Albistea entzun

Oscar sariak

'Parasite'-ren ezusteko nagusitasuna

Hego Koreako filmak lau garaikur lortu ditu: besteak beste, pelikularik onenarena eta zuzendaririk onenarena. Renee Zellweger (Judy) eta Joaquin Phoenix (Joker) dira aktorerik onenen sarien garaileak.

Bong Joon-ho zuzendaria, bi Oscar sari eskuetan dituela.
Bong Joon-ho zuzendaria, bi Oscar sari eskuetan dituela. DAVID SWANSON 7 EFE Tamaina handiagoan ikusi

Berria -

2020ko otsailak 10

Ingelesez besteko lan batek irabazi du, lehen aldiz, filmik onenaren Oscar saria. Parasite pelikula faboritoa zen nazioarteko filmik onenaren garaikurra eskuratzeko, baina urrunago joan da, eta Hollywoodeko produkzio handiei irabaztea ere lortu du. Gainera, zuzendaririk onenaren saria ere irabazi du Bong Joon Hok. Renee Zellwegerrentzat izan da emakumezko aktorerik onenaren saria, Judy filmeko rolagatik; Joaquin Phoenixentzat, berriz, gizonezko aktorerik onenaren saria, Joker filmean eginiko antzezpenagatik.

Parasite filmak lau garaikur eskuratu ditu denera, beste inork baino gehiago: filmik onena, nazioarteko filmik onena, zuzendaririk onena eta jatorrizko gidoirik onena. Gainontzeko faboritoak atzean utzi ditu, beraz. Sam Mendes zuzendariaren 1917 filma bakarrik gerturatu zaio, hiru sarirekin, baina baliotsuenetako bakar bat ere lortu gabe: soinu nahasketarik onenaren, ediziorik onenaren eta efektu berezirik onenaren sariak irabazi ditu. Bina eskuratu dituzte Once Upon A Time in... Hollywood eta Joker filmek. Quentin Tarantino zuzendariaren filmak irabazi ditu taldeko gizonezko aktorerik onenaren (Brad Pitt) eta produkzio diseinurik onenaren sariak. Joker pelikulak, berriz, jatorrizko musikarik onenarena eta aktorerik onenarena (Joaquin Phoenix).

Renee Zellwegerrena izan da gaueko beste izen handietako bat: Judy pelikulan eginiko lanari esker irabazi du emakumezko aktorerik onenaren saria.

Gaueko galtzailerik handiena, berriz, Martin Scorsese izan da. Hautagaitza ugari izan arren, garaikurrik gabe amaitu baitu The Irishman filmak.

Aspaldiko aldarri gutxien

Azken urteko sarien denboraldia hasi zenean, Phoenixek eskaera bat egin zien ofizioko kideei, zeharka: ez emateko bizi irakaspenik sariak jasotzean, jaso zezatela, eskertu zezatela eta jaits zitezela agertokitik. Eta badirudi askok kasu egin diotela, ohi baino epelagoak izan baitira saria eskertzeko hitzak.

Ez, ordea, Phoenixen aldetik. Bera izan da errebindikazio diskurtsorik nabarmenena egin duena, klima larrialdia gogora ekarriz eta, oro har, «injustiziaren» aurka eginez. «Zinemak ematen digun dohain nagusietako bat gure ahotsa erabiltzeko aukera da. Batzuetan, pentsa dezakegu zenbait kausatako txapeldunak garela, baina nik alderdi komunak ikusten ditut: hitz egin dezagun generoaren berdintasunik ezaz, LGTBI eskubideez, indigenez, animaliez; injustiziaren aurkako borrokaz ari gara».  Gizakia naturatik «deskonektatuta» dagoela salatu du, bere zilborrera begira bizi dela.

Sari guztiak:

Filmik onena: Parasite

Zuzendaririk onena: Bong Joon-ho (Parasite)

Emakumezko aktorerik onena: Renee Zellweger (Judy)

Taldeko emakumezko aktorerik onena: Laura Dern (Marriage Story)

Gizonezko aktorerik onena: Joaquin Phoenix (Joker)

Taldeko gizonezko aktorerik onena: Brad Pitt (Once Upon a Time in... Hollywood)

Nazioarteko filmik onena: Parasite

Jatorrizko gidoirik onena: Parasite

Egokitutako gidoirik onena: Jojo Rabbit

Dokumentalik onena: American Factory

Animaziozko filmik onena: Toy Story 4

Film laburrik onena: The Neighbor's Windows

Dokumental laburrik onena: Learning to Skateboard in a Warzone (if You're a Girl)

Animaziozko film laburrik onena: Hair Love

Produkzio diseinurik onena: Once Upon a Time in Hollywood

Musikarik onena: Joker

Jatorrizko kantarik onena: Rocketman

Soinu ediziorik onena: Le Mans 66

Soinu nahasketarik onena: 1917

Ediziorik onena: 1917

Muntatzerik onena: Le Mans 66

Efektu berezirik onena: 1917

Jantzirik onena: Little Women

Makillaje eta ile apainketarik onena: Bombshell

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©JON URBE / @FOKU

Bekatarien boteretzea

Itziar Ugarte IRizar

Dom Campistronek 'Bekatorosak' liburu grafikoa ondu du, Aldude inguruko lesbiana, gay eta bisexualen zazpi testigantzatan oinarrituta
1 ©MONIKA DEL VALLE / @FOKU

Denboraren kondentsazioak

Amaia Igartua Aristondo

Remigio Mendibururen hiru hamarkadako lana bildu du Bilboko Arte Ederren Museoak 'Mendiburu. Materia eta memoria' erakusketan. Eskulturaren esanahiaz dihardu. Irailaren 5era arte dago ikusgai
Saltxitxa batzuen barrutik igaroko da erakusketako bisitaria. Barruko hormetako azukre kotoiek Glauze eta Kreonte irudikatzen dituzte. ©MARISOL RAMIREZ / FOKU

Medearen ekintzak, enpatiaz

Amaia Igartua Aristondo

Antoni Hervasen 'Sausages' erakusketak Euripidesen 'Medea' tragedian pertsonaia mitologiko horrek duen bilakaera islatzen du. Okela sormen lantegian ikus daiteke, ostiralera bitarte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.