

Agintariek «abandonatuta» sentitzen direla salatu dute zabortegiko istripuan desagertutako bi langileen senideek.

Erreskate lanetan dabiltzanak, gaur goizean, Zaldibarren (Bizkaia)
Erreskate lanetan dabiltzanak, gaur goizean, Zaldibarren (Bizkaia) Miguel Toña / Efe Tamaina handiagoan ikusi

Igor Susaeta -

2020ko otsailak 8

Bi egun igaro dira Zaldibarko (Bizkaia) Verter Recycling 2002 zabortegian luizi bat gertatu zenetik, eta horren ondorioz desagertuta dauden langileen senideak «amorratuta» daude. Desagertuetako baten iloba da Helene Alberdi, eta enpresaren eta administrazioetako agintarien senideekiko «tratua» salatu du. «Kanpotik ari gara edukitzen gauzen berri. Ez digute ezer esan. Ematen du ez zaiela axola», adierazi dio BERRIAri. Beste desagertuaren senide batek Twitterren idatzitako mezu batean Eusko Jaurlaritza kritikatu du, eta nabarmendu «abandonatuta» sentitzen direla. Alberdik ere sentipen hori bera du. «Pazientzia agortu zaigu. Ez genuen espero gorpua gurekin eduki arteko denboran salaketa hauek egin behar izatea».

Erreskate lanei ekin diete goizean suhiltzaileek eta ertzainek, baina ostegunean eta ostiralean bezala, eten egin dituzte ordu batzuk geroago. Jaurlaritzako Segurtasun Sailak eguerdian jakinarazi duenez, zeregin horretan dabiltzanen «segurtasuna» bermatzearren utzi dituzte bertan behera. «Pare bat tanta jausten direla eta lanak gelditzen dituztela? Igandean, antza, geologo talde batek baloratuko du lanekin jarraitu edo ez. Ea: joan daitezela oraintxe bertan! Nire osaba ateratzeko presarik ez dagoela dirudi», esan du, «minduta», Alberdik. Jaurlaritzaren esanetan, euriak are ezegonkorragoa bilakatu du eremua, eta luizi gehiago gertatzeko arriskua dago. Geologo talde bat igandean da egoera aztertzekoa, eta bilaketa lanekin noiz jarraitu erabakiko du.

Alberdik Twitter bidez jakin du lanak eten zituztela. «Nire amak ez zekien ezer». Desagertuetako baten arreba bakarra da. Ostegunean, istripua gertatu zenean, Alberdiren ama eta lehengusina, biktimaren alaba, Zaldibarrera joan ziren, eta telefono zenbakiak eskatu zizkieten han zeuden agintari batzuek. «Gaizka Etxabek eskatu ziola esan dit amak». Alberdik ez daki, zehazki, nor den. Jaurlaritzako Larrialdi Zerbitzuetako zuzendaria da. «Baina orduz geroztik...». Hau da, ez dietela kasurik egin. Verter Recycling 2002 enpresako buruzagiek ere ez. «Esan zidaten buruzagiren bat-edo hurbildu zela doluminak ematera».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Moto gidari bat gaur goizean, herritik ateratzeko kontrolean. / ©Idoia Zabaleta, Foku

Sarbideak itxita eta kaleak hutsik Azkoienen

Berria

Normaltasuna izan da nagusi konfinamenduaren lehen orduetan. Herritik irten diren ia denak lan arrazoiengatik irten direa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna